ผญาเศร้า

[สาวบ้านนา]

...ป๊าดดด คือกล้าเตะเข่า โกล์ เจ้าของแท้ว่ะ เพิ่นนี้แมะ...คักเนาะคึดฮอดข่อยนิแมะ...พะนะ ปากแมะ

555+++ ความจิงซือๆดอกอ้าย

[ศรีสะท้าน]

.....โอนอ คึดฮอดน้อง นอนนั่งบ่อมีไหว หัวใจกวยหวั่งเวเซล้ม
โทรมกายขึ้น ยืนยัน ยั้งบ่ออยู่ คึดแต่นำหม่อมซู้ เฮียมน้องผู้อยู่ไกล.....นั้นแหลว อิ อิ อิ

[สาวบ้านนา]

บ่ไหวตี๊ โอ แวะ เอายาดมมายัดฮูดังไห่จ้า อ้ายเอ้ยมีหยังอุกอั่งในทรวงกาย เว้าสูข่อยฟังแหน๋

[ดอกหญ้า]

ปลาสิไลลาน้ำคำเอยสิเอิ้นสั่ง
คำสิไกลสายสร้อยกลอยมันสิลาป่า
ปูปลาสิลาน้ำเข้าก่ำสิลาหนอง
หนองสิลาน้ำนาทามสิลาท่ง
นับมื้อไกลกันแล้วหัวเฮือสิลาฝั่ง
หมากข่างไกลหมากกลิ้งซิงสิไห้ต่อนกทา
ดวนดันหอมสิห่างกอไกลต้น
ฮวกสิลาแม่น้ำนางน้อยค่อยอยู่ดี
ด้งสิลาม้อนสวนมอนสิลาจ่อ
สีสิลาหน้า บาทาสิลาเกิบ
นอสิลาช้าง เสือสางสิลาป่า
ทวนสิลาหญ้าฝาเฮือนทังดวด ชั่งสิไกลลูกโต้นคนสิไห้แอ่วนำ
หมาสิลาเข้าปั้นกระสันให้แอ่วนำ
บัวทองสิลาบึงบ่าวพี่ชายสิลาน้อง
ผมป่งลากระโด้นหวีสิซันบ่อนใด
ดอกสมั่งลาจากต้นฟานเอยสิลาหน่าง
กาสิไลไก่น้อยอ้อยสิห่างฮามสวน
ฝนสิลาฟ้าปูปลาสิลาบวก
ปลีสิลากล้วยควายบักเลสิลาท่ง
ปอสิลาเชือกอ้อง ควายนั้นค่อยอยู่ดี
เสิบสิลาปี่แอ้ แคนไค้ขลุ่ยซอ
สาสิลาหญ้ากวยยาสิลาข้วน
ติบนวดลากะเช้าบอกปูนนั้นค่อยอยู่ดี

[ดอกหญ้า]

เก้าสิฆ่าสิบสิฆ่าให้เอาแก่นคะยูงตี มาซ่างเอาหัวใจตีเน่านูมในเนื้อ
ตายกะบ่ตายแท้พอทรงวิบาก อยากกะกินบ่ได้คาแค้นคั่งทวง
ขอให้หาหมอส้องทำขวัญให้แน่ จั่งสิหายพยาธิฮ้ายคายส้องบ่ให้เสีย

[ศรีสะท้าน]

...อ่านซื่อๆ บ่อตอบดอก ยาวโพด สิไปหาทำงานก่อน.....คึดฮอดกันกะโทรมาเด้อ....
เบอร์ 357 38 11 m16 ต่อน้อยหน่า หรือลูกเกลี้ยงเด้อ.........อิ อิ อิ

[ดอกหญ้า]

ไปโลดฮู้จักทำมาหากินแน

[ศรีสะท้าน]

อันว่าความผญาเศร่า สงสารวัฏฏะวาท ไผบ่ออาจหลีกได้ ในบั้นบ่อนมะโน
คือคนโซเหลืองไข่ หนาวในใจบ่อซื่น ทุกเซ้าค่ำแลงคืน คึดเห็นแต่หน่าเจ้า มันอุกเอ้าอั่งใจ นั้นแหลว

[สาวบ้านนา]

แนวน้องเห็นอ้ายศรีเศร้า
แฮงน้ำตาสิพังหนํา
บอกเค้าไปซาอ้ายวาฮักและคึดฮอด

พะนะ

[ศรีสะท้าน]

บอกกะบอกบ่อได้ เพิ่นบ่อฮับความจา นางเอ้ย
มีแต่พาโลสูน เคียดซังทางอ้าย
ทังอยากอายกะปานนั้น อ้ายมันบ่อสำคัญ มีแต่เขาสิป้อยด่า ว่าบักหมากะพ่องนั้น รำพันโอ้ อ่าวเจ้าของ นั้นแหลว...นางเอ้ย