สิพานั่งปิคอัพมือแรก เมือนา

[คนตระการ...]

เป็นภาพเดือนที่แล้วครับที่เมือยามบ้าน พอดีเข้ากำลังเขียว
ออกเมือนาหาหน่อไม้มาแกง ได้เห็ดมาพร้อม..มาเด้อขึ้นรถไปนำกัน


รวบรัดตัดตอน ฮอดนาแล้ว
จอดรถมือแรกไว้ไกล้เถียงนี่ล่ะ..ขโมยบ่อย้านดอก(บ่อมีไผหาญรถรุ่นนี่แล้ว) ย้านแน่แต่งัวสิมาสีนั่นล่ะ

หย่างลงท่งไปนำคันแทนี่ล่ะ


ปีนี่ข้าวกะงามหลายอยู...คือสิเป็นตาขายได้แต่งเมียอยู่ดอกติ๊..
ถ้าขายข้าวบ่อพอ กะยังมีงัวโตอยู่ข้างรถนั่นล่ะ ..ถ้าบ่อพออีกกะสิขอผ่อนแม่เฒ่าเอาดอก


[

แวะมาซ่งนี่ มีกอไผ่หลายๆ บัดเทื่อได้หน่อไม้เมือแกงกินแลงนำ


ได้ทั้งเห็ดปลวกพร้อม สิแกงไส่หน่อไม้มื่อแลงนี่ล่ะ ซดฮ้อนๆเบิ่ง

[พ่อบักเบนซ์]

หน่อไม้กับเห็ดบ่อยากนำดอกจ้า พีเห็นไก่แว๊บๆ ภาพแรกนั่นแม๋ เอามาต้มสู้น้องกินแนะจ้า ....
อิอิ ข้าวงามเน๊าะครับ รับจ้างเกี่ยวบ่ครับ สิลางานไปรับจ้างดอกบาดนิ หาค่ายำเมรีก่อน ....

[ธีระปลัด]

ข้าวงามเนาะครับ ปีนี้คือสหมานข้าวหลายเนาะญาอ้าย

[บ่าวทิพย์คนอำนาจเจริญ]

เอ๋ๆ ดอกเหลืองๆแหม่นเห็ดหำพระบ่นั้น

[nuzing]

หน่ายไทอำนาจบ่ฮุ่จัก"เห้ดหำฟาน"เนาะ สิบอกวิธีกินเอามือเหนี่ยงๆ (ห้ามใช้ตรีนนะจ๊ะ๊มันคะลำ อิอิ ) ผิวสีเหลืองๆออกก่อนมันกะสิแหลวแอ๊ะและคือหามพระคือบ่าวทิพย์หว่าหละ เอ๊า โหม่ม ลึด โลด ย่านติดคอกะหย่ำ อิอิค่าดอง กะบ่เอาแพงดอกขอสัตว์ 4 เท้า + 2เท้า + หน่อไม้กาละมังนั่นกะพอดอก ฟ่าวเด้อเอ๋มันสิเบิ้ดเขตโปรโมชั้นแม่เถ่าคะเจ้าสิขึ้นราคาเด้อ อิอิ

[เพ็นนี]

หน่ายไทอำนาจบ่ฮุ่จัก"เห้ดหำฟาน"เนาะ สิบอกวิธีกินเอามือเหนี่ยงๆ (ห้ามใช้ตรีนนะจ๊ะ๊มันคะลำ อิอิ ) ผิวสีเหลืองๆออกก่อนมันกะสิแหลวแอ๊ะและคือหามพระคือบ่าวทิพย์หว่าหละ เอ๊า โหม่ม ลึด โลด ย่านติดคอกะหย่ำ อิอิค่าดอง กะบ่เอาแพงดอกขอสัตว์ 4 เท้า + 2เท้า + หน่อไม้กาละมังนั่นกะพอดอก ฟ่าวเด้อเอ๋มันสิเบิ้ดเขตโปรโมชั้นแม่เถ่าคะเจ้าสิขึ้นราคาเด้อ อิอิ

ยายจ๋า อย่าว่าแต่ไทอำนาจเลยจ้า
เขมรบุรีรัมย์กะบ่ฮู้จักจ้า แถวบ้านบ่มีป่าเห็ด
แต่กะพอมีเห็ดปลวกในสวนได้เก็บกินอยู่จ้า


อ้ายเอ๋เว้านำแม่เฒ่าดีๆเด้ออ้าย ขอผ่อนระยะยาวโลด 5555+

[แหลวแดง]

จั่งแม่นข้าวงามเป็นตาออนซอนเนาะคับ ข้าวสิราคาดีอยู่ดอกปีนี้ รับรองว่าได้เมียแท้หละ อิอิ ถ้าบ่พอกะขอลดเปอร์เซ็นนำผู้เฒ่าเพิ่นลองเบิ่งเด้อ ถ้าลดบ่ได้กะบอกเพิ่นว่าแล้วข้าวปีหน้าพุ้นหละ ปีนี้บ่ทันแล้ว 555

[มั่วหน่าฮ่าน]

เห็นบรรยากาศแล้วคึดฮอดบ้าน...

[บ่าวกุดชุม]

อยากกินงัว อ้ายเอ๋ คือสิตับหวาน แท้ๆ

[เจ้าซายน้อย]

เอ๋ๆ ดอกเหลืองๆแหม่นเห็ดหำพระบ่นั้น

อั่น หำพระนี่สีเหลืองติครับ บ่เคยเห็นแม่ะ...เคยเห็นตะแหล่ๆ อิอิอิอิอิ