สะเออะไข่...ฝีมือเด็กน้อยเองจ้า

31-10-2009, 18:02

สะเออะไข่...ฝีมือเด็กน้อยเองจ้า

เมนูแลงนี้ของเด็กน้อย...เฮ็ดซื่อ ๆ ดอกเผื่อมีคนอยาก เพราะแลงนี้เด็กน้อยบ่กินแลงจ้า ตั้งใจไว้ว่าสิงดข้าวแลงถึงวันที่ 5 ธันวาคม 2552 จ้า เลยเฮ็ดให้บักหล่ากับอ้ายพลกินนั้นแมะ บ่ฮู่ว่าเพิ่นสิกินให้บ่น้อ....เฮ็ดใส่พาข้าวไว้จ้า บ่มีไผกินกะสิกินเองมื้อจ้า ....อิอิอิ

เครื่องปรุง ไข่ หัวขิ่งไคร (ตะไคร้) ใบหมากกรูด น้ำปลาร้า ผงชูรส พริก ใบผักอีตู (แมงลัก) น้ำปลา น้ำเปล่า

วิธีทำ ตีใข่ ซอยขิ่งไคร ใบหมากกรูด เด็ดใบผักอีตู แล้วผสมกับใข่ตึให้เข้ากัน ใส่น้ำปลา ปลาร้า ผงชูรส แล้วใส่ถุงนึ่งในหวด (ที่นึ่งข้าวเหนียว) สุกแล้วกะกินจ้า ชิมเบิ่ง แซบ ๆๆ จ้า อิอิอิ

น้ำพริกหนุ่ม น้องสายลมเอามาฝากจ้า

สะเออะไข่...ฝีมือเด็กน้อยเองจ้า

**หนอนชาเขียวโออิชิ** · 31-10-2009, 19:33

หนอนกะมักจ้า
แต่ใส่แค่พริกผงกะรสดีพอ บ่มักเครื่องเยอะ
อย่าบอกนะว่าเอื้อยเด็กน้อยเอาเข้าไมโครเวฟ

**บ่าวน้อยยโส** · 31-10-2009, 19:35

ง่ายๆแต่กะเป็นตะกินอยู่ครับเดี๋ยวสิลองเฮ็ดนำเบิ่ง

**ไผ่หวาน** · 31-10-2009, 21:20

บ่เคยกินจักเทียจ้า เป็นตาแซบยุ สิลองเฮ็ดกินเบิ่ง เอิ้นตุ๋นไข่สูตรอีสานกะคือสิได้เนาะ

**ขอบฟ้า** · 31-10-2009, 21:33

ว้าวววววววววว...แช่บบบบบบบจ้า พี่เด็กน้อย :l-

**เมษา** · 01-11-2009, 00:31

บ่เคยกินเลยจ้า มันสิคล้ายๆใข่ตุ๋นเด้หนิเนาะ แม่นบ่เอื้อยเด็กน้อย

จังแม่นฮู้จักดัดแปลงเฮ็ดกินหลายเนาะ แม่ศรีเรือนโตจริงตั๊วหนี่

แซ่บบ่อ้ายพล ? อยากกินนำเนาะ

**ลาวสวิส** · 01-11-2009, 02:26

เห็นแต่ชื่อกะแปลกแล้ว สะเออะไข่ ว่านี้แมะซงตาแซบตั่วละ เดี๋ยวซิลองเฮ็ดให้น้องไพลินเพิ่นจำกับเข้าเหนียวเบิ่งยุดอก แบบบ่พริกจ้า..ขอบคุณเจ้าของสูตร ป้าเด็กน้อยเด้อจ้า...

**พ่อบักเบนซ์** · 01-11-2009, 08:26

เห็นแล้วหิวข้าวเช้าเรยครับบาดนิ หาเฮ็ดกินคือดีเจ กะน๊า คือตะแซบแท้..
บ้านพีเฮ็ดคือกันนี้ละครับ แต่เอิ้นว่าไข่ตุ๋นครับ.... บ้านออมไข่ตุ๋มซดน้ำพร้อม ครับ คนละสูตรเน๊าะ อิอิ..