กำลังแสดงผล 1 ถึง 8 จากทั้งหมด 8

หัวข้อ: ...หนึ่งชีวิตเคยฮักเจ้า คงสิเว้าว่าเฮ็ดใจ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ...หนึ่งชีวิตเคยฮักเจ้า คงสิเว้าว่าเฮ็ดใจ...


    ...หนึ่งชีวิตเคยฮักเจ้า คงสิเว้าว่าเฮ็ดใจ...

    ตั้งแต่มื้ออ้ายมีเจ้า จักความเหงาไปไสแน่ บางมื้อเหลียวเบิ่งแญ่ (แย้) ยังยิ้มแปล้เข้าไส่มัน

    เดินตามฝันไปสุดฟ้า ดวงดาราปานลอยต่ำ เพลงพึมพำกะหลงเต้น สิเย็นฮ้อนอ้ายบ่แคร์

    ทุกซอกแจมีหน้าเจ้า ยิ้มผ่านเงาหัวใจอิ่ม ดอกรักพิมพ์กลางใจอ้าย ชายคนนี้ที่รักเธอ

    มื้อนี้เจอความเจ็บช้ำ หัวใจตำความหว้าเหว่ ได้ย่างเซวินบักหว่า คิดเห็นหน้ากะแม่นซัง

    ตัวที่ยังพอยืนได้ ทางหัวใจมันสิ้นท่า เพียงน้ำตาแสดงออก บอกว่าฮักอ้ายเป็นแค่ลวง

    โลกใหญ่หลวงที่เคยแจ้ง ดาวสิ้นแสงเดือนมอดมิด หนึ่งชีวิตเคยฮักเจ้า คงต้องเว้าว่าเฮ็ดใจ

    ...หนึ่งชีวิตเคยฮักเจ้า คงสิเว้าว่าเฮ็ดใจ... ...หนึ่งชีวิตเคยฮักเจ้า คงสิเว้าว่าเฮ็ดใจ...


    แก้ไขครั้งสุดท้ายโดย sompoi; 24-01-2010 at 09:03.


  2. #2
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    UK and BKK.
    กระทู้
    991
    มันคือเศร้าแท้ อ้ายบ่าว

  3. #3
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    เพลง กับ กลอน พาไปบาดนิ มว่นๆๆอ้าย

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    บุยย..นำแน่ะ..บาดเนี้ยะ

    บุยย..นำแน่ะ..บาดเนี้ยะ

    อ้ายเอ๋ย..

    วาสนาบ่ได่ซ้อน ใจอาวรณ์กะดายเปล่า นับตั้งแต่อ้ายส่งเว้า ไปดีเด้อเจ้าคนละทาง

    ความอ้างว้างมาถามไถ่ ทางเทียวใจกะไกลเยิ้น ความที่ยังฮักเหลือเกิน แต่ปากนั่นว่าลาก่อน

    ปรารถนาฮ่วมทุกข์ฮ่อน คู่เคียงคอนสู่บ่อนซาน นำหยาดน้ำสู่บาดย่าง อานิสงค์สร้างบาดบ่ไส

    นางป่านไซหลังล้า ฝนบ่มาปลาบ่หลั่ง มาปักช้าล้าทีหลัง ได่นั่งเศร่าเฝ่าไซเปล่า

    ความคึดฮอดจอดส่งเว้า แอบซุกเข้าใส่มโน บ่หาญโสปากได่ แต่ทางใจเฝ่าห่วงหา

    เหมิดชีวาอยากฝากไว้ ขอให้อ้ายได่สุขหมั่น หนึ่งชีวิตฮักไผ๋นั่น จักสิผันลืมจั่งได๋...อ้ายเอ้ย


    แฮะๆ..ส่งการบ้านเด้ออาจารย์ ..ติชมแน่เด้อจ้า ฮ่าสิได่หัดแต่งไปนำแน่เนาะ..บุยย..นำแน่ะ..บาดเนี้ยะ ฮ่าลางเทือแต่งม่วนหลายกะบ่กล้าเว่านำแหล่ว..
    แก้ไขครั้งสุดท้ายโดย sompoi; 02-11-2009 at 09:23.

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เมื่อมีฮักเบิ่งหยังกะมีความสุขครับ ขนาดเหลียวเบิ่งแย้กะหัวได้น้อ ฮ่า ๆ ๆ

    ป๊าดด บ่ธรรมดาตั๊วเนี่ย กรี๊ดดด เอาอีก ๆ ๆ


    "คึดฮอดน้องต่างถิ่นแดนไกล อย่าสิไลลืมกันผูกสัมพันธ์อย่าปะม่าง
    ให้สร้างทางฮักไว้ เทิงผู้อยู่แดนไกล กะมายามกันคือเก่า
    ให้มาตุ้มมาเค้ากินข้าวดอกฮวมพา พะนางเอ้ย
    ลาบปลาดุกยังคอยถ่า คุ้มสามเสนบ้านมหา ยังคอยส่อง
    นั่งรอคอยผะนาดน้อง มาเกี่ยวข้องกินฮวมพา นางเอ้ย"
    แก้ไขครั้งสุดท้ายโดย พล พระยาแล; 02-11-2009 at 09:51.

  6. #6

    เส้นทางฝันนั้นสูนสิ้น น้ำตารินกินแห้วก่อน หลับพักนอนตอนเหมื่อยล้า เวลาช่วยมื้อป่วยใจ

    แสงแดดใสในมื้อหน้า ฟ้าสีครามงามคือเก่า เพียงใจเฮาเซาจากท้อ ขอฝันร้ายจากม่ายลา

    ตามประสาความเจ็บช้ำ อาจเป็นกรรมทำร่วมก่อ บุญบ่พอรอซ่อยค้ำ จั่งนำพรากจากคู่กัน

    ให้อ้ายหันไปทางหน้า โบกมือลาความหลังเก่า ทิ่มแสงเงาความเจ็บแค้น สิยิ้มแป้นดอกเมื่อลืม อ้ายเอ๊ย

    ร่วมแจมนำแน่เด้อจ้า อ้ายบ่าว เอื้อยคนสวย จ้าาาาา

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ปร๊าดดด.. มีแต่ผู่คักๆบาดเนี้ยะ .. เทิ้งน้องขวัญน้องใหม่คนงามประจำบอร์ดอีกคนเนาะ.. และอ้ายพลคนดังแห่งค่ายส.สามเสนมิวสิคแม๋ะ.. มาๆ มาเว่านำกันเด้อจ้า ผญาแฮงมิดๆยุ ตั้งแต่อ้ายศรีห่างไป อ้ายโจ่โล่กะยากนำแต่ผุสาว โอ่ะ เวียกเล้าเนาะ..ฮ่าๆๆ

    ปล. อ้ายพลขร๋า ..
    "บ่ลืมได่ดอกเด้อเจ้า นั่งพาข้าวบ่ายลาบปลา สองอ้ายน้องยังบ่ลา สิบอกอ้ายว่า..เพิ่มเป็นหมกปลาซิว..อีกเมนูหนึ่งได่บ้ออ้าย.."

    อิอิอิ.. พาแลง๓เนาะอ้ายเนาะ.เก็บค่าเครื่องอยู่จ้า..คริๆๆ

  8. #8
    ศึกษาหาความรู้
    วันที่สมัคร
    Mar 2009
    กระทู้
    38
    ม่วนหนอครับคนกะหล่อเพลงกะซึ้งครับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •