ไปเยี่ยมยามถามข่าวพี่น้องบ้านมหาทางคุ้มสามเสนแล้ว เช้าของวันที่19ตุลาคมแพงกะนั่งรถทัวร์มาโคราช
แล้วต่อรถอีกต่อหนึ่งจังสิฮอดบ้าน กว่าสิฮอดบ้านกะค่ำพอดี
วันที่20ตุลาคมกะได้เตรียมของไว้เฮ็ดบุญ และผูกแขนให้แพง ผู้เฒ่าเพิ่นกะมาช่วยเฮ็ดบายศรี และห่อข้าวต้มไว้ใส่บาตร
พี่น้องบ้านเฮาเพิ่นยังบ่ทิ้งบ่ปะกันคือเก่าอยู่จ้า อบอุ่นหลายยามกลับบ้าน ไปเบิ่งรูปกันดีกว่าน้อจ้า
ผู้เฒ่าแถวบ้านมาช่วยเฮ็ดบายศรี
อาเพิ่นมาช่วยห่อข้าวต้ม
ทันลืมวิธีห่อข้าวต้มเลยเด้อจ้า คิคิ
เฮ็ดแล้วกะเลี้ยงข้าวเพิ่นนำจ้า บ้านเฮาน้อจ้า กินกันง่าย มีต้มไก่ ส้มตำ แกงหน่อไม้
ส้มตำแพงตำเองจ้าจานนี้บ่เผ็ด แกงหน่อไม้ ได้แต่นั่งแนมกินบ่ได้ ต้มไก่บ่ได้ถ่ายภาพไว้จ้า คาไปตำส้มตำอยู่กลับมาเพิ่นอิ่มกันแล้ว
c06:มาเด้อจ้าไผว่างกะมาใส่บาตรกับผูกแขนแพงตอนต่อไปจ้า
Bookmarks