มื้อนี้กะฮอดมื้องานแล้ว มาเด้อจ้ามาใส่บาตรนำกันแล้วกะผูกแขนให้แพงนำจ้า ตื่นแต่เดิ่กๆมาช่วยแม่ครัวเพิ่นเฮ็ดกับข้าวนำจ้า
เริ่มแรกเฒ่าแม่เพิ่นกะเตรียมของไหว้เจ้าที่ ศาลพระภูมิ แล้วกะสังเฒ่าย่าตั้งแต่6โมงเช้าจ้าต้องฟ้าวเฮ็ดให้แล้วก่อนพระสิมาฮอดจ้า
พอ6โมงเคิ่งพระกะมาพอดี กว่าสิใส่บาตร รับศีลรับพรแล้วกะเกือบ8โมงพอดี
แล้วกะสู่ขวัญน้อยให้แพงพะนะ พ่อใหญ่เฒ่าเลาว่า นั่งจนเมื่อยกะบ่แล้วเกือบ2ช.ม ฮ่าๆๆๆ
ทุกครั้งที่แพงได้กลับบ้านกะสิขอขมาพ่อกับแม่นำจ้า ปีนี้กะคือสุเทื่อ แต่พิเศษตรงว่าปีนี้ขมาอาและอาวนำ
เพิ่นมีบุญคุณกับแพงหลายเลี้ยงแพงแต่น้อยยามเฒ่าพ่อเฒ่าแม่ไปเฮ็ดงานอยู่กรุงเทพ
ไปเบิ่งรูปกันเลยดีกว่าน้อจ้า เว่าหลายน้ำใสๆมันสิใหลออกตา
นิมนต์พระ9รูปจ้า
นิมนต์หลวงปู่ เจ้าคณะตำบล มานำจ้า
เสียดายตอนใส่บาตรบ่ได้ถ่ายภาพจ้อยแบตเมิด
พระฉันข้าวเสร็จแล้วกะมาสู่ขวัญแพงต่อจ้า
ผูกแขนให้พ่อใหญเฒ่าคืนตามธรรมเนียมเพิ่นจ้า
ขอขมาเฒ่าพ่อเฒ่าแม่ อา และอาวจ้า
แล้วงานแล้วพักผ่อนกันก่อนน้อจ้า แพงสิพาไปไหว้พระ9วัดนำกันจ้าในตอนต่อไปจ้า
Bookmarks