อยากแบ่งปันไออุ่น...ให้คุณยายโฮม(ทีวีช่อง3 มาถ่ายทำรายการ)

**บ่าวต้นฅนมุกดาหาร** · 08-12-2009, 20:45

เฮ็ดจั่งได๋สิได้เฮ็ดบุญนำน้อครับเอื้อย...เอาเป็นว่าเอื้อยหลิน ค่อยมาชี้แจงรายละเอียดอย่างเป็นทางการอีกเทื่อหนึ่งเด้อครับ

**เมษา** · 08-12-2009, 21:06

ดีใจนำคุณยายหลายจ้า ที่เพิ่นเข่ามาช่วยเหลือ

บั้นปลายชีวิตของยายก่าสิอยู่ดี มีความสุขขึ่นแนเนาะ

สวัสดีปีใหม่เด้อจ้ายายโฮม

ปีใหม่ก่าไห่มีชีวิตใหม่ที่ดีขึ่นๆเนาะจ้า

มีสุขภาพแข็งแรงเด้อยาย สิได้อยู่บ้านใหม่ดนๆ

**อิสานเกินร้อย** · 08-12-2009, 21:24

อยากช่วยคุณยายนำค่ะติดต่อได้จังได๋น้อค่า

**เขมราฐ** · 14-12-2009, 16:03

น้องหลินเอาความคืบหน้า การสร้างบ้านให้ยายโฮม มาปันพี่น้องผู้เพิ่นร่วมแบ่งปันไออุ่นให้ยายโฮมเน๊าะค่ะ

มีผู้ร่วมแบ่งปันไออุ่นให้ยายโฮมเพิ่ม
พี่เมษาหลังจากเพิ่นซ่อยคุณยาย ให้คุณยายไว้ซื้อข้าวซื้อน้ำแล้ว
ยังร่วมสร้างบ้านอีก 2,000 บาทค่ะ
พี่สาวอิสานพลัดถิ่น 2,500 บาท

แรงงานก่อสร้างคือ อ้าย ๆ อยู่กองช่างเพิ่นสละเวลามาสร้าง ยาม เสาร์ - อาทิตย์ค่ะ

งานก่อสร้างอาจล่าช้าแหน่เน๊าะค่ะ ย่อนว่า พี่น้อง ใทบ้านเพิ่นกะยากเกี่ยวข้าว
อ้าย ๆ กองช่างเลยต้องไปเฮ็ดยามเสาร์ - อาทิตย์ ได้บ้านหลังน้อย ๆ ซ่ำนี่ล่ะค่ะ
เฮากะซ่อยกันคนละนิดละหน่อย

ยายเพิ่นกะมานั่งให้กำลังใจอ้าย ๆ ทีมงานนำค่ะ

ซ่ำนี่ก่อนเน๊าะค่ะ บาดเทื่อเพิ่นลงมือก่ออิฐ น้องหลินจะเอาความคืบหน้ามาให้เบิ่งอีกค่ะ

**เขมราฐ** · 30-12-2009, 15:37

หลังจากได้รับของจาก เอื้อยเมษา แล้วกะอ้ายต้นคนมุกดาหาร น้องหลินเอาไปให้คุณยายโฮมเพิ่นหลายมื่อแล้วล่ะค่ะ ตั้งแต่ช่วงหนาวแฮง ๆ พุ่นล่ะค่ะ แต่หั่งหากะว่างเอารูปมาให้เบิ่งค่ะ
ของที่พี่เมษาเพิ่นแบ่งปันไออุ่นให้ยายเน๊าะค่ะ

เสื้อไหมพรม 3 โต
ผ้านวม 1 ผืน
ผ้าเช็ดตัว 1 ผืน
ผ้าพันคอ 1 ผืน
ถุงมืออย่างหนา 1 คู่
ถุงเท้าอย่างหนา 3 คู่
กกน. 1 แพ็ค (จักแม่นจักโตค่ะน้องหลินบ่ได้แกะเบิ่ง)
พร้อมกับเงินให้คุณยายไว้ใช้ส่วนโตอีก 2,000 บาท

ส่วนอ้ายต้นคนมุกดาหารเพิ่นกะส่ง
ผ้าซิ่น 3 ผืน
เสื้อหมากกะแล่ง 2 โต
เสื้อไหมพรม 1 โต
เสื้อเอาบุญ 1 โตค่ะ

น้องหลินขอบคุณแทนยายเพิ่นเน๊าะค่ะ ปีนี้เพิ่นได้เสื้อกันหนาว บ้านใหม่ บ้านเพิ่นอาจบ่หรูหรา แต่เฮากะร่วมกันซ่อยเพิ่นเต็มที่แล้วค่ะ

บ้านเพิ่นตอนที่เอาของไปให้บ่ทันแล้วค่ะ แต่ตอนนี้กะเสร็จเรียบร้อยแล้วค่ะ ปีใหม่นี้น้องหลินจะไปเยี่ยมเพิ่นอีกเทื่อหนึ่งค่ะ
แล้วจะเอารูปบ้านใหม่มาสู่เบิ่งค่ะ

หลังจากเหน็บหนาวมาหลายหนาว หนาวปีนี้ยายโฮมเพิ่นได้บ้านใหม่ พร้อมห้องน้ำ แล้วกะเสื้อกันหนาว จากน้ำจิตน้ำใจ ของพี่บ้านมหา และพี่น้องชาวเทศบาลตำบลหนองผือเน๊าะค่ะ

น้องหลินปิดการรับบริจาคแล้วเด้อค่ะ ขอบคุณหลาย ๆ ค่ะ

**กำลังใจ** · 22-01-2010, 10:16

น้องเขม ไปทำเรื่องช่วยเหลือคุณยายโฮม ได้ที่ พัฒนาสังคมและความมั่นคงของมนุษย์จังหวัดอุบลราชธานี หรือที่ ศูนย์พัฒนาสังคม ได้เลยคะ จะได้รับการช่วยเหลือเบื้องต้นได้คะ

**เพ็นนี** · 22-01-2010, 10:30

อนุโมทนาสาธุนำจ้า

**คนตระการ...** · 22-01-2010, 12:20

กระทู้ต้นฉบับโดยคุณ กำลังใจ

น้องเขม ไปทำเรื่องช่วยเหลือคุณยายโฮม ได้ที่ พัฒนาสังคมและความมั่นคงของมนุษย์จังหวัดอุบลราชธานี หรือที่ ศูนย์พัฒนาสังคม ได้เลยคะ จะได้รับการช่วยเหลือเบื้องต้นได้คะ

อ่านกะทู้มาแต่หน้าแรก...ยายโฮมเลาบ่อมีหลักฐานการเกิดครับ ใบหยังกะบ่อมีจักอย่าง ทางการกะเลยบ่อได้ซ่อยตามระเบียบ.. ศูนย์พัฒนาสังคม เพิ่นสิดูแลแต่คนที่มีทะเบียนครับ