หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 29

หัวข้อ: ย้านยอมแพ้ใจเจ้าของแท้น้อ

  1. #1
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,168

    เศร้าซึม ย้านยอมแพ้ใจเจ้าของแท้น้อ

    พี่น้องเอ้ยให้จอยระบายแน่เด้อจ้า มันอัดอั้นตันใจคักอีหลี่ ย้านหลายย้านแพ้ใจเจ้าของ
    คั้นว่าอดทนกะว่าแม้นอดคักอีหลี่ มาอยู่เมกา ฮอดมื้อนี้ก็สิพอ 3ปีแล้ว งานกะเฮ้ดสุอย่าง
    บ่เคยว่ายอมแพ้ หนักก็เฮ้ด เฮ้ดคือผู้ชายก็บ่เคยปาก เพราะอด อดสุอย่าง เพื่ออนาคต
    แต่มาฮอดมื้อนี้ มันมาเมื่อยแท้ เมื่อยกับคำเว้า ที่เขาเว้าให้เฮา เว้าบ่เคยเซากับคำเว้าคำนี้
    "เธอก็แค่ซ่อยฉันเฮ้ดน้อยๆๆหนึ่ง ฉันเบื่อที่เธอเว้าแล้วบ่เข้าใจ เธออยู่เธอเฮ้ดก็เพราะอยากให้ลุกเธอได้เรียน" มียุส่ำนี้บ่อความคิดของเขา บ่คิดแน่บ่ที่มาอยู่นำก็ย้อนฮักเขา อยากมาดูแลเขานำตั้ว บอกยังออกมาเฮาก็คือเข้าใจ แล้วก็ปฏิบัติตามได้เบิดอยู่สู่อย่าง อาจจะช้าแต่ก็สำเร็จคือเก่า ขอแค่ตัวเขาเอง ใจเย็นแน่จักหน่อย เขาเมื่อยจอยก็เมื่อยคือกัน เฮ้ดเวียกยามใด๋จอยต้องได้เอาน้ำตามาซ่อยเฮ้ดเวียกสุยาม จนสุมื้อกลายเป้นย้าน ย้านที่จะเฮ้ดเวียก ย้านที่จะซ่อยเขา บ่ได้ขี้คร้านเด้อจ้า แต่มันเป้นความย้าน เพราะซ่อยแล้วก็บ่ถึกใจ สุดท้ายก็คือได้รับคำฮ้าย คำด่า บ่เข้าใจคือกัน บ่พยามยามสิเข้าใจและเห็นใจเฮาเลย เอาแต่อารมย์เจ้าของเป้นหลัก มือแต่หล่ะมื้อ บ่เคยคิดจะหยุด เดียวหานั้นมาเฮ้ด
    เดียวแต่งหม่องนั้น แต่งหม่องนี้ รื้อนั้นรื้อนี้ บ่จ้างคนซ่อย ก็บ่ว่า งานบางงานมันบ่แม้น
    จอยเลยคนที่จะต้องเฮ้ดนะ ให้ลูกชายมาซ่อย ก็ฮ้ายคือกัน แนมเบิ่งหน้าลุกแล้วก็น้ำตาสิไหล ย้อนแกอยากมาซ่อยแม่ เพราะเห็นเขาฮ้าย เขาด่าแม่เจ้าของ
    ยามเฮ้ดงานอยู่บ้านเมืองเฮา สิ้นเดือนมายังได้ค่าแรง พอเป็นยาชูกำลังใจ ยังมีมุ มีพี่น้องพอได้ระบาย

    ความอดทนสุคนมีขีดจำกัด แต่ความอดทนของจอยมันเมิดไปแล้วหล่ะ สุมื้อนี้ มันมาจ่อล้ออยู่คอหอย รอที่จะระเบิดออกมาด้วยคำเว้าว่า อยากจะไปจากเจ้าแล้ว แต่ก็เว้าบ่ได้ คิดพ้อ เห้นหน้าลูกชายทั้งสองคน สุดท้ายกะต้องอด เอาอีกคือเก่า ตอนนี้ก็เลยต้องมานั่งสู้กับใจเจ้าของ แต่ก็ย้าน ย้านอีหลี่ ย้านแพ้ใจตัวเอง สิ่งเดียวที่หวังที่รอในตอนนี้ รอแค่ กรีนการ์ด 10 ปีที่สิได้ยื่นเรื่อง พร้อมทั้ง กรีนการ์ดลุกชายในเดือน มกราคมนี้ ถ่ามีโตนี้แล้ว จอยต้องลองเบิ่งสักตั้ง กับความอดทน กับ ใจตัวเอง ทนได้กะอยู่ ทนบ่ได้ก็ขอไปตายเอาดาบหน้าอีกคือเก่า แต่ก็ย้าน ย้านคือคำสุภาษิตเพิ่นเว้าว่า หนีเสือปะจรเข้ แต่จอยก้สิยอม ดีกว่ามันนนนบั่นทอนจิตใจเจ้าของ ยุแบบนี้ สุมื้อนี้อยู่ไปมื้อๆๆ เช้าขึ้นมาก็เฮ้ดตามหน้าเจ้าของ ค่ำมากะนอน บ่มียังให้หวังแล้ว มันเบิดอีหลี่ มันท้อแท้ น้ำตาที่ไหลออกมาจนสิบ่มีไหลแล้ว บ่แม้นจอยบ่สนใจดูแลเพิ่นเด้อจ้าพี่น้อง จอยก็เฮ้ดนำดีที่สุดอีหลี่
    จนบางครั้งมานั่งคิดว่า เฮามาเป็นเมีย หรึ เป้นคนใช้ แต่สิเป้นยังจอยกะอยู่ได้บ่ได้ว่า เฮ้ดไปพอแลกข้าวแลกน้ำ แลกหม่องซุกหัวนอนไปแบบนั้น คิดมาแล้วก็อยากไห้ สิ่งหวาดฝันไว้ มันคือมา ริบรี่ คือจั้งเทียนถึกลมถ่อใกล้สิมอดแท้น้อพี่น้องเอ้ย
    สิหันหน้ากลับไทยก็คือสิบ่อได้ กลับไปก็คือสิถึกเหยียบหย่ำจมดินลงอีกคือเก่า คือตอนที่ยังบ่มา ก็คือสิสู้หล่ะ บ่แม้นบ้านเมืองเฮาก็ส่างมันเถาะ ขอกำลังใจให้ผู้หญิงคนนี้แน่เด้อพี่น้องเอ้ย มันเมื่อยใจอีหลี่ เมื่อยกับคำเว้าของคนที่ขึ้นชื่อว่า ผู้ชายคนที่ดีอีกคนของฉัน

    แก้ไขครั้งสุดท้ายโดย สาวส่าเมืองอุดร; 19-11-2009 at 05:03.

  2. #2
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    1,860
    จอยน้องหล่า...พี่หิน มาอ่านแล้วกะฮู้สึก
    หลูโตนน้องหล่าแท้ อดทนเด้อ..ยามใดที่เพิ่นมีคำเว้าที่เฮ็ดให้เฮาเสียใจ
    ให้คิดสาว่า... ขนาดพระพุทธองค์ กะยังโดนว่า พระพุทธรูปอยู่ซือๆ
    ลางเทื่อคนกะยังตำหนิ ... ให้อดทน อย่าไปรับมาใส่ตรงใจ
    เมื่อหลีกบ่ได้ กะต้อง ใจเย็นสู้ ใจดี สู้ ...เฮ็ดใจเฮาให้เข็มแข็ง
    ของบูด ของเน่า ไผ๋ มาให้เฮา เฮาบ่รับ กะสิอยู่ กับผู้ให้นั่นแล่ว
    พี่ลูกหินขอเป็นกำลังใจให้เด้อ อดทนเด้อน้องหล่า....
    อุปสรรคเป็นได้ทั้งบันไดให้ก้าวขึ้นไป...หรือ
    เป็นภูผาที่ขวางกั้น...ขึ้นอยู่กับว่าจะมองมุมไหน

  3. #3
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    756
    บล็อก
    1
    เป็นกำลังใจไห้เพื่อนตลอดสุ่มื้อจ้า อดเอาท่อนั่นแหล่วเพื่อน เพื่ออนาคตของลูก ทำไปตามหน้าที่เฮาไห้ดีที่สุดกะพอ อย่าท้อ มีหยังกะระบายออกมา อย่าสะเก็บไว้คนเดียว มันจั่งสิสว่ง สว่งแล้วกะมีแฮงสุ้ต่อไปอีก จั่งได่กะท่องคำว่า อดเด้อใจ อดเด้อใจไว้ คนที่ลำบากก่อเฮากะมี อย่าท้อ สู้ไปๆๆๆ เป็นกำลังใจไห้เพื่อนตลอด จุฟฟฟฟฟฟ

  4. #4

    ย้านยอมแพ้ใจเจ้าของแท้น้อ

    ย้านยอมแพ้ใจเจ้าของแท้น้อย้านยอมแพ้ใจเจ้าของแท้น้อย้านยอมแพ้ใจเจ้าของแท้น้อย้านยอมแพ้ใจเจ้าของแท้น้อย้านยอมแพ้ใจเจ้าของแท้น้อย้านยอมแพ้ใจเจ้าของแท้น้อ

    จอยน้องฮัก พี่เจี๊ยบขอเป็นกำลังแรงใจให้น้องอดทนและสู้นะ
    พี่เชื่อว่าจอยทำได้ค่ะ สู้ๆๆๆๆๆ น้องพี่คนดี............
    รักน้องเสมอนะ............

  5. #5
    พี่จอยจ๋า น้องเป็นกำลังใจให้เด้อจ้า อดทนจ้าคนดีจังพี่จอยสักวันต้องสบายจ้า
    ขอคุณพระจงคุ้มครองพี่จอยและน้องๆเด้อจ้า
    เมื่อความจนผลักไส ดิ้นรนเท่าไรยิ่งไกลบ้าน

  6. #6
    แบ่งปันความรู้และประสบการณ์ สัญลักษณ์ของ หน่อยเบล
    วันที่สมัคร
    Dec 2008
    กระทู้
    128
    เอื้อยขอเป็นกำลังใจให้เด้อจ้าน้องจอย ทนได้กะทนไปจ้าเพื่ออนาคตของลูกเฮา ทนบ่ได้เมื่อใด๋บ่ได้กะไปซะน้องหล่า คนเฮามีชีวิตที่แตกต่างกันไป แล้วแต่บุญวาสนาพาส่งเนาะ สู้ๆนะขอเป็นกำลังให้เด้อจ้า น้องจอยคนเก่ง จอยทำได้ จุฟฟฟฟ

  7. #7
    ชีวิตต้องเป็นอยู่ด้วยความหวังและกำลังใจ

    ต้องรู้จักให้กำลังใจตัวเอง

    [WMA]http://www.watthaiparis.org/podcast/Expisode_003.mp3[/WMA]


    อั่นๆๆๆๆ เจ้าของกระทู้หน่ะ อย่าจ่มคักหลาย

    มันสิเป็นโตอย่างที่บ่ดีแก่น้องๆ หลานๆ

    อย่าไปซาคักแหน่หลายกับควมเว้าของคนหน่ะ

    พี่จอย เคยเห็นคน "เตะหมา โตที่ตายแล่วบ่ " บ่เคยแม่นบ่

    เคยเห็นแต่คนเตะหมาโตที่มาเห่าเด้ แม่นบ่

    แวะมาให้กำลังใจเด้หนิ

    ฟังให้จบเด้อ คันฟังจบแล่ว ก่ะตามไปฟังเอาอยู่ หม่องลิงค์ทางลุ่มหนิหล่ะ

    http://www.thammapathip.org/forumdisplay.php?f=28
    แก้ไขครั้งสุดท้ายโดย บ่าวกันต์; 19-11-2009 at 02:27.

  8. #8
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    ไทย & ยูเค
    กระทู้
    967
    อ่านแล้วก่าหลูตนสาวจอยเนาะ จังไดก่าทนไปก่อนเด้อจอย

    ปิดหู ปิดตา ปิดปาก แนบางครั้งก่าดาย ถ้าเฮารับฟังเขาหมดทุกครั้งทุกเรื่องเฮาสิเก็บเอามาคิดเด้

    มันสิบั่นทอนจิตใจเฮา ยอมทนอีกจักหน่อย รอไห่ได้กรีนการ์ดก่อน ถ้าบ่มีหยังดีขึ่น

    คือทนบ่ใหวแล้วอีหลี เฮาค่อยคิดหาทางเบิ่งว่าสิเฮ็ดจังไดดี สิไปทางไดดี คิดฮอดลูกใว้หลายๆ

    อนาคตเด้จอย อีกอย่างเมื่อลูกเฮาเห็นว่าพ่อน้าเว่าด่าหือว่าแม่เขา เด็กน้อยสิมีความรู้สึกบ่ดีเด้

    มันสิเฮ็ดไห่ลูกๆเฮาเก็บกด แล้วก่ามีความรู้สึกที่บ่ดีต่อพ่อน้าเด้ พยายามอธิบายไห่ลูกเข่าใจเด้อจอย

    ว่าเพิ่นว่าเพราะอีหยัง เพิ่นด่าเพราะอีหยัง หาเหตุผลดีๆมาอธิบายไห่ลูกๆเฮาฟัง อย่าไห่ลูกเฮามีความรู้สึกที่บ่ดีกับพ่อน้า มันบ่ดีดอก

    จังไดก่าเอาใจซอยเด้อจอย คิดไห่รอบคอบเด้อ ตัดสินใจดีๆ อีกอย่างถ้าเป็นไปได้ถ้าจอยฮู่จักคนที่อยู่ที่นั่นนานๆ

    คุยกับเพิ่น ขอคำแนะนำจากเพิ่น เพิ่นอาจสิไห่ข้อคิดดีๆกับจอย หืออาจสิไห่ข้อมูลว่าควรสิเฮ็ดจังไดในทางกฎหมาย

    เป็นกำลังใจไห่จ้า :heart:


  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    โถ หลานจอยจ๋า แมนเอาเรื่อง อีหลีมาเว้า หรึ ว่าแต่งเรื่อง ชีวิตเล่นมาเว้าน้อหลาน
    คั่นแมนเป็นเรื่องอีหลี ป้าว่า เขาคือสิมาใจฮ้ายแท้เนาะจอยจ๋า น่าสงสาร
    แต่จอยต้องทำใจให้ดีดีนะจ๊ะอย่า ยอมแพ้กับโชคชะตาสู้สู้จ้าเพื่อวันข้างหน้า
    อดทนไปก่อนจ้าเพื่อลูก ๆถ้าไม่ไหวจริงๆถ้ามันเป็นการ กด ดัน จริงๆ ก็ค่อย ถอยจ้า
    แต่ถึงยังไงป้าก็ขอเป็นกำลังใจช่วยนะจ๊ะ ขอให้นอนหลับฝันดีจ้าที่รัก

  10. #10
    แบ่งปันความรู้และประสบการณ์ สัญลักษณ์ของ นา ดอกจาน
    วันที่สมัคร
    Mar 2009
    ที่อยู่
    FL,USA
    กระทู้
    229
    พี่กะว่าแม่นพี่เจอปัญหาคนเดียวหล่าเอ้ย กะได่แต่บอกตะของให้อดทน !!!
    น้องจอยกะเป็นยุติ?? จอยยังดีตรงที่ว่ามีกรีนการ์ดแล้ว พี่ยังบ่มีเลย!
    มาเกือบสามปีแล้ว จอยยังโชคดีกว่าพี่หลาย พี่ เจอมาหนักกวานี้ หล่าเอ้ย!!!
    จนถูกไล่ออกจากบ้าน หอบลูกไปอาศัยเพิ่นอยู่ แต่พี่โชคดีที่มาพบวัดพบธรรมะ !
    ฟังเด้อหล่าฟังธรรมมะ และแผ่เมตตาให้เขา พี่ทำแล้ว ดีขึ้นจริงๆ!!
    โทรมาหาพี่เด้อหล่า ถ้าจอยอยากเว่าให่ไผจักคนหนึ่งฟัง !!
    ฝากข้อความไว่เดี๋ยวพี่โทรกลับ 813-651-5171 เบอร์บ้านจ้า!!

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •