กลับสู่อ้อมกอดผืนแผ่นดินแม่ ตอน7

**สาวทองแพง** · 21-11-2009, 03:19

มาเด้อจ้าบาดนี้แพงสิพาไปไฮ่ หลังจากได้ไปเที่ยวแล้ว กะฮอดยามเฮ็ดเวียกเด้อจ้า
ไปเอาฟืนอยู่ไฮ่ เพิ่นตัดไม้ลงเฮ็ดวงกบพอดี ไปเอาปลายไม้มาเผาถ่าน อันน้อยๆกะเอามาเฮ็ดฟืนจ้า
แต่บ่ได้ถ่ายตอนเอาฟืนดอกจ้า
เลยไปเก็บภาพตอนคนงานเพิ่นถอนมันสำปะหลังมาฝากแทนจ้า มาเบิ่งอาชีพหลักทางบ้านแพงเด้อจ้า
กลับสู่อ้อมกอดผืนแผ่นดินแม่ ตอน7

เอารถไสนิล่ะพ่วงมอไซร์ไปจ้า เตรียมของไปกินนำจ้า
กลับสู่อ้อมกอดผืนแผ่นดินแม่ ตอน7

ทางยากแฮงเด้อจ้าพี่น้อง ยังเป็นดินแดงอยู่จ้า
กลับสู่อ้อมกอดผืนแผ่นดินแม่ ตอน7

รถกำลังสิขนหัวมันสำปะหลังไปขายผ่านมาพอดีจ้า
กลับสู่อ้อมกอดผืนแผ่นดินแม่ ตอน7

เหล็กงัดมัน เอาต้นมันเข้ากลางง่ามเหล็กแล้วกะงัดขึ้นจ้า หัวมันกะสิขึ้นมา
กลับสู่อ้อมกอดผืนแผ่นดินแม่ ตอน7

แล้วกะโยนเป็นกองไว้ถ้าตัดหัวออกจากเหงามัน
กลับสู่อ้อมกอดผืนแผ่นดินแม่ ตอน7

ตัดออกแล้วกะสิเป็นจังซีจ้า
กลับสู่อ้อมกอดผืนแผ่นดินแม่ ตอน7

ช่วยกันเก็บใส่เข่งไว้ถ่าคนมาแบกขึ้นรถจ้า
กลับสู่อ้อมกอดผืนแผ่นดินแม่ ตอน7

ช่วยกันยกขึ้นบ่าให้เพิ่นเด้อจ้าหนักยุเด้เข่งมันกะดาย
กลับสู่อ้อมกอดผืนแผ่นดินแม่ ตอน7

บ่าวขาเดฟพุ้นเด้อจ้าแบกมัน ส่างบ่อึดอัดน้อ ฮ่าๆๆ
กลับสู่อ้อมกอดผืนแผ่นดินแม่ ตอน7

แม้จะงานหนักเพียงได๋ รอยยิ้มกะบ่เคยจางหาย นิละจ้าคนอิสานบ้านเฮา
กลับสู่อ้อมกอดผืนแผ่นดินแม่ ตอน7

หย่างขึ้งสะพานแปนแผ่นเดียวเด้อจ้า ขึ้นไปเทมันเทิงรถ แพงหย่างโตเปล่าบ่มีเข่งมันยังตกจ้า
กลับสู่อ้อมกอดผืนแผ่นดินแม่ ตอน7

อันนิเข่งละ5บาทเด้อจ้า อิอิ
กลับสู่อ้อมกอดผืนแผ่นดินแม่ ตอน7

นิละจ้าฟืนที่ช่วยกันตัดกับน้องสาว ได้มา2รถ6ล้อ ไข้แตกเลยจ้าพี่น้องแดดฮ้อนหลาย
แม้นจากบ้านมาไกลกะบ่เคยลืมวิถีชีวิตดั้งเดิม ถึงแดดจะร้อน งานจะหนักบ้าง แต่ก็เต็มไปด้วยความสุข อบอุ่น ฉันรักเธอประเทศไทย

น้องไอซ์ · 21-11-2009, 03:58

เบิ่งแล้วคือมาคิดฮอดบ้านแฮงกว่าเก่านอแพงเอ้ย อือๆๆหยากเมือบ้าน

**บ่าวจ้ำ** · 21-11-2009, 04:13

เหนแล้วอยากกินมันเผาเนาะ

เฮ็ดมันเชื่อมหวานๆ..หิวแล้วล่ะ

**สาวโคราช** · 21-11-2009, 04:27

อยู่แถวเสิงสางปล่าวน้อ คือดินเชิงสีแดงๆๆๆๆๆๆๆ เด็กน้อยก็น่ารักเนาะจ้าน้องแพงนั่งอยู๋ในเข่ง เขาเรียกว่าจับปูใส่เข่ง อิอิ จับเด็กใส่กระด้ง เด็กน้อยอยู่ในเข่ง น่ารัก เห็นบรรยากาศแล้วคิดถึงคนกะเสิงสางเด้

**สาวทองแพง** · 21-11-2009, 04:29

อ้าย มันอันนิเขาบ่กินกันดอกจ้าบ่แม่นมัน5นาทีจ้า
มันอันนิเขาเอาไปเฮ็ดแป้งมันสำปะหลังจ้า กินแล้วมันสิท้องอืดแหล่วจ้าแป้งมันหลายโพด

ว่าแต่ทางพุ้น เขาใช้มันพันธุ์หยังอ้าย ยามกลับมาเอาพันธุ์มันมาฝากแพงแนะเด้อจ้า

**เมษา** · 21-11-2009, 04:37

เป็นตาฮ่อนอีหลีเนาะ ตาย ตาย พี่เฮ็ดบ่ได้คือน้องแพงดอกเด้อจ้า พี่ยอมแพ้ดอก

อั่นมัน 5 นาทีหน่ะ ตอนพี่น่อยๆพ่อพี่ปลูกอยู่จ้าแพง แต่เดี๋ยวนี่บ่มีเหลือพันธ์ใว้ปลูกเลยแหมจักไปไสหมด

พี่สิไปหาไสมาปลูกหือ มีหม่องไดเพิ่นขายพันธ์นี่บ่หือแพง พี่อยากได้หลาย ถ้ามีบอกพี่แนเด้อ :heart: