เกิดเป็นติ๋มมื้อนี่สบายค่ะพี่น้อง เพราะได้หยุดงาน นอนตื่นสายเกือบเที่ยงพุ้น
อาบน้ำกินกาแฟ ขนมปัง แต่งโตไปหย่างเที่ยวตลาด หาใช้เงิน สะใจ หลังจากยากงานมาเป็นโดน อิอิ
บ่าย4โมงแลงกลับบ้าน เตรียมโตไปฟิตเนส กลับบ้านเกือบ6โมงแลง อาบน้ำแล้วกะมานั่งกินข้าวเลย
ลูกสาวคนน่าฮักเฮ็ดอาหารไว้ถ่าแล้ว ว่าแม่นป่นแม่นแจ่ว เบิ่งเทิงโต๊ะมีแต่ผักกองอะยะอยู่
ถามว่าแม่นอิหยังหละหนี่ อาหารแม็กซิกันจ้าแม่ เขาเอิ้นว่าจังใด๋หละหนี่(Tortillas)พะนะว่า
งึดแฮงกินเป็นบ่น้อข่อย555++มาเด้อพี่น้องมาเบิ่งซ่อยกัน บ่กินเบิ่งกะยังดี อิอิอิ
เบิ่งเครื่องปรุงคร่าวๆจากสายตา คั่วเนื้อสับกับหอมใหญ่ เกลือ พริกไทยปรุงรส
นอกนั่นกะหั่นผักตามใจมักเลยหละทรงคือ มีมะเขือเทศ แตงกวา ผักกาดแก้ว สับปะรด เม็ดข้าวโพด+ถั่วลันเตาลวก พริกสดดองหั่น ชีสขูดเส้น
น้ำซอสพริก+มะเขือเทศของแม็กซิกัน แผ่นแป้งกลมๆอบพอสุก
เอาทุกๆอย่างใส่ลงบนแผ่นแป้งหน่อยหลายตามใจมักหละจ้า แล้วกะม้วนกลมๆ
ติ๋มขอตัดเคิ่งให้พี่น้องเห็นไส้ที่ใส่เข้าไปนำจ้า แซบดีตั๊วหละพี่น้อง ออกรสเผ็ดๆแหน่นิดหน่อย
แซบบ่แซบกะกินหละจ้าพี่น้อง ลูกสาวสุดที่รักเฮ็ดให้กิน...
ภูมิใจ14ปีแล้วเขยเอ้ย ถ่าอีก10ปีกำลังเรียนม.2อยู่....อิอิอิ(ค่าดองติดต่อลุงหล่อร้อยเมตรเด้อจ้า55++)
ภาพนี่ถ่ายช่วงเวลา16.00น. มืดแล้ว เซ็งอากาศคัก หนาวเว่ยหละ
Bookmarks