-
ขอนำจั๊ก ผญา แน่
อัศจรรย์ใจโอ้ ข้าวสารอยู่โอ โงคอตอดไก่
ประย่างอยู่หิ้ง ทะยานเต้นคุบแมว
แมวเสียใจ โกนหัวหนีไปบวช
หนูซิงตาสวด เป็นแม่ออกค้ำ หุ่งข่าวส่งเพล
ซ่อยออกความเห็นแน่เด้อ ซูเจ้าว่าหมายความว่าจั่งใด๋
-
Re: ขอนำจั๊กพยาแน่
มันกลับกันแม่นบ่บ่าว..............
-
Re: ขอนำจั๊กพยาแน่
พิมพ์ หัวข้อกะพิมพ์ผิดเด๊ เดี๋ยวนี่ ต้องพิมพ์ว่า พญา พญา พญา แม่นบ่ ย่านคนอ่านว่า พยาติ อยู่ยั่งว่า
-
Re: ขอนำจั๊กพยาแน่
บ่แม่น ผหยา บ้อครับ...
-
Re: ขอนำจั๊กพยาแน่
อ้ายเพิ่นคือสิหมายถึงมันเกิดสิ่งที่บ่คลาดฝัน วิกฤติต่างๆเกิดขึ้นในบ้านเมืองเฮาติฮึ........อัน อัน หุ้นตกนั่นนา แฮะๆ
-
Re: ขอนำจั๊กพยาแน่
อัศจรรย์ใจแข้ หางยาวๆ กะบ่ได่ละฮองนั่ง
บาดกระต่ายหางแปๆ บาดกระแตหางก้อมๆ
ซะมาได่ละนั่งฮอง พ่อแม่เอ้ย
-
Re: ขอนำจั๊กพยาแน่
แฮ่งผู้ฮ้าย แฮ่งตื่มตดเหม็น
แฮ่งดำแฮงติด ตื่มลายทังแหล้
แฮ่งอึดแฮ่งอยาก ทังยากทังจน
แฮ่งวนแฮ่งเวียน บ่มีทางไว้ *********** โอ้ยยยยยยเว้ามาแล้วลีโตนเจ้าของเด้ๆ***********
-
Re: ขอนำจั๊กพยาแน่
มะกะด่อ กะเดื่อแท้ หนุ่มร้อยเกินกะดาย
***********************************************
อันผู้เฒ่า เพิ่นเว่าให้ผมฟังว่า พญานี้เพิ่นว่ากันว่า
โรคอนาคตนั่น มันสิเปลี่ยนแปลงไป คือจั่งคู่มื่อนี้
อัศจรรย์ใจโอ้ ข้าวสารอยู่โอ โงคอตอดไก่ ปลาย่างอยู่หิ้งทะยานเต้นคุบแมว
= เผิ่นว่า ธรรมชาติของมนุษย์ สมัยใหม่มันสิเปลี่ยนแปลงไป คือว่าไผอยากเฮ็ดหยัง
กะเฮ็ด บ่ต้องสนใจจารีต ฮีตคองนั่นหนา จั่งสาว จั่งแส่นี่ เผิ่นให้รักงวนสงวนโต
บ่แม่นไปไล่จีบผู้ซาย คือ สาวกระโปรงเฮี่ยนนั่นหนา แต่กี้แต่ก่อน ผู้ชายกะบ่ใส่ตุ้มหู
คู่มื้อนี่กะไส่ ผู้ชายบ่ไว้ผมยาว คือมื้อนี้กะไว้ ผู้หญิงบ่สักลาย คือมื้อนี้แฮ่งหลาย
อันนี้เผิ่นพรรณามาเป็น พญา แต่ว่าผมจำได้บ่เหมิดดอก มันมีอีกหลายอย่างอยู่
ตอนนั้น แม่ใหญ่ผมเพิ่นอายุได้ 119 ปี เผิ่นว่าให้ฟัง ผมเลยจำมาซื่อ ๆ ดอก
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม