ไปก่นปูนากันจ้า

[ใบไม้สีชมพู]

กลับบ้านไปตอนอีแม่เกี่ยวข้าวแล้วพอดีเลยจ้า จั่งแม่นเสียดายคักบ่ได้ไปหาปลาข่อนซ่ำแหละ กะเลยชวนหลานไปขุดปูกัน ขุดบ่ไหว มันจื้นโพดเลยจ้างหลานน้อยโตละ 2 บาท หลานกะหมั่นๆ ขุดดีขนาดจ้า
<IMG SRC=http://www3.pantown.com/data/47688/board1/8.jpg>

เบิกเสียม ^_^
<IMG SRC=http://www3.pantown.com/data/47688/board1/8-20091209151949.jpg>

ลงมือขุดกันเลยจ้า
<IMG SRC=http://www3.pantown.com/data/47688/board1/8-20091209152030.jpg>

"ได้แล้วน้า ได้แล้ว "
<IMG SRc=http://www3.pantown.com/data/47688/board1/8-20091209151633.jpg>

"บักหล่าเอากะคุมาใส่ อ้ายขุดได้แล้ว"
<IMG SRC=http://www3.pantown.com/data/47688/board1/8-20091209151904.jpg>

"โอ๊ย คนผู้บักใหญ่คือขุดได้ปูโตน้อยแท้หล่า"

<IMG SRC=http://www3.pantown.com/data/47688/board1/8-20091209151712.jpg>
มีแต่โตน่อย นั่งเล่นเฮือนน้อยดีกว่า หลานน้อยว่า คริๆ

<IMG SRC=http://www3.pantown.com/data/47688/board1/8-20091209152805.jpg>
สรุปว่ามื่อนั่นได้ปูมาหลายเติบอยู่จ้า แต่ว่าโตบ่ใหญ่ปานได๋ พอได้ลาบใส่เทาอยู่จ้า

[เขมราฐ]

คึดพ้อตอนเป็นเด็กน้อย ยามเกี่ยวข้าวแล้วแนวนี่กะหาเลาะขุดกะปูแบบนี่ล่ะค่ะ

[engon]

โอ๊ย..จั๊กเอาหยังมาให่เบิ่ง เห็นแล้วคึดฮอดบ้านเป็นตาหน่าย

[พงศ์น้อย ส กสิน]

ลูกอีสานต่ะกี้ กะหากินแนวนี้น่อครับ อนุรักษ์ไว้เด้อบักหล่า

[ใบไม้สีชมพู]

<IMG SRC=http://www3.pantown.com/data/47688/board1/8-20091209162348.jpg>

ก่นปูเมื่อยกะเซากินตำซั่วกันค่ะ แซบขนาดเลยค่ะ เผ็ดควันออกหูกุ้มเลยจ้า

หลานคนที่ขุด เพิ่นออกแนวโบราณๆดอกจ้า บักหากินคือเด็กน่อยโบราณแม่ใหญ่ว่า เด็กน้อยผู้อื่นเล่นลูกแก้ว เล่นรถจก หมอนี่เล่นดีดในบักขาม ยิงแย่ ยิงกะปอม ออกไปอีกแนวนึง บัดอ้ายเพิ่นบัดเป็นเด็กแนวหลาย ผู้เป็นน้าล่ะวินนำจ้า

[ธิดายาเย็น]

ปูยามนี้แฮ่งกำลังมันเด้อพี่น้อง..แกะกะดองออกเอาขึ้นค้างไฟให้มันฟดป๊อกๆ..เอาข้าวเหนียวจั๊มบาดเนี๊ยะ..โอ้..สุดยอด เว่ามาแล้วกะน้ำลายไหยยย..

[สาวเมืองยศ]

คิดพ่อตอนอยู่บ้านเด้เนาะ หาขุดปูยามเกี่ยวเข่าแล้วกับเด็กน้อย...ม่วนคักกะยังวา

[เพ็นนี]

เป็นตาม่วนเนาะ อยากไปก่นนำเด้

[ตรี ศรีเมืองใหม่]

น้องใบไม้สีชมภู หายไปนานเน๊าะน้อง สบายดีบ่อ ไปยามบ้านก็บ่อชวนอ้ายเลยเน๊าะ น้องกะดาย ส่งข่าวคราวอ้ายทางข้อความส่วนตัวแหน่เด้อน้อง เผื่ออ้ายได้ไปเที่ยวโคราชสิไปยามสั้นดอกหวา..

[บ่าวน้อยยโส]

มีแนวล่อเด็กน้อยเฮ็ดงานจั่งสิหละบ่ว่าเด็กน้อยทางได๋กะหมั่นคือกันเบิด