ได้หยุดวันศุกร์ หลังจากหาแนวใส่บาตรพะแล่ว กะหาแนวกินสู่อีแม่กิน เพิ่นมักกินป่น กินน้ำพริก ผักแกล้มหลายๆ หลานๆไปโรงเรียนกันหมดแล่ว บ่ต้องห่วงแนวกินอย่างอื่น
หน่าค้นหาของเก่าในตู้เย็น กะมีผักสดอย่างละเล็กละน้อย ปลาทู 3 โต ปลาดุก3-4 ชิ้น บักเขือ 5-6 หน่วย กะเลยสิป่นบักเขือสู่พี่น้องกินจ้า
กะเริ่มจากการต้มปลาป่นก่อน ต้มน้ำให้เดือด เติมเกลือกับน้ำปลาแดก ใส่บักเขือ และปลาลงต้มให้สุก เปื่อย
ตักออกมาพักไว้ให้เซาฮ้อนก่อน
คั่วพริกสด เก็บมาจากหน้าบ้านนั่นแหละ + กระเทียม + หัวหอม
ตำพริกคั่ว แกะเนื้อปลาดุก ตำๆ แนมเบิ่งเกือบเต็มครก กะเลยแบ่งเนื้อปลาทูออกมาไว้กินแกล้มดีกั่ว
เสร็จแล่วจ้า มาแต่งพาข้าวไปกินกันเหอะ จะ 10 โมงเช้าแล่ว หิวหลาย
เรียบร้อยโรงเรียนหน่าไปด้วยข้าว 2 จาน ป้าด น้ำหนักขึ้นอีกแล่ว แงๆ
Bookmarks