ส่งปีใหม่...2553...
......ศุภเลิศล้ำมวลมาหน้าปีใหม่ ขอให้ไทพี่น้องลุงป้าซู่คน
มีความสุขมากล้นฮับภาคปีขาล การงานเสริมให้ฮู่งเฮืองกว่ากี้
มีเงินใช้เต็มถงล้นขื่อ เข้าอยู่เล้าเต็มยุ้งอั่งฉาง
สุขอยู่สร้างเสมอดั่งเดือนดาว วรรณขาวพราวแพรวแสงจ้า
เดินไปหน้าให้คนมาซูซ่อย คิดสิ่งใด๋ให้ได้สมแท้ปรารถนา
ปีนี้สองพันห้าปลายใส่ห้าสิบสาม ขอให้ใสงามงามสุขเกษมอย่ามีฮ้อน
แม่นเจ้านอนคืนฝั่น หลับฝันให้เจ้าได้เงินหมื่น ตื่นขึ้นมาให้ได้ทองค่าล้านสมานแก้วมุกดา
สุขะ พละ ขอให้ดีไปหน้า ภัยอย่ามาเวรอย่าถ่อง โรคเจ็บหัวและปวดท้อง อย่ามาก้ำย่ำกาย
พวกภัยเข็ญเวรฮ้าย ให้มันพ่ายพังเสีย อย่าได้ตามแฝงเฟีย ปีใหม่มาคราวนี้
ภาระปลดหมดหนี้ ให้ใจดีเสมอแว่น ญาติพี่น้องแวดล้อม กะสุขพร้อมพ่ำกัน
ปีเสือให้เจ้าเป็นเสือชั้นยศใหญ่ปานพญา ให้เจ้าเป็นเสือป๋ามั่งมีเงินล้าน....
ขอให้มีความสุขในปีขาล 2553
บ่าวทองคำ
Bookmarks