กำลังแสดงผล 1 ถึง 3 จากทั้งหมด 3

หัวข้อ: ปีใหม่ใจเศร้า

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ปีใหม่ใจเศร้า

    หอบหัวใจแพ้แว้ นอนแซ่ข้างแจฝา
    เจ็บอุราหมองหม่น อกระคนความช้ำ
    ซ่างมาทำกันได้ บ่เห็นใจกันจักหน่อย
    คนเฝ้าฮักเฝ้าคอย ใจสวอยแล้วอ้าย เจ็บหลายแท้ใจเอ้ย..
    คนเคยเห็นคนเคยเว้า ซ่างมีเขามาเทียมคู่
    ได้แต่จ้องมองดู เขาย่างคู่กันเกี่ยวก้อย ใจน้อยๆแตกสลาย
    เมื่อปีกลายยังหยอกเย้า เคาน์ดาวน์วันปีใหม่
    ยังบอกอ้ายว่าใจ ของอีนางหล่าน้อง ขอจองอ้ายแม่นผุเดียว
    ใจคนเอย..ซ่างมาเลาะลดเลี้ยว คือดั่งเกียวคมหลาย
    มีหลายชายแท้นาง มีหลายทางหวังเลือก
    อยากปอกเปลือกหัวใจเจ้า แม่นเอาหยังมาเฮ็ดแน่
    ใจมาดำคักแท้ บ่แคร์อ้ายผุอยู่คอง
    สิ่งตามองเยาะเย้ย ว่า "ไอ้โง่เอ้ย"หรือแนวได๋
    ตั๋วอ้ายชายให้หลงคอย แล้วมาปล่อยให้เจ็บช้ำ
    ขอให้จำเอาไว้ แม่นจั่งได๋ จั่งได๋ อ้ายกะฮักอยู่คือเก่า
    ขออวยพรส่งเจ้า อย่าหมองเศร้าคืออ้ายเด้อ...นางเอย

  2. #2
    ลานบุญ
    Guest
    อ้ายบ่าวก๋าคามเอ้ย ถึงปีใหม่เปลี่ยนเค้าใจลานบุญยังคือเก่าอ้ายเอ้ย
    อย่าไปหัวซาเขา ผู๋สาวมีมากล้นคนฮักอ้ายกะฮอนมี
    เหลียวมาทางพี้อ้ายเจ้า ลานบุญนั่งค้ำคางหา มาสบตาแน่ชายคนที่หมายอยากอยู่ซ้อน
    ไปออนซอนอิหยังอ้าย ไห่เขาไปได้ดีสา ขออวยพรส่งท้าย ให่เขานั่นจงโชคดี
    ปีใหม่มาถึงแล้วมีแนวได๋ดีไห่ยู้ส่ง ส่งไปไห่อ้ายของน้องหล่าคนนี้จงสุขใจ
    หากแมนทุกข์ยากฮ้ายขอจงหายไปมิดมี่ ไห่โรคภัยหลีกหนี้ ความบ่อดีอย่ามาใกล้ ทั้งโจรร้ายอย่ามาซุม
    หากแมนบุญกุศลสร้างปางหลังครั้งแต่ก่อน นางขอวอนคุณท่านส่งซอยยู้บุญฮวมเด้อจ้า

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ปีใหม่นี้ ขอให่พี่ มีความสุข คั่นแมนใจ กำพวมทุก
    ให้ผ่อนคลาย ซำบายเดอ้ อย่าไปเผลอ มะเมอกลุ้ม
    ให้ควบคุมสติแน ไปหลงแคร์ ผู้สาวนั่น ไปฝันเพ้อ
    อยู่เฮ็ดหยัง ให้เหลียวมอง มาดูบ้าง คนข้างกาย
    อ้ายเห็นบอ ยังคอยรอ ขอเพียงอ้าย ลืมเขาได้
    น้องยินดี สิขอเป็นดอกคนที่ รักษาใจให้อ้ายซ่วง
    ยังเป็นห่วง คิดอ้อนต้อน ขอพรนั่นให้ซ่อยเหดอ?
    แก้ไขครั้งสุดท้ายโดย chudhancock; 04-01-2010 at 23:49.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •