กำลังแสดงผล 1 ถึง 8 จากทั้งหมด 8

หัวข้อ: คนผู่ฮ้าย...เจ้าบ่แคร์

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    คนผู่ฮ้าย...เจ้าบ่แคร์

    สิเป็นไผน้อน้องหล่า คนน้องหาในใจหนึ่ง

    ให้คิดถึงอยู่สู่มื้อ คือสิได้แม้อุ่นใจ

    มาเป็นแฟนได้ย่างใกล้ คอยยิ้มใส่กับปัญหา

    เป็นยาทาเมื่อยามเหงา ให้หายเซามีแฮงเพิ่ม

    เก็บฮักเสริมเติมฮักไว้ ความฝันใฝ่ให้มองเห็น

    อยากสิเป็นเด้น้อชาย ผู้สิมาคำคิงน้อง

    ยามใจหมองพอได้สู้ ยามอดสูได้คึดต่อ

    เมื่อเหงามาได้คึดพ้อ มื้อได๋ท้อได้คิดเห็น

    อ้ายอยากเป็นเด้คนนั้น คนสำคัญในใจหนึ่ง

    ให้คิดถึงอยู่สู่มื้อ ทางเจ้านั้นว่าจั่งได๋.....หล่านางเอย

    มือใหมหัดแต่งครับถืกแหน่ผิดแหน่บืนใส่จนเอิกเหลิ่นเบิด...ขอยาแดงแหน่ อิอิ:heart:
    แก้ไขครั้งสุดท้ายโดย sompoi; 17-01-2010 at 19:06. เหตุผล: แก้อักษร ที่พิมพ์ตกให้จ้า

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ม่วนยุๆหล้า ว่าไปๆ .. กำลังหัดหือหัดแล้ว กะบ่หลื่นกันป่านได๋ดอก ฮ่าๆๆ เว่าถึงเอื้อยซั่นดอกหว๋า เว่ามาเป็นปีกะยังได่สำเก่า อาจารย์เล้าปล่อยป๋าละเลย เวียกการทหารมาไล่เล้าฤาจั่งได๋บุ..
    มองต่าง..อย่างปลง

  3. #3
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    คนผู้ฮ้ายคือน้องนาง...อ้ายบ่อยากสิเบิ่งแยง....ชั่นบ้ออ้าย


    อิอิ ม่วนๆๆจ้า มือใหม่กะม่วนจ้า

  4. #4
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    ข่อยนี้คนชี้ฮ้ายสิลี้อยู่คือกบ
    เห็นคนมาป่อมปิแลมลงน้ำ
    ข่อยนี้คือปลาเข็งข่อน
    หนองนาน้ำเขินขาด
    คันแมนฝนบ่หยาดมาให้
    สิตายแล้งแดดเผา นั้นแหลว

  5. #5
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    คนผู้ฮ้ายคือน้องนางอ้ายบ่อยากสิเบิ่งแยง....
    บ่พอแข่งคือสาวในเมืองบ้านใหญ่...อ้ายเจ้าเลยเคืองสายตาบ่ยากแนมน้องนาง
    ความงามน้องนางสู่เขาบ่ได้ดอกแม่นบ่...กะนางน้องเป็นสาวบ้านนาจนยาก
    หน้าตาเลยบ่สาวสวยย้อยคือสาวเมืองใน...แต่ใจหล่าฮักไผกะฮักเหนี่ยวแน่น
    บ่คิดเปลี่ยนใจให้อ้ายต้องเหงาเศร้าดอกอ้ายจ๋า.....


    อิอิ บ่เก่ง แต่ยากเล่นผญา นำจ้า 55

  6. #6
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    วัฒน์เอย...

    อย่าไปสนเถาะเจ้า อันคำเว้าของสาวส่า
    เป็นมื้อมามีแต่ล่อ สมพอให้บ่าวตายนำ พุ้นแหล่ว
    แนวคารมผสมเชื้อ ของเบื่ออาบยาพิษ
    ต้อยเพียงนิดกะตายได้ หมออยู่ใกล้กะบ่ทัน
    คำหวานๆที่อ่อยเว้า อย่าฟ้าวเชื่อเขาเด้ออาว
    ย่านผุสาวสิมาตั๋ว อย่าฟ้าวคัวเอามาไว้
    เบิ่งๆไปก่อนเด้อหล่า สาวสิมาไม้ได๋แน่
    ปากที่ว่าฮักแน่ๆ แต่ใจแท้ผัดรักลวง
    ที่อ้ายป่วงสุมื้อนี้ ย่อนวจีของสาวส่า
    จนเป็นบ้าปัวบ่ได้ เลยเตือนไว้อย่าถลำ..นำเขาเด้อ เอ้อ...เอิง...เอย...

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    คนผู้ฮ้าย...

    เห็นอ้ายคนผู้ฮ้ายเจ้ามาหน่ายแหนงหนี
    ฮักมาหลายเดือนหลายปีเจ้าบ่อเคยแคร์ซ้ำ
    หนำใจอ้ายอยากตายแล้วไปเกิดใหม่
    เกิดซาติใด๋ขอให้เจ้าฮักอ้าย ขอให้เจ้าฮักอ้าย ตายนำแท้แต่พี่ชาย สาธุ...


    อย่าสุคึดหลายเด้ออาววัฒน์...เถิงเฮาสิคนผู้ฮ้าย กินข้าวแซบนอนหลับกะพอใจแล้วล่ะ

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย น้องก็แนมหาอ้าย หวังในใจไว้เป็นคู่
    หวังเอาซาย ดอกคนฮู้ ซูซ้อนเข้าบ่อนนอน
    แมนสิหนาวหรือว่าฮ้อน บอ ออนซอนไผ๋สิว่า
    บอถือสาไผ๋ว่าอ้าย คนผู้ ฮ้ายกะซ่างตาม
    น้ำใจงามก็พอแล้ว บอมีแนวสิมาทอ
    คนรูปหล่อแต่ใจฮ้าย แนวนี่น้องบอเอา
    สิขอเป็นน้อคู่เจ้า ไผ๋บอเอากะตามซ่าง
    ขอฮ่วมทาง หย่างนำอ้าย ขอเป็นใภ้แม่เจ้าเด้อ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •