แกงอ่อมไก่บ้าน

[บ่าวจัย]

หลังจากแกงผักขี้เหล็กแล้วบาดนี้มาวิมอ่อมไก่เด้อครับพี่น้อง

สับไก่พอดีคำอย่าเฮ็ดต่อนใหญ่หลายมันสิสุกยากเนาะกินกะยาก

จัดการคั่วไก่ให้สุกก่อนที่สิเอาผักลงหม้อเด้อครับเพราะว่ากว่าไก่สิสุกผักกะสิแหลวเป็นน้ำก่อนเด้เนาะ

เครื่องปรุงกะพื้นๆนี้ละครับพริก น้ำปลา ผงชุรส น้ำปลาแดกจักหน่อย
อบ่าใส่หลายมันสิได้กลิ่นปลาแดกสิเสียรสชาดครับ

สุกเสร็จเรียบร้อยจัดการตักใส่ถ้วยจัดใส่พาข้าวเอาไปเสริฟได้ครับผม

เพิ่มให้อีกเมนูหนึ่ง ต้มยำทะเล ปลาหมึกกับกุ้ง พี่น้องหลายเลยเฮ็ดหลายเนาะครับ

เสร็จแล้วตักใส่ถ้วยเลยครับ มันเดิกแล้วหิวบ่ต้องอิหยังมากมายดอกเนาะ

มาเด้อครับกินข้าวแลงนำบ่าวจัยเหลือเพียบในหม้อบ่ต้องย้านบ่อิ่ม
ติดตามตอนต่อไปเด้อครับ

[ทิดรส มักม่วน]

แนวกินบ่อึด บ่อยากแบบนี้ ไปเทื่อบ่ซวน ถืกฆ้อนแท้

แซ่บๆ ครับอ้าย คือสิมีความสุขเนาะครับ

โชคดีปีใหม่ 2553 ครับ ผม

[บ่าวกุดชุม]

คือเป็นตาแซบแท้ กุดชุมล่ะอึดแนวกิน กินแต่อาหารทะเล (ปลาร้า)

[ตรี ศรีเมืองใหม่]

ไคยุบ่าวจัยไปบ้านได้กินอาหารบ้านเฮาหลายอย่าง ส่วนอ้ายเซียงไปบ้าน 3 วันได้กินข้าว 1 คาบ ฮ่าๆๆๆ นอกนั้น จุด จุด จุด

[คนตระการ...]

ซดฮ้อนๆเบิ่งเด้..........จักมื่อแกงสู่กินแน่เด้อบ่าวใจ

[ชิงช้าชาลี]

เป็นตามีความสุขเน๊าะอ้าย จั่งซี่แหละเมื่อบ้านเฮา ของกินบ่เท่าได๋ แต่อิ่มใจนี่หลายแฮง

[กำพร้าผีน้อย]

..เห็นต้มยำทะเลในกระทู้แกงผักขี้เหล็กว่าแม่นสุกี้...

เฮ็ดเองหรือว่าแม่เฒ่าเฮ็ดสู่กินน้อ..ว่างๆมาแกงให้กินแน..

[บ่าวจัย]

..เห็นต้มยำทะเลในกระทู้แกงผักขี้เหล็กว่าแม่นสุกี้...

เฮ็ดเองหรือว่าแม่เฒ่าเฮ็ดสู่กินน้อ..ว่างๆมาแกงให้กินแน..

พ่อครัวหัวหมอเด้นิอ้าย5555คึดเอา

[บ่าวต้นฅนมุกดาหาร]

อ่อมไก่ใส่บักฟักมาเป็นตาแซบแท้ครับ...เมือบ้านบาดเทือหน้าสิให้แม่เพิ่นจับไก่ไว้ถ่ายุครับ...เห็นในพาข้าวแล้วกะอยากนำ...ขอนั่งร่วมวงนำแนเด้ออ้าย

[เพ็นนี]

ขอกินนำแน๊เพื่อน เป็นตาแซบสุแนวเลย