สวัสดีจ้า มื้อนี้นู๋น้อยมี แนวกินมานำเสนอ คิดเองค่ะ ย้อนว่าอยากกินก้อยกะปอม มันบ่มี กะเลยแปลงสูตรเอาปลาทูมาเฮ็ดแทน 555555
c06: มาเริ่ม เข้าครัวกันเลย จ้า
อันดับแรกไปตลาดหาซื้อปลาทูย่าง มาสาเกิ่น แต่บ่มีกะเอาปลาทูนึ่งกะได้จ้า เอามาทอดพอเหลืองๆ
มาฮอดเครื่องปรุง ใส่เครื่องปรุงคือกันละจ้า กับก้อยกะปอม
หมากม่วงดิบ(ส้มๆเด้อ) ตระไคร้ หอมแดง สะระแหน่ ผักหอมเป(ผักใบเลื่อย)
c06: หรือคั้นบ่มีกะใส่หอมตามที่หาได้เด้อจ้า
ขั้นตอนต่อไป ปอกหมากม่วง สับหรือซอยกะได้จ้า แกะปลาทูเอาแต่เนื้อก้างบ่เอา ใช้วิธีขะย้ำหรือ คลุกเอากะได้ แต่นู๋น้อยขะย้ำเอา มันจั่งเข้าเนื้อ 55555
แล้วกะปรุงรส ใส่ผงนัว(ชูรส) จักน้อย เกลือนิดๆ น้ำปลาใส่ทีหลัง ซิมก่อนค่อยใส่
ที่ขาดบ่ได้ ข้าวคั่ว กะพริกป่น แล้วกะ ขะย้ำอีกรอบ หรือคนให้เข้ากัน ซิมเบิ่ง เผ็ดๆเปรี้ยวๆเค็มนิดๆ ถ้าบ่มีรสเค็มกะเติมน้ำปลาได้จ้า สุดท้ายใส่หอม ต่างๆที่พอหาได้ คลุกอีกเทื่อให้เข้ากัน แล้วตักใส่จานเตรียม อร่อยได้เลยจ้า
และผักตามที่ซอกหาพ้อ ในตู้เย็น ไผ๋มีผักหยังปลูกไว้ข้างบ้านหลังบ้านกะเอามากินเด้อค้า
c06: มาเด้อ บาดนี้ กินข้าวเที่ยงนำกัน พี่น้อง พร้อมแล้วอาหารเที่ยงมื้อนี้ค่ะ
โอ๊ะ กินกับข้าวเหนียวฮ้อนๆสะดอกจั่งแซบ ฮ้าๆๆๆๆๆ
จบแล้วสำหรับ อาหารมื้อนี้ ขอให้ทุกคนแซบๆเด้อจ้า มื้อหน้าจะเอาแนวกินแปลกๆใหม่ๆมาฝากอีก ค่ะ :em01)
แดวๆๆๆ เอาอีกจักหน่อยแน่ะจ้า ฮ้าๆๆๆ ลืมว่ามีต้มไก่ กับลาบไก่นำแม่ะ นี้ยกหม้อมาให้เลย เชิญแซบจ้าบาดเนี้ยะ
และลาบไก่ ฝีมือนู๋น้อยเอง จ้า อิอิ (ระบบภาพอาจบ่ชัดแจ๋ว มือสั่นหิวข้าว) 555
Bookmarks