หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

หัวข้อ: งานพาแลง คึดฮอดเจ้า

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    พบปะพูดคุย งานพาแลง คึดฮอดเจ้า

    งานพาแลงสิฮอดแล้ว เสียงแซวแซวพวกน้องพี่

    ใจอ้ายตี๊คึดฮอดเจ้ากินเข่ากะบ่ลง

    ใจประสงค์ให้น้องอันอ่วยมาหา

    หากว่าบุญนำพาคงสิมาพบพ้อ

    แต่ได้ข่าวจั้นจ้อว่าจอมขวัญบ่มาส่อง

    ใจอ้ายขาดจ่องปองมองแต่ทางพ้อว้อ

    ย่อนอยากพ้อหม่อมพะนาง

    เป็นจั่งใด๋น้อหล่าหรือว่าลืมบ้านมหา พาแลงแล้วหือบ่

    ได้แต่นั่งก้อจ๊อคอยนางอยู่ข้างฮั้ว งัวแนมหน้าว่าเฮ็ดหยัง

    (นั่งถ่าคนละเนาะ)


  2. #2
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    โอน้ออ้ายเอ่ย
    อันว่างานพาแลงใกล้ฮอดแล้ว
    เสียงแซวแซวพี่น้องส่า
    สิบสามเดือนกุมภาวาติอ้าย
    คือจะได้เห็นหน่าถั่วหมู่เฮา
    พวกหมู่เจ้าคงได้ม่วนหัวแซว
    แต่ว่านางหล่าแก้ว
    นั่งกินแห้วอยู่หน่าคอม
    ..หย้อนว่าอยู่ไกลเกินหล้า
    อยากมาหา แต่กะมาบ่ได้
    ดวงใจนั้นได้ฮำฮอน..อยู่แหลว อ้ายเอ้ย

    (เข้าบ้านมหาบ่ได้กะเลยเงียบ อิๆๆ)
    แก้ไขครั้งสุดท้ายโดย จำปา; 13-01-2010 at 15:21.

  3. #3
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    ขอ sub thai แน แม็กกี้แปลบ่ออก 555

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    งานพาแลงคึดฮอดอ้าย....เคยได่ถ่ายดอกฮูปฮ่วม
    มีแต่ควมม่วนห่าว...อ้ายส่งเหล้า โอ้ะ ภาชน์ข้าวให้นาง
    สองเฮาเคยจาต้านว่าปีผ่านสิมาฮ่วม
    ยังบ่อลืมดอกควมเว่า ยังจำเข้าเอาใส่ใจ
    แต่ปีนี้ยากหลายอ้าย ข้าวขึ้นเล้ากะบ่ส่วง
    หน่าที่ยังบ่ลุล่วง มีแต่ห่วงในมโน
    อยากสิฮ้องโฮเศร่า ย่านอ้ายเหงายามคึดต่อ
    กินพาแลงปีนี้น้อ บ่มีไผ๋เบิ่งอ้าย ยามสิไปฮากนั่นแหล๋ว..อ้ายข่อยเอ้ย


  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ผู้สิฮากบ่แมนอ้าย บ่าวพี่ซายทางนครฯ บ่แมนบ้อ
    เห็นเลานั่งก่อจ๊อ นั่งกอดอุไหเหล่า พวกหมู่เจ้าบ่ลำแยง
    นั่งแป่งแซ่งล่มหง่วย น้องอันอ่วยดอกหนีศรีฯ
    ตื่นขึ้นมาบ่มี แมนผุใด๋ดอกมาอุ้ม
    เห็นคุมมุมคือแท็กซี่ ข่อยสิหนีไปนอนก่อน
    ดีที่เลาฮู้บ่อน คันจั่งซั่นสิแย่ หาทางแก้ดอกบ่เห็น
    ยามกังเว็นโตอ้ายกินงายแล้ว จั่งนำหา
    มีโป้ยก่ายนำพา วนหาจนวินง่อง
    เฮามาจองหม่องนี่ ย่อนหลายปีเคยมาหมู่
    ซุมพวกสูคือฮู่ นำหาตรูได้จั่งใด๋ (พะนะเลาว่า)

    ฮ่า ๆ ๆ ๆ
    แก้ไขครั้งสุดท้ายโดย พล พระยาแล; 13-01-2010 at 12:47.

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายเอ้ย น้องอยากไปอยู่บอแพ้ ใจอยากแวะเข้าไปหา ไกล้ฮอดวันเวลา

    บ้านมหาพาแลงแล้ว เสียงแซวแซว ได้ยินเว้า เห็นเพินเอาป้ายมาส่ง

    เอามาลงอยู่หน้าบ้าน หัวใจนั่นอยากสิไป คั่นแมนอยู่ดอกไกล้ๆ

    น้องสิไปดอกหาพี่ แต่ความจริงในตอตนี้ ต้องนอนลี้เซ็ดน้ำตา

    ก่อนแหล่ว อ้ายเอ้ย

  7. #7
    แบ่งปันความรู้และประสบการณ์ สัญลักษณ์ของ สุสงวน
    วันที่สมัคร
    Jun 2009
    ที่อยู่
    bangkok
    กระทู้
    88
    งานพาแลงสิฮอดแล้ว เสียงแซวแซวพวกน้องพี่
    ใจน้องตี๊อนเอ้า นั่งเฝ้ามื้อสิมา แท้เด๊....
    ใจประสงค์ต่อตั้ง แนวหยังยั้งบอยุ
    บุญได้ซูฮวมแล้ว ทางแคล้วดอกบอมี ญาพี่เอ๊ย.......
    ให้อ้ายมาขึ้นเฮือนเถิ่น ยะไปเดินใกล้งัวยุ
    เดี๋ยวควายเขาบักตู้ สินำหยู่ดอกบอเหลือ ซั่นเด๊.......
    ใจสิเพขาดแล้ว แนวยามได๋สิใกล้เทือ
    สังมาเบื่อนับนิ้ว คิวนั้นคือมาดนแท้น้อ อ้ายเอ๊ย.......

    เหลืออีก หนึ่งเดือน กะคือดนปานหนึ่งปีแท้น้อ งานพาแลงกะดาย อ้ายเอ๊ย

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    วันที่สิบสาม กุมภานี่ เป็นมื่อดี ที่เข้าท่า
    คนนั่งจ้อง ถ่าเวลา อยากสิมา กันคักแท้
    มองชะแง้ แต่ต้นเดือน พากันเพียร จิตใจตั้ง
    นั่งระวัง ย้านได้ลื่น นั่งนับนิ้ว สุวันคืน
    หัวใจซื่น กันพ้อว้อ นั่งรอถ่า ว่าคือดล
    เบิ๊ดสุคน คือกันแท้ ตั้งตาแล นี่จังแมน
    เทิ้งหมอลำ เทิ้งหมอแคน เทิ้งแฟนแฟน อยู่ในบ้าน
    บอมีคร้าน ได้ ฝึกฝน ฝึกเอาจนมาโชได้ ย้อนจิตใจ
    ที่แน่วแน่ จังแมนดี เอาคักแท้ ทางสิแย้หากบอมี
    บ้านมหา พาแลงนี่ จัดเต็มที่ บอมีตั๋ว ทุกครอบครัว
    ขอเชิญไป ฮ่วมน้ำใจไวไวนี่ ด้วยไมตรีที่มีนั่น ความสัมพัน
    นั่นมาก่อน กราบขอบคุณ แล้วรับต้อน ออนซอนเด้
    พ่อแม่เอ้ย ไผ๋บ่อเคยได้มานั่น ให้พากันมาลองเบิง แล้วสินึกบอเถิง
    ว่าม่วนหลาย เอาสุดยอด ม่วนตลอดอยู่บอเซา ขอเชิญมาดอกกินข้าว
    ม่วนนำกัน สมานเสี่ยว ฮักกลมเกลียว ผูกเสี่ยวไว้ พอปานได้
    ดอกโล่ทอง ขอขอบคุณเด้อพี่น้อง ที่มาจอง จ้องคอยถ่า ขอบคุณหลาย
    ท่านที่มา ในเวลาวันนี่ และคืนนี่ สิบอลืม แสนดีใจ และปราบปลื้ม
    แมนบอลืม สถานที่ งานพาแลงในคืนนี่ ที่มีได้ ย้อนฮ่วมใจ
    รวมพลัง ฮักกันไว้ ฮ่วมน้ำใจ ให้หมั่นแก่น เป็นสายแนน
    ดอกสายยู้ เป็นคนฮู้ ดอกผู้ดี เบิ๊ดสุคน ในที่นี่ และท่านที่
    คอยติดตาม ครั้งที่สอง และที่สาม ให้ติดตามสุยามเด้อ?

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1

    ขอเชิญครับ

    สุขสบายทั่วถ้วน มวลมิตรเทิงสหาย
    ทั้งหญิงชายบ่าวสาว พี่น้องชาวมหาล้วน
    ตามกระบวนสมควรแล้ว ให่มาแซวมาหม่วน
    ขอเชิญชวนพวกหมู่เจ้า มากินเข่าฮ่วมพา
    มากินปลาฮ่วมถ่วย มากินกล้วยดอกฮ่วมหวี
    มีเทิงเหนือทางใต้ ตกไกลตะวันออก
    มาตำจอกหยอกแก้ว สาแล้วจั่งไชโย..ไชโย..ไชโย.เด๊อพี่น้อง..
    c06:
    แก้ไขครั้งสุดท้ายโดย pcalibration; 13-01-2010 at 16:42.

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เจอของจริงแล้วข่อย ป้าลำซิ่งมาคอยอ่อยกลอนผญาผ่าน
    เป็นระดับปรมาจารย์ อันลูกหลานจั่งผู้ข่าวันทาท่านพร้อมยกยอ
    ขอให้สุขขีหมั่นเสมอมันดอกเครือเก่า โอบอุ้มลูกหลานเฮา
    ให้โดนโดนเด้อครับป้าอย่าลาร้างดอกห่างหนี

    เทิงซุมน้องสาวหล่ากะนำมาเติมต่อ หมู่ผม..พีคา..เลากะบ่ ธรรมดาดอกท่าน
    มาจาต้านหว่านผญา

    แมนบ่ถืกภาษาเว่าผญาเก่าความหลัง แต่กะเป็นตาฟังจั่งแมนหยังดอกน้อป้า (อิอิ)
    อันโตของผุข่า บ่เคยว่าผญามาแต่โดนโดน ได้แต่ยืนงอยโพนอ่านคำผญาต้าน
    เบิ่งของศรีสะท้าน และโป้ยก่ายเพิ่นกะมาแจม ได้แต่จอบได้แต่แนม สิร่วมแจมกะบ่ก้า

    (ฮ่วย สิลงจั่งใด๋ล่ะบาดเนี่ย ซงสิยาวแถะป้า เอาบันไดมาฮับแน๊ ฮ่า ๆ ๆ ๆ)
    แก้ไขครั้งสุดท้ายโดย พล พระยาแล; 13-01-2010 at 22:13.

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •