น้ำพริกกะปิ

[ติ๋ม เปอร์โย]

น้ำพริกกะปิ ปลาทูทอด ผักหลายๆอย่าง เป็นอีกเมนูหนึ่งที่ติ๋มมีไว้คู่ครัวบ่ได้ขาด
ตำเทือหนึ่งกินไปเป็นอาทิตย์กะบ่เบิด...คั่นได้เฮ็ดกับข้าวหละเฮ็ดหน่อยๆบ่เป็น จักเป็นหยัง
เครื่องปรุง
กะปิห่อกระดาษฟอยด์ย่างไฟ ประมาณ50กรัม
กระเทียมโทน1หัว
พริกขี้หนูสวน ติ๋มใส่40เม็ด(ใส่มากกว่าหรือหน่อยกว่ากะได้ ตามใจปากจ้า)
มะเขือพวงเด็ดแล้วประมาณอุ้งมือหนึ่งหนี่หละ กะๆเอาเนาะ
กุ้งแห้งป่น,น้ำปลา,น้ำตาลมะพร้าวประมาณเท่าหัวแม่มือหนี่หละ,
น้ำปลาจักช้อนแกงเดียวกะพอ มักข้นๆ
น้ำมะนาว2ลูก(เป็นคนกินเปรี้ยว ติ๋มคึดว่าคั่นบ่เปรี้ยวเป็นคาวๆกะปิแหม๋ อิอิ)
จัดการตำกระเทียม กะปิ น้ำตาลมะพร้าว ใส่พริกขี้หนูสวนโขลกต่ออีกนิดหน่อย
ใส่มะเขือพวง บุบๆพอแตก บีบมะนาวใส่ทั้ง2ลูกหั่นหละ ใส่น้ำปลา สากคนๆ



ตักใสถ้วย แต่งด้วยพริกขี้หนูสวน มะเขือพวงที่ตำบ่เบิดหั่นหละจักหน่อย



ก่อนสิตำน้ำพริกกะหุงข้าว ต้มผัก ลวกผัก ต้มไข่ ทอดปลาทูเตรียมไว้ก่อนเลยจ้า
เอาตามประสาที่คนไกลบ้านสิหาได้หละเนาะจ้า



เสริ์ฟกับข้าวซ้อมมือหุง จัดให้เป้นเมนูสุขภาพได้จ้า...ตักเสริ์ฟผู้ละจานเนาะพี่น้อง
ที่ติ๋มแบ่งมากินแบบนี่ เพราะถ้ากินบ่เบิดกะเก็บใส่ตู้เย็นไว้กินได้หลายมื้อเนาะจ้า
มาเด้อน้องพี(หนุ่มเหงาฯ) มากินหัวปลาให้เอื้อยแหน่หล่า เอื้อยกินหางปลาเบิดไปแล้ว อิอิ ฮักน้องใด๋หนี่

[สาวโคราช]

พี่ติ๋มน่าอร่อยแท้จ้า ปลาทูก็ตัวอ้วนๆทอดก็เหลืองน่าอร่อย อยากกินแท้จ้า เด๋วแอนไปตักข้าวสวยมากินหน้าคอมก่อน

[สาวส่าเมืองอุดร]

มาแระ มาเฮ้ดยังล้อใจกันแท้น้อ ตักข้าวมานั่งจ้อหน้าคอมนี้หล่ะ
นำแน่เด้อแม่ดองเอ้ย..จะแม้นกินยากคักทางนี้ เพิ่นบ่มักแนวเฮาแซบนะ
ฝากท้องนำแม่ดองนี้หล่ะเด้อ

[ขอโทษที่คิดถึง...เด็กดื้อ]

หิวข้าว ๆๆๆๆๆๆๆๆๆๆๆ แล้วจ้า กินแนะ ปลาทูของโปรดจ้า กินแต่จำความได้ บ่เบื่อเลยจ้า ฮ่า ๆๆๆๆๆๆๆๆๆๆ

[แหลวแดง]

มักหลายคับ ใส่หมากแข้งหลายๆ ลูกโดดจักหน่อย กินกับทอดปลาทู ต้มหน่อไม้ สุดยอดไปเลย เห็นแล้วหิวข้าวอีกหละ แซบๆๆๆคับ

[กำลังใจ]

ชอบมากเลยจ้า น้ำพริกกะปิ

[ปีใหม่]

น้ำพริกกะปิแซบๆๆกินบ่เป็น ขอเป็นปลาทูทอดแทนได้บ่ค่ะพี่ติ๋ม อิอิ

[Sweet_M]

ป้าด อะป้าด มาตาแซ่บแท้พี่ติ๋ม

[ลาวดีน้อย]

อยากกินนำจ้า เป็นตาแชบหลายจ้า กินกับปลาทู อิอิ

[เขมราฐ]

เป็นตาแซ่บเน๊าะค่ะเอื้อยติ๋ม เอาไข่ทอดชะอมอีกจักหน่อยแหน่ค่ะ