ผญามันกะมีทั้งกลอนหก กลอนแปด กลอนสิบนั้นหละหล้า อย่าไปคึดยากหลาย
ผญามันกะมีทั้งกลอนหก กลอนแปด กลอนสิบนั้นหละหล้า อย่าไปคึดยากหลาย
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
อีกต่อไปทางหน้าศาสนาโหลดสิเสื่อม - สาแหล่ว
ย่อนซุมเห็นแก่ได้เป็นคนม้างศาสนา
เห็นแก่โตกะเลยก้อมคือกันกับหางฮวก
คือจั่งเซื้อไก่กุ้มหองก้อมแกงบ่เป็น - แท้แหล้ว
จงเอาชนะในความยาก มิฉะนั้นความยากจะชนะท่าน
ต่อแต่นี้ ฟ้าสิกลับต่าวปี้น ดินสิไหง่ไอฝน
ฝูงหมู่คนธารา สิปากจาบ่เห็นเบื้อง
คนสิเคืองหมองเศร่า เอาใจเป็นไทฝ่าย
สรรพะสนสิ่งฮ้าย สิยายม้างมอบเมือง
หนองสิกลายเป็นเขื่อง เคืองกระแสแวปั่น
อัศจรรย์เกิดก้ำ นทีกว้วงสิหล่วงไหล
คนปราชญ์ปากบ่ได้ ไขบอกบ่มีผล
สัปดนประดาสับ นับวันเวลาคล้อย
วิถีถอยซาตาต้อง ครรลองสิกลายพราก
ยากเด้นอ ยากนำเหลนหล่อนน้อย ผู้หลังคล้อยต่อมาฯ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
พี่น้องเอ้ย
เพิ่นว่าความตายนี้เป็นเปิงทั้งโลก
หากแม่นเป็นแบบตั้งประจำด้าวเที่ยงจริง
อันนี้เป็นเปิงเค้ามีมาแต่เก่าก่อน
คันแม่นมาฮอดแล้วหนีได้กะบ่กราย
อันว่าความตายนี้เสมอกันโดยดั่ง
บ่ว่าข้อยและเจ้าเสมอด้ามดั่งกัน
อันว่าโลกีนี้บ่มีแนวตั้งเที่ยง
มีแต่แนวแตกม้างทลายล้มพ่ำกัน
สังขารความแตกม้างไกลกันเจียระจาก
คันบ่ม่มโอฆะกว้างสิเทียวพ้ออยู่เลิง
จงเอาชนะในความยาก มิฉะนั้นความยากจะชนะท่าน
บุญบาปนี้เป็นคู่คือเงา เงานั้นไปตามเฮาซู่วันบ่มีเว้น คันเฮาพามันเล่นพามันเต้นแล่น พามันแอะแอ่นฟ้อนเงานั้นกะแอ่นนำ คั่นเฮานั่งย่องย้องเงากะนั่งลงตาม ยามเฮาเอาหลังนอนกะอ่อนลงนอนด้วย คั่นเฮาโตนลงห้วยภูเขาหลายหลั่น คั่นเฮาขึ้นต้นไม้ผาล้านด่านเขา เงาก็ติดตามเกี้ยวเกาะเกี่ยวพันธนัง บ่ได้มียามเหินห่างไกลกันได้ อันนี้ฉันใดแท้ทั้งสองบุญบาป มันหากติดตามก้นตามส้นผู้ำทำ(อันนี้กะจำเอานำเผิ่นมา)
ยากเด้ ยากนำการงานหยุ่ง รุงรังพันธะมาก
ยากนำปากป่วนท้อง ผองเข่าเสพกิน
ยากนำดินผืนหญ่า หัวนาป่าหมากปืด
ยากนำพืชปลูกสร่าง ถางด้นก่นไถ
ยากนำไหมพวมท้อน หามอนเกือเฟือน้าวก่อง
ยากอีหยังกะบ่ท่อยากนำคึดฮอดน้อง นางน้อยผู้อ่อยความ นี้แหลว
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
โอ้ยท่านเอ้ยมาคือทรงสิยากหลายแท้น้อ
เพิ่นยังว่าเกิดเป็นคนต้องสู้บู๋ไปตามชาติ
แม่นสิลำบากฮ้ายให้ทนสู้ต่อไป - เด้อสหายเอ้ย
แม่นสิทุกข์ยากฮ้ายให้ได้อยู่นำกัน
กอยมันมีจั่งค่อยหามาเลี้ยง เอาหั่นเถาะ
จงเอาชนะในความยาก มิฉะนั้นความยากจะชนะท่าน
ใจประสงค์สร้างกลางดงกะว่าทง ใจขี้ค้านกลางบ้านกะว่าดง
Bookmarks