เหลียวไปมองมาล่ะมีความรู้สึกว่าอยากเขียน เขียนฟอรั่มนิล่ะเน๊าะ
คึดฮอดบ้านเฮาเน๊าะ จักแหม่นบุญมีหือกรรมบังเน๊าะไทเฮากะดาย บ้านมีกะบ่ได้อยู่ บ้านเกิดทรายกะยังแต่แม่ญิง,เด็กน้อย กับ ผุเฒ่า ส่วนคนส่วนใหญ่กะเข้าไปในเมืองไปหาเงินเบิด (ผุเขียนกะคือกัน) คนแถวบ้านไป เฮ็ดงานเมืองนอกเบิดจ้าอยู่บ้านกะดาย บางคนกลับมาได้เดือนสองกะต้องกลับไป บางคนไปแล้วไปได้เมียใหม่กะมี บางคนกลับมาตอนเป็นบ้าแล้วกะมี บางคนกลับมาอยู่นำลูกนำเมียบ่ถึงสิบปีตายจ้อย (ซั่มว่าไปหาเงินให้ผัวใหม่ใช้ซั่ม) ใจจริงแล้วทรายฮั๊กฮักบ้านเกิดกะของ แต่ทรายกะบ่เคยได้อยู่บ้านคือกัน เป็นหยังทางบ้านเฮาที่นอกจากเฮ็ดนาแล้วน่าสิมีงานให้เฮามีรายได้เสริมเน๊าะ- ไทเฮาค่อยสิบ่ได้ไปหาเงินให้ซุมเพิ่นเฮ็ดบ้านให้เช่า กับ ซุมบริษัทรถ(ขนส่ง)ทังหลาย อันนี้หยังหาเงินได้บ่หลายไปจ่ายค่านั้นค่านี้ ได้ส่งเมือบ้านบ่กี่บาทเบิดซั่ม เฮ้อแย่จัง
หั่นสิเมืออยู่บ้านกะบ่มีแนวเฮ็ดเน๊าะ อิจฉาคนที่เพิ่นได้อยู่พร้อมหน้าเน๊าะ อีก 2,000ปีทางหน้า วัฐจักรชีวิตแบบนี้สิเปลี่ยนบ่น้อ?
อ้างข้อความนี้
Bookmarks