หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: เจ็บแป๋ตาย...อ้ายกะยอมทน

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    เจ็บแป๋ตาย...อ้ายกะยอมทน

    หล่านางเอ๋ย... พอได้ยินคำน้องบอก ว่าจบกันสิได้บ่

    บอกว่าพ้อคนใหม่แล้ว เขาคนนั้นเท่คักหลาย

    ขอแยกทากฮักกับอ้าย ขอให้ชายหลีกได้บ่

    สิไปกับคนที่พ้อ ส่วนโตอ้ายแล้วแต่กรรม

    การกระทำที่เคยสร้าง หรือหนทางที่เคยเกี่ยว

    เหลือคนเดียวแค่โตอ้าย คนฮักพ่ายต้องอยู่ทน

    หากเขาดีกว่ามากล้น อ้ายยอมทนให้เจ้าหุ่ง

    อ้ายบ่ขอเขาไปยุ้ง ขอให้รุ้งไปดั่งฝัน

    มื้อได๋เจ็บบ่อาจกลั้น ให้ฟ่าวหันทางนี้ก่อน

    มื้อได๋นอนน้ำตาร่วง อ้ายคนนี้สิรับคืน.....

    มือใหม่ครับ....บืนบกบืนบากไปนำเผิ่นช่อยกันชี้แนะน้องนุ้งแหน่เด้อครับสิไปพัฒนามาใหม่ครับ

  2. #2
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    ผุได๋น้อเฮ็ดให้น้องชายหล้าเอื้อยเจ็บมาเป็นตาซังแท้

  3. #3
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ฟังควมซายอ้ายวัตย์เว้า
    บอกว่าสาวขอลาก่อน
    นางออนซอนใจอ้าย
    มาดีแท้หลื่นคน...แท้น้อ
    ฮักเคยรอฮ่วมสร้าง
    สาวมาพังเป็นแนวใหม่
    แต่จั่งได๋อ้ายผุนี้
    กะรอเจ้ายุซุยาม...พะนะ
    ออนซอนนำเจ้าเด้
    อ้ายเอิกเพเขาบ่ห่วง
    อ้ายทนเหงาเขาสุขล่วง
    คนห่วงอ้ายกะคึดนำ...ยุเด้อจ้า
    อ้ายบ่าวเอ๊ย

  4. #4
    แบ่งปันความรู้และประสบการณ์ สัญลักษณ์ของ บ่าวเมืองเดช
    วันที่สมัคร
    Sep 2007
    ที่อยู่
    เมืองเดช ครับพี่น้อง
    กระทู้
    98
    อ่านผญาซึ้งตรึงใจผู้ได้อ่าน อ่านผญาเศร้าเหงาใจผู้จอบฟังซั่นแล้ว พี่น้องเอย

  5. #5
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    298
    มาเป็นกำลังใจให้จ๊า...ได้การยุเดะล่ะอ้าย...สู้ ๆ จ้า

  6. #6
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    อ้ายชายเอ่ย อย่าสิคิดนำเขาหลาย
    บ่ได้มีแต่เขาคนเดียว สาวอื่นอ้ายกะเหลียวเบิ่งเนเด้อจ้า..

    มาเที่ยวนี้เศร้าแท้น้อจ้า สู้ๆๆ แต่งม่วนดีจ้า..

  7. #7
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    156
    มาสงสารแท้หล่ะอ้าย เฮาผู้ซายถืกถิ่มถ่ม
    หลงคารมสาวผู้นั่น(จั้กผู้ได๋)สาวผมสั้นหรือผมยาว
    หรือเป็นสาวมักเว้า ลมลวงเอาป้อนเข้าใส่
    หรือเป็นสาวทรงใบ้ เทียวใซ้แต่สายตา
    หรือว่าเป็นคนแถวนี้ แม่นซิมีอยู่บ้อหว่า
    หรือเป็นสาวบ้านมหา ผู้มาลวงหลอกต้มให้ซายล้มลุกบ่ไหว
    เจ็บคือกันน้ออ้าย สาวบ้านได่กะตามสร่าง
    ถึงเป็นสาวแม่ฮ้าง กะเจ็บย้อนบ่ต่างกัน
    อดสาเอาเด้ออ้ายมโนนัยอย่าอุกอั่ง
    กัดเทิงแข่ว เทิงฟัน กัดจนดังก้อดก้อด น้ำตาเจ้าอย่าให้เห็น อ้ายเอ้ย
    เขาซิสมน้ำหน้าเฮา หลูโตนอ้ายข่อยคัก

  8. #8
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ฟังอ้ายรอย สอนอ้ายวัตย์ มาซงเป็นตะเส้นเลือดแตกในสมองแท้จ้า กัดแข่ว ทนเอาพะนะ...อิอิ

  9. #9
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    ขอบใจอ้ายรอยเด้อที่มาบอกน้องนุ่งให้อดทนฟังแล้วถืกใจคัก ปะอ้ายเฮาไป ว.4ทางน้ำแก้ความเจ็บจัก 2กลมกะหนาเถือลืมเขาได้ฟ่าวๆเด้ออ้ายน้องสิอาบน้ำถ่า

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    แมนเจ็บหลายปานได๋อ้าย เจ็บแป๋ตายมาซ่างว่า
    คือสิเจ็บเอาหนักหนา มาเป็นตาหลูโตนแท้
    คือสิแย้แท้อาการ แมนสาวได๋คนผู้นั่น
    คงสำคัญสำหรับพี่ คั่นเจ็บหลายเอาซ่ำนี่
    บอมีได้สิซ่อยไหว เจ็บร่างกายยังพอเว้า
    เอายาใส่กะยังหาย แต่เจ็บใจไผ๋สิฮู้ว่ายานั่น
    มันอยู่ไส อิอิอิอิ เซาเจ็บสาเถาะจ้า เมื่อยนำอิอิอิ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •