หลับตาลงกะเห็นเจ้า ยิ้มคือเก่าบ่เคยไกล น้ำตาไหลยามห่วงหา บ่ห่างลาทางใจอ้าย
สองมื้อกายคือปีพ้น ดวงกมลสิขาดแหล่ง หล่าคำแพงคิดฮอดเจ้า ยามสวยเซ้าอ้ายคิดนำ
ฮักแล่นตำจนใจแค้น ความหวงแหนได้เทียวจ่อง หลอยตกป่องฮักจนเพ้อ ไผว่าเซ่อกะแม่นยอม
ได้เทียวซอมเบิ่งเหมิดมื้อ จากมือถือมีรูปถ่าย โทรไปเว้านำหลาย-หลาย สิซังอ้ายบ่น้องหล่า คนมันบ้าย่อนฮักเธอ
หนึ่งคำเขียนอาจเพ้อเจ้อ หนึ่งคนเด้ออยากฝากส่ง หนึ่งคำตรงมือถือเจ้า หนึ่งคำเว้าว่า "Miss You" ซั่นแหลวหล่ะ
*** คิดฮอดพี่น้องเด้อ ทุกท่าน ทุกคนครับ บ่ได้เข้าบ้านดนหล่ะครับ ขาดความคมหลาย ***
** ขออนุญาตตัดเพลงประกอบครับ ย่อนว่าซ่อยกันรณรงค์ว่าซั่นเนาะครับ เหวยยยย ย่านได้เฝ้าลูกกรงแมะ **
Bookmarks