หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

หัวข้อ: หนาวลมคิดฮอดน้อง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    หนาวลมคิดฮอดน้อง

    นอนอ้างว้างกลางท่งคืนลมหนาว
    เสียงเกรียวกราวใบสะแบงหล่นขุ บัดลมต้อง
    ฟังวังเวงคือน้องหวนมาเอิ้นหาพี่
    คิดฮอดนางคนดี อยู่จั่งใด๋น้องหล่าทางเมืองฟ้าห่างไกล

    ธ.ก.ส. นางนั้นบอกอ้ายไว้ ดอกมันหลายขอไกลพี่
    จำเป็นอีหลีจั่งได้ลาจากอ้าย หมายหน้าเข้าสู่กรุง
    ให้คอยนางอยู่บ้านทุ่ง อดทนก่อนยามนอนหนาว
    จำสัญญาสองเฮาอย่างฟ้าวเอาเมียซ้อน
    ถอนไถ่คืนนาท่งกว้างสิคืนมาหาพี่
    จำได้ดีคำนางเคยออดอ้อนตอนฝนแล้งที่ผ่านมา

    เดือนธันวาหล่ะเดหล่าที่นางไปสองปีผ่าน
    ข้าวขึ้นลานนอนมุดซุ้มรอน้องสิต่าวมา
    แสงเดือนดาวเจิดจ้าตาคนคอยบ่อหลับง่าย
    คึดไปหลายใจอูดเอ้า หนาวจ้อยตั้งแต่กาย.....นางเอ้ย


  2. #2
    ยามหนาวลมคิดฮอดน้อง ได้แต่มองเบิ่งรูปถ่าย
    คิดฮอดหลายเด้นอ นับมื้อรอสิพ้อเจ้า
    อย่าฟ้าวเด้อ..อย่าฟ้าวลืมคำเว้า สองเฮาคนเว้าต่อ
    เจ้าสิรอถ่าอยู่บ้าน สงกรานต์อ้ายสิต่าวคืน
    ไปบุกบืนกลางกรุงก้วง ย่อนอยากล่วงผ่านความจน
    เฝ้าสู้ทนขายแฮง เป็นแรงใจให้แน่น้อง
    อย่าไปมองบ่าวทางบ้าน หากเพิ่นผ่านมาจา
    คิดเห็นหน้าอ้ายแน่เด้อ อย่าไปเผลอนำคำล้อ
    คนรูปหล่อเพิ่นมาเว้า กะอย่าฟ้าวไปหลงมัก
    อย่าไปฮักไผง่ายๆ นอกจากอ้าย..แม่นผู้เดียว..เด้อหล่า

  3. #3
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17
    ลมหวิวหวิวพัดใบข้าว ใจนางหนาวคึดฮอดพี่
    สัญญาใจที่เคยมี ใจน้องนี่บ่เปลี่ยนแปลง
    ยามมื่อแลงคึดเห็นหน่า น้ำในตาผัดรินไหล
    คึดฮอดดอก ธ.ก.ส. ยามใด อยากฮ้องไห่บ่ายน้ำตา ฮือฮือ...

    มาม่วนนำซือๆดอก

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    สายลมหนาวจวนสิโม้ม เบิ๊ดหัวลมยังหนาวอยู่
    หนาวในในคิดฮอดซู้ แมนไปลี้ดอกอยู่ไส
    ก่อนปีใหม่อ้ายมาพ้อ จ่าวคำขอต่อพ่อแม่
    ตอนนี้แม๊ะบอเห็นจ้อย จั๊กไปเว้าต่อผู้ได๋
    มาลืมความเคยจ๋าไว้ ซ่างมาไล๊แท้น้อพี่
    หรือไปมีผู้ใหม่ซ้อน สาแล้วหล่ะพี่เอ้ย

  5. #5
    สาวผุนั้นเผิ่นฝากน้อง
    หญ้านางมาบอกพี่
    บ่เคยลืมอ้ายผุนี้
    ย้อนคราวกี้ก่อนหลัง
    แต่มีหวังเฮ็ดให้สู้
    บ่เคยซูซู้คนใหม่
    ใจเผิ่นมีแต่อ้าย
    เสมอด้ายเกี่ยวฟืม.
    ..เด้อจร้า อ้ายทิดจ่อย

  6. #6
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    ยามหนาวลมห่มแต่ผ้า วาสนาบ่ได้อุ่น
    อิงละมุนผิวน้องประคองเข้าแม่นบ่อนนอน
    เทียวหาเก็บตั้งแต่ไม้ มาสุมไฟก่อไว้นั่ง
    เหลียวล้อมหน้าล้อมหลัง มีแต่ควายบักเลเฒ่า มานั่งเฝ้าอยู่สุคืน
    เสียงลมดังอยู่อื้ออึ้ง สนูตึง วื้นหล่ะหวื่อ วื้นหล่ะหวื่อ
    อ้ายนอนฟังอยู่สุมื้อ มาคือบ้าบ่ได้ปัว
    คันซิเก็บเสื้อผ้า ถิ้มทุ่งนาแล่นตามเพิ่น
    กะสงสารผู้เฒ่าเอิ้นว่าบักหล่าอย่าฟ้าวหนี
    แนวมันเป็นจั่งซี้ โตอ้ายนี้ซิอดสา
    นอนหนาวลมอยู่ปลายนา ฟังเสียงซ่าสายลมเว้า
    ว่า ถ่าน้องแน่เด้ออ้าย บ่โดนซายน้องซิต่าว
    คืนมาเป็นของเจ้า คนที่น้องฮักผู้เดียว

    ถ่าโดนจน เบิดหนาวมาหลายปีแล้ว เป็นจั่งได๋อยู่น้อ

  7. #7
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17

    พบปะพูดคุย

    อ้ายเอ้ย...

    ยามหนาวลมห่มแต่หนาว คึดฮอดคราวแต่เก่าก่อน
    เทิงหัวใจที่ฮ่ำฮอน อยากสิย้อนต่าวหวนคืน
    แต่ภาระฝืนบ่ได้ หากหัวใจยังคือเก่า
    ทุกถ้อยคำที่จาเว้า สัญญาเก่ายังหมั่นคง
    ฝากสายลมส่งคำเว้า.... ยังฮักเจ้าแต่ผู้เดียว อ้ายเอย
    แก้ไขครั้งสุดท้ายโดย คนบ้านน้อกบ้านนอก; 06-02-2010 at 07:15.

  8. #8
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    คนบ้านน้อกบ้านนอก...
    น้องว่าเป็นคนบ้านนอก อ้ายอยากบอกว่าบ่ใส่ใจ
    แนวกาบ่ลืมลาย แนวทราย(เนื้อทราย)บ่ลืมหญ้า สัญญาเว้าบ่ฮ่อนหลง...ซั่นแล้ว
    คือมั่นแก่นแน่นคักแท้ อยากบอกแม่เด้ไปขอ
    ซิไปเกาขาพ่อออยเลาเอาลูกใภ้ มารอไว้ถ้าอุ้มหลาน
    คำกะหวานปานน้ำอ้อย บอกจั้กหน่อยอ้ายอยากถาม
    น้องสาวผู้คนงาม มีแฟนแล้วบ้อจ้า หรือนางหล่าว่าบ่มี...นางเอ้ย
    (มีแล้วอ้ายกะบ่ติดอก...หยอกเล่นเด้อจ้า)

  9. #9
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17

    อ้ายรอยเอ้ย
    นางเป็นคนบ้านนอก อ้ายกะบอกบ่ใส่ใจ
    น้องบ่ไคเด้ละอ้าย คนผู้ฮ่ายย่านอ้ายเมิน เด้น้อ
    วาสนาพอ กะซั่มนี้ ภาระหนี้(ธ.ก.ส)ยังเหลือหลาย
    ย่านแต่ซายหน่ายแหนง บ่เบิ่งแงงกันคือเก่า
    หากยังหมั่นคำจาเว้า เอิ้นผู้เฒ่าเด้อมาขอ อ้ายเอ้ย อิอิอิ



    (แต่งม่วนๆเด้อจ้า มีแฟนแล้วเด้อ)
    แก้ไขครั้งสุดท้ายโดย คนบ้านน้อกบ้านนอก; 09-02-2010 at 19:06.

  10. #10
    แบ่งปันความรู้และประสบการณ์ สัญลักษณ์ของ หนุ่มโพธิ์ศรีสุวรรณ
    วันที่สมัคร
    Jun 2009
    กระทู้
    44
    ธ.ก.ส ว่านั้นบ่ต้องห่วงเด้อสาว ว่าแต่ใจสองเฮาซิสอยกันประสงค์สร้าง คั่นได่แต่งกับน้องเงินทองบ่ให้ล่ำ อ้ายซิเป็นหาอ้ายซิเป็นคนเฮ็ดสร้าง ทางน้องให้ซำบาย คืนลมหนาวต่องสองแขนอ้ายซิกอด ซิให้นวลนาถน้องนางหล่าอุ่นอย่างคืน เว่ามาถึงวางนี้กะซิขออวยโค้งลาลงช่าก่อนเด้อ.. คั่นเป็นตาซิได่ซิสานไซลงไสคั่นเป็นตาบ่ได่ซิข่อนโซ่ดาวคืน ชั่นดอกหว่า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •