หนาวลมคิดฮอดน้อง

[plasak]

มีแต่ผู้คักๆ อ้ายชายเอ๋ย

[บ่าวละหาน]

ทิดจ่อย ของเอื้อยเอ้ย ..(ฮิ้วววววว จ๊ววด)

เพิ่นว่าใจประสงค์สร้างกลางทางกะว่าท่ง
ใจประสงค์ขิคร้านกลางบ้านกะว่าสวน
น้องนิแจ้งคือดาว ขาวคือฟ้า
ใสงามคือหน้าแว่น แปนผ่ามือฮับแล้ว...เชิญถ่อนผู้ประสงค์ (บึ่ย ยย)
คั่นบ่แม่นกะบ่ยิง คั่น่จริงน้องบ่เว่า
คั่นบ่เอาน้องบ่วา สิบ่เอ่ยปากข่อ มาล่อให้คิดนำ .... ดอกอ้ายเอ้ย

ปล..โอยย ผู้จอบกะดาย ฮ่าๆๆ อะปากแฮงเด้อ...เทื่อได้หมกก้อยดึกเด่ ฮิ้วว

แต่งผญาบ่ป็นแต่อยากถามสาวไก่บ้านอยู่อำเภอได๋น๊อครับ พอดีว่าเป็นคนโคราชคือกัน
สาวไก่แต่งผญาดี๊ดี ปากหวานมดไต่เลยแหม :l-:l-

[ทิดจ่อย]

สาดสายตาขึ้นแนมฟ้ามองเวหาแจ้งจ่างป่าง
เมฆาเพแตกม่างสายลมล่องเป่ากระจาย
นอนหนาวกายคนิงน้องคืนเดือนหงายแต่ใจหม่น
เป็นหยังน้อคนผู้จากบ้านปานนี้เจ้าบ่อมา
อีกหนึ่งปีแล้วเดหล่าคำสัญญาที่ล่วงผ่าน
ทรมานใจบักอ้ายผู้คอยถ่าอยู่คอง
คันแม่นนางนาถน้องมีคนครองหัวใจอุ่น
ถือว่าส่อยเอาบุญส่งข่าวคราวอ้ายบ้างว่ามีซู้คู่ครอง
พอได้ทำใจให้ลืมน้อง บ่อหวังคองให้ใจเหี่ยว
บอกคำเดียวว่ามีผัวแล้วทางอ้ายกะส่วงใจ

[chudhancock]

พี่ซายเอ๋ยน้องนี่นอนถือคิงไข่
หนาวแป๋ตายแล้วหล่ะพี่
บอได้มีไผซ้อนคืออ้ายเอ่ยมา
ทนเฮ็ดงานอยู่เมืองฟ้า
ทุกเวลาคิดฮอดพี่
อาการมีตั้งแต่ไข้
ในใจน้องทุกระทม
ยามหนาวลมแฮงเป็นฮ้าย
คิดฮอดหลายอ้ายฮู้บอ
กินยาหมอเพินจัดให้
อันไข้นั่นกะบอเซา
กลางเว็นเหงา กลางคืนเศร้า
อยากคืนเนาย์ไปหาพี่
คั่นน้องดีขึ้นแล้ว สิไปแท้หล่ะพี่เอ้ย