หนาวลมคิดฮอดน้อง

[ทิดจ่อย]

นอนอ้างว้างกลางท่งคืนลมหนาว
เสียงเกรียวกราวใบสะแบงหล่นขุ บัดลมต้อง
ฟังวังเวงคือน้องหวนมาเอิ้นหาพี่
คิดฮอดนางคนดี อยู่จั่งใด๋น้องหล่าทางเมืองฟ้าห่างไกล

ธ.ก.ส. นางนั้นบอกอ้ายไว้ ดอกมันหลายขอไกลพี่
จำเป็นอีหลีจั่งได้ลาจากอ้าย หมายหน้าเข้าสู่กรุง
ให้คอยนางอยู่บ้านทุ่ง อดทนก่อนยามนอนหนาว
จำสัญญาสองเฮาอย่างฟ้าวเอาเมียซ้อน
ถอนไถ่คืนนาท่งกว้างสิคืนมาหาพี่
จำได้ดีคำนางเคยออดอ้อนตอนฝนแล้งที่ผ่านมา

เดือนธันวาหล่ะเดหล่าที่นางไปสองปีผ่าน
ข้าวขึ้นลานนอนมุดซุ้มรอน้องสิต่าวมา
แสงเดือนดาวเจิดจ้าตาคนคอยบ่อหลับง่าย
คึดไปหลายใจอูดเอ้า หนาวจ้อยตั้งแต่กาย.....นางเอ้ย

[พลายแก้ว]

ยามหนาวลมคิดฮอดน้อง ได้แต่มองเบิ่งรูปถ่าย
คิดฮอดหลายเด้นอ นับมื้อรอสิพ้อเจ้า
อย่าฟ้าวเด้อ..อย่าฟ้าวลืมคำเว้า สองเฮาคนเว้าต่อ
เจ้าสิรอถ่าอยู่บ้าน สงกรานต์อ้ายสิต่าวคืน
ไปบุกบืนกลางกรุงก้วง ย่อนอยากล่วงผ่านความจน
เฝ้าสู้ทนขายแฮง เป็นแรงใจให้แน่น้อง
อย่าไปมองบ่าวทางบ้าน หากเพิ่นผ่านมาจา
คิดเห็นหน้าอ้ายแน่เด้อ อย่าไปเผลอนำคำล้อ
คนรูปหล่อเพิ่นมาเว้า กะอย่าฟ้าวไปหลงมัก
อย่าไปฮักไผง่ายๆ นอกจากอ้าย..แม่นผู้เดียว..เด้อหล่า

[คนบ้านน้อกบ้านนอก]

ลมหวิวหวิวพัดใบข้าว ใจนางหนาวคึดฮอดพี่
สัญญาใจที่เคยมี ใจน้องนี่บ่เปลี่ยนแปลง
ยามมื่อแลงคึดเห็นหน่า น้ำในตาผัดรินไหล
คึดฮอดดอก ธ.ก.ส. ยามใด อยากฮ้องไห่บ่ายน้ำตา ฮือฮือ...

มาม่วนนำซือๆดอก

[chudhancock]

สายลมหนาวจวนสิโม้ม เบิ๊ดหัวลมยังหนาวอยู่
หนาวในในคิดฮอดซู้ แมนไปลี้ดอกอยู่ไส
ก่อนปีใหม่อ้ายมาพ้อ จ่าวคำขอต่อพ่อแม่
ตอนนี้แม๊ะบอเห็นจ้อย จั๊กไปเว้าต่อผู้ได๋
มาลืมความเคยจ๋าไว้ ซ่างมาไล๊แท้น้อพี่
หรือไปมีผู้ใหม่ซ้อน สาแล้วหล่ะพี่เอ้ย

[หญ้านาง]

สาวผุนั้นเผิ่นฝากน้อง
หญ้านางมาบอกพี่
บ่เคยลืมอ้ายผุนี้
ย้อนคราวกี้ก่อนหลัง
แต่มีหวังเฮ็ดให้สู้
บ่เคยซูซู้คนใหม่
ใจเผิ่นมีแต่อ้าย
เสมอด้ายเกี่ยวฟืม...เด้อจร้า อ้ายทิดจ่อย

[รอย บุญเรือง]

ยามหนาวลมห่มแต่ผ้า วาสนาบ่ได้อุ่น
อิงละมุนผิวน้องประคองเข้าแม่นบ่อนนอน
เทียวหาเก็บตั้งแต่ไม้ มาสุมไฟก่อไว้นั่ง
เหลียวล้อมหน้าล้อมหลัง มีแต่ควายบักเลเฒ่า มานั่งเฝ้าอยู่สุคืน
เสียงลมดังอยู่อื้ออึ้ง สนูตึง วื้นหล่ะหวื่อ วื้นหล่ะหวื่อ
อ้ายนอนฟังอยู่สุมื้อ มาคือบ้าบ่ได้ปัว
คันซิเก็บเสื้อผ้า ถิ้มทุ่งนาแล่นตามเพิ่น
กะสงสารผู้เฒ่าเอิ้นว่าบักหล่าอย่าฟ้าวหนี
แนวมันเป็นจั่งซี้ โตอ้ายนี้ซิอดสา
นอนหนาวลมอยู่ปลายนา ฟังเสียงซ่าสายลมเว้า
ว่า ถ่าน้องแน่เด้ออ้าย บ่โดนซายน้องซิต่าว
คืนมาเป็นของเจ้า คนที่น้องฮักผู้เดียว
ถ่าโดนจน เบิดหนาวมาหลายปีแล้ว เป็นจั่งได๋อยู่น้อ

[คนบ้านน้อกบ้านนอก]

อ้ายเอ้ย...

ยามหนาวลมห่มแต่หนาว คึดฮอดคราวแต่เก่าก่อน
เทิงหัวใจที่ฮ่ำฮอน อยากสิย้อนต่าวหวนคืน
แต่ภาระฝืนบ่ได้ หากหัวใจยังคือเก่า
ทุกถ้อยคำที่จาเว้า สัญญาเก่ายังหมั่นคง
ฝากสายลมส่งคำเว้า.... ยังฮักเจ้าแต่ผู้เดียว อ้ายเอย

[รอย บุญเรือง]

คนบ้านน้อกบ้านนอก...
น้องว่าเป็นคนบ้านนอก อ้ายอยากบอกว่าบ่ใส่ใจ
แนวกาบ่ลืมลาย แนวทราย(เนื้อทราย)บ่ลืมหญ้า สัญญาเว้าบ่ฮ่อนหลง...ซั่นแล้ว
คือมั่นแก่นแน่นคักแท้ อยากบอกแม่เด้ไปขอ
ซิไปเกาขาพ่อออยเลาเอาลูกใภ้ มารอไว้ถ้าอุ้มหลาน
คำกะหวานปานน้ำอ้อย บอกจั้กหน่อยอ้ายอยากถาม
น้องสาวผู้คนงาม มีแฟนแล้วบ้อจ้า หรือนางหล่าว่าบ่มี...นางเอ้ย
(มีแล้วอ้ายกะบ่ติดอก...หยอกเล่นเด้อจ้า)

[คนบ้านน้อกบ้านนอก]

อ้ายรอยเอ้ย
นางเป็นคนบ้านนอก อ้ายกะบอกบ่ใส่ใจ
น้องบ่ไคเด้ละอ้าย คนผู้ฮ่ายย่านอ้ายเมิน เด้น้อ
วาสนาพอ กะซั่มนี้ ภาระหนี้(ธ.ก.ส)ยังเหลือหลาย
ย่านแต่ซายหน่ายแหนง บ่เบิ่งแงงกันคือเก่า
หากยังหมั่นคำจาเว้า เอิ้นผู้เฒ่าเด้อมาขอ อ้ายเอ้ย อิอิอิ



(แต่งม่วนๆเด้อจ้า มีแฟนแล้วเด้อ)

[หนุ่มโพธิ์ศรีสุวรรณ]

ธ.ก.ส ว่านั้นบ่ต้องห่วงเด้อสาว ว่าแต่ใจสองเฮาซิสอยกันประสงค์สร้าง คั่นได่แต่งกับน้องเงินทองบ่ให้ล่ำ อ้ายซิเป็นหาอ้ายซิเป็นคนเฮ็ดสร้าง ทางน้องให้ซำบาย คืนลมหนาวต่องสองแขนอ้ายซิกอด ซิให้นวลนาถน้องนางหล่าอุ่นอย่างคืน เว่ามาถึงวางนี้กะซิขออวยโค้งลาลงช่าก่อนเด้อ.. คั่นเป็นตาซิได่ซิสานไซลงไสคั่นเป็นตาบ่ได่ซิข่อนโซ่ดาวคืน ชั่นดอกหว่า