หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ฝากบอกว่า....คิดฮอด

  1. #1

    ฝากบอกว่า....คิดฮอด

    ฝากพระพายสายลมฮ้อน พัดไปป่อนความคิดถึง
    ให้ผุหนึ่งในหัวใจ ที่มื้อได๋กะคิดพ้อ
    ฮู้บ่น้อว่าทางอ้าย คิดฮอดหลายเทิ่งเป็นห่วง
    บ่มีส่วงสร่างสิ้น ถวิลน้องอยู่สุวัน
    แฮ่งคิดไปใจสะบั้น คิดถึงวันคืนเก่าๆ
    มื้อที่อ้ายกับเจ้า ได้จาเว้าแม่นต่อกัน
    จากมื้อนั้นจนมื้อนี้ หัวใจพี่ยังคงเดิม
    แนวสิเพิ่มเติมคิดถึง คณึงหลายสิตายแล้ว
    บ่ฮู้แหล่วว่าทางพี้ คิดฮอดพี่คือกันบ่
    คนรูปหล่อมาเว้าอ้อน หลอยจอบบ้อนก่อนพี่ชาย ล่ะบ่น้อ..
    อ้ายยังรออยู่เด้อหล่า อ้ายยังถ่าเธอคือเก่า
    กะสิคอยตั้งแต่เจ้า ถึงแม่นเฒ่ากะสิรอ
    อ้ายสิขอฝากนำฟ้า วายุพัดปลิวไสว
    ฝากหัวใจให้ดูแล ซ่อยเทคแคร์แน่เด้อน้อง
    ขอจับจองหัวใจเจ้า ล้อมฮั้วฮาวกั้นผุอื่น
    ทุกวันคืนในใจอ้าย ฝากบอกไว้ว่า..คิดถึง
    แก้ไขครั้งสุดท้ายโดย พลายแก้ว; 05-02-2010 at 13:28.


  2. #2
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    108
    บ่าวก๋าคามเอ้ย
    คันแมนคิดฮอดน้องให้แนมเบิ่งเดือนดาว
    สายตาเฮาสิพ้อกันอยู่เทิงฟ้า
    ปราถนาในใจน้องจองแต่บ่าวก๋าคาม
    ยามมื้อแลงนอนฝันใจกระสันแต่นำเจ้า
    ฮอดมื้อเหงาแนมเบิ่งฟ้าฝากดารามาส่งข่าว
    ว่าผุสาวคนี้คิดนำเจ้าคือกันเด้อจ้า

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายเอ้ย น้องก็คิดฮอดอ้าย คืนเดือนหงาย ได้จอบส่อง
    นั่งเหม่อมอง แลหาอ้าย หัวใจน้อง ได้คิดนำ
    ใจยังจำ คำเคยเว้า ฮักสองเฮา บอมีเปลี่ยน
    ใจยังเตือน ฮักแต่อ้าย บอเคยได้ ดอกว่าลืม
    หัวใจซึม ปนกับเศร้า ย้อนว่าเหงา เจ้าฮู้บอ
    น้องยังรอ ตั้งแต่เจ้า ไผ๋มาเว้า กะบอสน
    ดอกจ้า

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ได่แต่เหลียวเบิ่งขี่ฝ่าวาสนาบ่สมเพิ่น
    เหลียวแนมทางจนนานเนิ่น ผลาน้อยกะบ่ซู
    ซินซาตาบ่สมซู้ เลยได่ลี้อยู่ผู่เดียว..เด้น้อ
    สายแนนบ่หมั่นเกี้ยว เกี่ยวพันเอาเข่าฮ่วม
    ขัวทางอ้ายเลยบ่ข่วมต่าวข้ามก่ายมา
    ไซหลังได่กะเลยล้า ย่อนปลาน้อยบ่หลอยใส่..ซั่นแหลว
    ได่แต่หลงฝากควมไว่ ว่าจั่งได่กะคึดนำ..เด้ออ้าย

    แก้ไขครั้งสุดท้ายโดย sompoi; 06-02-2010 at 17:56.

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    มาเชียร์อ้ายนำหมู่ แฮะๆ

  6. #6
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    ตอนนี้อารมณ์นี้เลยอ้ายบ่าวก๋าคาม
    นางเอ๋ย อ้ายนี่คิดฮอดแต่หล่า วาสนาน้องสูงส่ง
    พะวงนำแต่นารถน้อง ผลาอ้ายผัดบ่ถึง
    อ้ายสลึงบ่เต็มบาท ขาดอีกหลายไทเพิ่นซ่า
    ค่าดองนางนอแสนห้า มาคือฆ่าดอกพี่ซาย
    ฆ่าให้ตายโลดคนฮู้ บ่อยากอยู่ดอกให้เห็น
    เขาผู้เป็นเจ้านาย ยศใหญ่มาจองน้อง
    เทิงเสียงกลองนอเสียงฮ้อง เสียงคนพ่อง เสียงเครื่องไฟ
    มาแสลงหูหลายอยากซิตายให้มันแล้ว
    เป็นนำแนวนอน้องหล่า เป็นสาวซ่าว่างามหลาย
    พี่ผู้หลงน้ำลาย คือหลายซายผู้มาพ้อ
    ขอซ่ำนี้เด้อผู้ข้าฯ เทวดาอย่าได้ตื่ม
    ขอให้ลืมอนงค์น้อง คนเคยจ้องอยู่เถียงนา
    ขออย่าได้สมน้ำหน้า ให้เซาซ่าว่าโง่หลาย
    แค่ซ่ำนี้กะพอตาย กะพอตายแล้วพี่น้อง โอ้ยนอ...

  7. #7
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    โอน้ออ้ายเอ้ย
    แม่นเจ้าถ่าไผ๋น้ออ้าย บ่าวพีชายบอกน้องแน
    บ่เอยนามไห่ฮู้แท้ เอาไห่แน่แนผูคอง
    ทางหล่าน้องผุครองใจดอกเป็นหนึ่ง คิดคำนึงถึงแตอ้ายพีชายเจ้ายูสูวัน
    แตหากใจน้องนี่นั้นบ่อาจปันไห่ไผ๋อื่น ยังยัดยืนคงตออ้ายพีชายนั่นวาจั่งได๋...น้ออ้ายเอ้ย




  8. #8
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    จำปาหอมน้องหล่า ลมพัดพาหัวใจซื่น
    อ้ายผู้ยืนก้ำฝากนี้จั้กซิถ่าดอกผู้ได๋...นางเอ้ย
    แนวคนเคยหายไปจ้อย เหลือแค่ฮอยดอกทางหย่าง
    ฝนตกซะกะจาง ลมพัดทางกะหายสิ้น จั้กซิดิ้นตามจั่งได๋
    เลยได้แต่อักฮ้องไห้ หลบคนไกลลี้เข้าป่า
    แต่ลมหนาวกะพัดพา อดีตมาตามหลอก พออยากกอกยาตาย...พุ้นแล้ว นางเอ้ย

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    โอ้น้ออ้ายเอ่ย
    มาเฉลยน้อคำเว้า คือซงเหงาแท้น้อพี
    สาวผุดีน้อคนนั้น ได่ผันเบียงเอียงทางหย่าง
    ปล่อยไห่ทางน้อผุอ้าย หงายฮ้องคองคอยบ่เห็นตาว
    หลบลี้ไห่ดิ้นด่าวด่าว อดีตสาวไปลับจ้อย แตฮอยนั้นกะบ่เห็น...ซั่นบ้ออ้ายเอ้ย




  10. #10
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    จั้กซ่ำได๋แล้วน้องหล้า ความเหงามาสิงโตพี่
    โทรศัทพ์กะบ่มีฮอดน้อเสียงเอิ้นเข้า แวมาเว้ากับพี่ซาย
    หมู่กะตายป๋าถิ่ม ยามได้อิ่มจั่งมาหา
    ฮอดเสียงและนกเสียงกา กะบ่มีดอกมาต้อง
    ยินแต่เสียงใจฮ้องโอดอ่วมอรทัย
    เอิ้นเป็นซื่อแขไขผู้เวินไปแต่คราวนั้น...ปานนั้นแล้วนางเอ้ย
    คือจั่งเบิดแผ่นดินนี้มันบ่มีม่องอยู่
    อ้ายอยากลองก่นฮอดฮู ลงไปอยู่สุดก้น แม่นซิม้มบ่หล่ะนาง
    หรือซิโตนลงน้ำ มุดหนีเมืองบาดาล
    ให้ความเหงาที่แล่นนำ จมลงไปเบิ้ดสิ้น กับเนื้อแม่ นธี
    หรือซิหนีขึ้นฟ้าเอาเมฆามาบังบด ความเหงาจั่งซิลดลาลงบ่เถิงฟ้า
    ว่าจั่งได๋น้อหล่าจำปาซ่อยบอกแน หากซิให้อ้ายแก่อยู่กับเหงาจั่งซี้ บ่โดนนี้เฮ็ดบุญหา...ซั่นแล้ว พะนางเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •