กำลังแสดงผล 1 ถึง 4 จากทั้งหมด 4

หัวข้อ: ดุลวัฒนธรรม

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ดุลวัฒนธรรม

    พี่น้องเอ้ย

    *ได้ยินแต่ดอกเผิ่นเว้าประกาศข่าวเป็นทางการ
    รัฐบาลลงทุนแล้วขาดดุลทางการค้า
    แต่ส่วนทางผู้ข้ามาคิดเห็นแนวแตกต่าง
    วัฒนธรรมถิ่นบ้านขอจาอ้างให้ห่อมเห็น
    * กลาย พ.ศ.สองพันห้า ประชาไทยใจเป็นอื่น พี่น้องเอ้ย
    ฝืนคองธรรมฮีตเค้าโบราณเว้าแต่เก่ามา
    หลงลืมไลคุณค่าภูมิปัญญาเคยเฮืองหุ่ง
    พากันปะปล่อยไว้ ไลลาร้างบ่อหิ่นตรอง
    พากันไปหลงย้องคองฝาหรั่งว่ามันดี
    เห็นทองเคเป็นทองดี เห็นของปลอมเป็นของแท้
    เลยลอยแพมูลเค้าไปจำเอาแต่ฝาหรั่ง
    คือจั่งโตคึดบ่อได้ไปหลงปลื้มตั้งแต่เขา
    ให้คึดเอาเด้อลุงป้าชาวประชาคิดให้ถี่
    อีสานไทยเฮายังมีดีให้ส่อยกันระรึกฮู้เก็บเมี้ยนและส่งเสริม
    วัฒนธรรมไทยในมื้อนี้อีกซาวปีสิยังบ่อ
    คันบ่อก่อสืบไว้สิเสียค่าซื่อไทย
    มีผู้ใด๋บ้างประเทศต่างยินดี
    รับเอาวัฒนธรรมไทยไปต่อเติมเสริมค่า
    อย่าสุไปหัวซาถ่อนนำเขาผู้แตกต่าง
    ปล่อยให้ของโตฮ้างเสียค้าค่าดุล
    มีแต่เสียดุลซ้ำวัฒนธรรมให้คิดเบิ่ง
    ไผผู้เห็นห่อมฮู้หาทางแก้ส่อยเหลือ.....แน่ถ่อน
    แก้ไขครั้งสุดท้ายโดย ทิดจ่อย; 08-02-2010 at 15:38. เหตุผล: พิมพ์ผิด


  2. #2
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    ได้ยินแล้วคึดฮอดคำอาจารย์หำเลาลำไว้น้อครับ "ภาษาลาวบ่อยากเว้า ไปจำเอาแต่ฝาหรั่ง จั้กทางหน้าทางหลัง เขียนจนมุ่นอุ้ยปุ้ย จั้กเขาเอิ้นว่าอีหยัง"

  3. #3
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17

    เลือกเอาแต่แนวดีเด้อ

    เว้าถึงวัฒนธรรมนี่ มันกะดีทั้งสองอย่าง
    เลือกเอาทางดีเขา ทางเฮากะบ่ฮ้างซ่อยกันส่งเสริม
    เอาบางอย่างมาต่อเติม เสริมกันให้มันดี
    เพราะว่าโลกเฮานี่ แคบถี่ขึ้นสุมื้อ
    รวมทั้งการสื่อสาร คอมพิวเตอร์ อินเตอร์เน็ต
    ถ่าแต่รอพี่ไทยเฮ็ด บัดได๋น้อสิได้ไซ้
    รึถ่าไว้ฮอดรุ่นเหลน พี่น้องเอย..

  4. #4
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    เข้ามาอ่านแล้วม่วนหลายจ้า

    ขอบคุณมากๆ เด้อจ้าที่นำเสนอแต่สิ่งดีๆๆ

    อ่านแล้วภาคภูมิใจในตัวตนคนอีสานมากเด้อจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •