วาเลนไทน์พ่ายฮัก

[ทิดจ่อย]

*หน้าอ้ายคืออีเห็นแท้บ่อหล่าจั่งบอกว่าสิปะหนี
คบกันมาหลายปีบ่อมีลางให้เห็นฮู้
ไปมักครูซั่นบ้อหล่าหรือเป็นอาเสี่ยเงินหนากะบอกอ้ายให้มันแหน่
อ้ายบ่อฮู้แท้ๆ ถึงมูลเค้าเจ้าเปลี่ยนใจ

*ฮู้ฮอดไสอายฮอดหั่น วันที่คนทั้งโลกเขา in Love
ใจพี่ชายคือจั่งดินแตกเขิบย้อนคำเว้าเจ้าสั่งลา
ส่างบ่ออดไว้ก่อนหล่ายืดเวลาพอให้อ้ายได้ทำใจแหน่
ส่างมา Serpries กันคักแท้ แทบแดดิ้นดั่นตาย

*เหลียวเห็นชายหญิงพร้อมจับมือถือแขนหย่าง
สุขสำราญซื่นห่าวหวานล้ำส่ำฤดู
แม้แต่กะเทยเผิ่นกะยังมีคู่เคียงคู่จู๋จี๋
อ้ายนี้ตี้คือจั่งคนมีกรรมน้องส่างทำลงได้
ไปสาหล่าจงไปมีสุขสาอ้ายขออวยพรส่ง
มีเหล้าขาวได้นั่งก้ง ย่างหนูพุกเป็นกับแกล้มอวยพรน้องก่องน้ำตา

*ฟังเสียงลมพัดซ่าหรือลมส่าคนอกหัก
ฮักแต่เธอคนเดียวป่องสิไปบ่อมีแล้ว
เสียงแซวๆ คนโฮฮ้องฉลองว่าเลนไทน์อยู่วึ่นหวึ่น
คนผิดหวังนั่งสะอื้นคือค่าแค้นอยู่หว่างคอ

[พลายแก้ว]

มาเว้าเป็นตาหลุโตนแท้..ทิดจ่อย :b-b เอาสั่น บ่าวมาฝากครับ


วาเลนไทน์ทางพี้ บ่เคยมีว่าสิได้ ดอกไม้นำเขาจักเทื่อ
มีตั้งแต่ดอกเบี้ย มาเฟียข้างอยู่หยั่งเว็น...ทิดจ่อยเอย..

[ทิดจ่อย]

ขอบคุณหลายๆ ครับบ่าว สำหรับมิตรภาพกุหลาบแดงปลอบใจคนอกหัก พร้อมเบียร์อีกหนึ่งแก้วฉลองความพ่ายแพ้ ฮือๆๆๆๆๆๆ

[aoxlee]

เหตุการณ์ซางคือคล้ายผมแท้ล่ะ หัวอกเดี๋ยวกันเลย
ใช่สิเฮามันรูปบ่หล่อ พ่อบ่รวย หนี้สินมีพอประมาณ

[พลายแก้ว]

ขอบคุณหลายๆ ครับบ่าว สำหรับมิตรภาพกุหลาบแดงปลอบใจคนอกหัก พร้อมเบียร์อีกหนึ่งแก้วฉลองความพ่ายแพ้ ฮือๆๆๆๆๆๆ

ทิดจ่อยเอ้ย...อย่าเสียใจไปเถาะเจ้า แนวคำเว้าของสาวส่า
หากแล้วแต่วาสนา คันผลาซ่อยยู่ มีอยู่ดอกผุสิแงง
หากแม่นบุญเจ้าสิแล้ง หมู่มวลแมงบ่มาไต่
อย่าฟ้าวคิดเสียใจ ยังอีกหลายอยู่ดอกหว๋า ประสาหม่องแม่น..The girls.

แตกซวดๆ ยุทิดจ่อยเอ้ย...มื้อวานไปส่อนได้ข่องนึงพุ้น... หลายปานฮวกก ฮ่าๆๆๆๆๆๆๆๆ