-
ศิลปิน นักแต่งผญา
บาดนี้..สิอธิบายพอเห็นแจ้ง แถลงการณ์สืบสานต่อ
ไขหัวข้อกล่าวไว้ ตามที่ได้ฮู้เฮียนมา
อันว่า..ผลาญหินนั้น คือดั่งกันกับบาตรพระ
เสียสละใส่บาตรไว้ คุณโณได้บาดเทื่อลุน
ข้อสองเจ้าอย่าคิดว้าวุ่น ให้ฆ่าพ่อตีแม่
อุปมาธรรมเพิ่นแก้ พ่อแม่นี้คือตัณหา
เป็นแนวพาให้เกิดก้ำ เวียนใช้กรรมตามวัฏฏะ
เพิ่นให้ละสังหาร อย่าสะพันพัวเกี้ยว
ข้อสามความขี้เหนียวนั้นตามยู้ เป็นดั่งหมู่เดียวกัน
ไผแบ่งปันเสียสละ คนสิมาโฮมท้อน
ข้อสี่ให้นอนดินเกือกหญ้า มีมานะพยายาม
ผลสิตามเป็นศรี ผู้มั่งมีเศรษฐีโก้
โสให้อดอาบน้ำ ยามหนาวเด้อเพิ่นว่า
ข้อที่ห้าว่าไว้ ให้เฮานั้นอดทน
ผลที่ตามส่งซ้น ความอดทนที่ได้กล่าว
ความสำเร็จเป็นของเฮา ความหนาวหายมลายสิ้น เสมอด้ามดั่งกัน
ข้อที่หกว่านั้นเพิ่นให้หมั่นภาวนา เป็นมรรคาสู่นิพพาน อันพระพุทโธเว้า
ส้มปลาขาวคือว่านี้ ผู้อยากมีให้เข้าป่า ผุข่าได้ศึกษามาท่อนี้ เห็นดีด้วย สาธุนำ..สาแหล่ว
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks