หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: เซียงเหมี่ยงฯ พาไปหาปลาครับ...

  1. #1
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829

    เซียงเหมี่ยงฯ พาไปหาปลาครับ...

    ปีที่แล้ว พาพี่น้องไปจอบบ้อน ได้ปลาข่อน้อยมาโตนึง กับ ปลาเข็งน้อยอีกสองโต ปีนี้เซียงเหมี่ยงฯ กะยังบ่เข็ด ไปลงน้ำหาปลาอีกครับ พ่อตี๋บ้านลิ้นฟ้าเผิ่นมาเอิ้นอยากให้ไปกินปลานำกันย่อนฮู้ว่าเซียงเหมี่ยงฯ มักทางนี้เนาะ ปีนี้เปลี่ยนสระ ปีที่แล้วสระพ่อใหญ่น้องออมสินบ่หมานเนาะครับ ฮ่า ๆ :ฃ:)...
    อวนผืนเก่าของปีที่แล้วที่บ่ได้ปลานั้นล่ะครับลองเบิ่งใหม่ ถ้าคราวนี้ยังบ่ได้ปลาอีกคือสิได้เอาไปล้อมเล้าไก่แทนแล้วล่ะครับ...
    เริ่มกางอวนครับ...
    เซียงเหมี่ยงฯ พาไปหาปลาครับ...

    บาดแรกกะบ่ได้คือเก่า ปลากระโห้โตใหญ่เข้าอวนแล้วแต่ว่าเห็นโดดออกต่อหน้าต่อตา คาดว่าตัวบ่ต่ำกว่า สามโล(ปลาหลุดเผิ่นว่ามันมักซิใหญ่กว่าความเป็นจริงเสมอฮ่า ๆ) เที่ยวแรกบ่ได้จักโต อวนผืนนี้มีแววได้ล้อมคอกไก่อีหลีเด้อ....

    เซียงเหมี่ยงฯ พาไปหาปลาครับ...

    รอบที่สองให้โอกาสอวนเป็นเที่ยวสุดท้ายถ้ายังมักสิเป็นอวนหาปลากะต้องทำหน้าที่ ถ้าอยากเปลี่ยนหน้าที่ไปล้อมคอกไก่กะปล่อยปลาหลุดอีกเด้อ มีการขู่อวนอีกครับ ฮ่า...
    ทีนี้พอได้อยู่ครับ สงสัยย่านได้ไปกางล้อมเล้าไก่...
    ได้ปลาหยังแหน่ตามเซียงเหมี่ยงฯ มาครับ...

    เซียงเหมี่ยงฯ พาไปหาปลาครับ...

    จาระเม็ดน้ำจืดครับ กำลังเป็นตาแซบ...

    เซียงเหมี่ยงฯ พาไปหาปลาครับ...

    ปลากระโห้ ปล่อยไว้สามปีแล้วครับ ขนาดน้อยกว่าตัวที่หลุดอวนเที่ยวแรกหลายเติบ...

    เซียงเหมี่ยงฯ พาไปหาปลาครับ...


    ชัด ๆ ครับ กระโห้ เซียงเหมี่ยงฯ เพิ่งเคยจับกระโห้ได้คือกันครับ...

    เซียงเหมี่ยงฯ พาไปหาปลาครับ...

    พอได้กินอยู่ครับ....

    เซียงเหมี่ยงฯ พาไปหาปลาครับ...

    เต็มครุถังเลยครับ อวนกะเลยได้ทำหน้าที่ของอวนหาปลาต่อไปบ่ได้เป็นตาข่ายล้อมเล้าไก่ฮ่า ๆ ...

    เซียงเหมี่ยงฯ พาไปหาปลาครับ...

    บ่ทันได้เอาปลาไปเฮ็ดกิน แม่น้องออมสินโทรมาบอกว่าให้มาอยู่กับลูกแหน่ ใสว่าคิดฮอดลูก กลับมาพักเถื่อได๋ มีแต่ไป ๆ กับไป นี่บ่คิดฮอดลูก กลับมาเดี๋ยวนี้เด้อ...
    ฮ่วย ปลากะยังบ่ได้กินซ่างสิมาเอิ้นกลับบ้านแท้ แต่ว่าด้วยความที่คิดฮอดน้องออมสินกะเลยต้องฟ่าวกลับตอนนั้น บ่แม่นย่อนแม่น้องออมสินเอิ้นดอก ฮ่า ๆ ...
    จักหน่อย เผิ่นเอากระโห้ผ่าเคิ่งมาส่งฮอดบ้าน แลงนั้นกะเลยได้นึ่ง เนื้อกระโห้โตใหญ่ ๆ นึ่งใส่ผัก แซบ ๆ ครับ แต่ว่าบ่มีรูปเมนูมฝากเด้อครับกล้องแบตหมด....
    แก้ไขครั้งสุดท้ายโดย เซียงเหมี่ยงเมืองสุรินทร์; 19-02-2010 at 06:31.

  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    กระโห้//เป็นตาลาบและก้อยแซบเน๊าะเซียงเมี่ยง... อันว่า แม่น้องออมสิน คือมาเป็นตาจ่มเก่งแท้.... อิอิๆๆ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  3. #3
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    อ้ายเซียงเมี่ยงก้อย แช่บ ๆ สู่น้องเขมกินแหน่ค่ะ

  4. #4
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    ก้อยๆๆๆเห็ฯด้วยขอนำจักจานอ้ายเซียงเมี่ยง

  5. #5
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    แม่นคิดฮอดน้องออมสินรึว่าย้านแม่น้องออมสินกันแน่อ้ายเซียงฮ่าๆๆๆๆๆๆๆๆหยอกเล่นเด้ออ้าย
    นึ่งปลากะแซบแหล่วอ้าย เสาร์นี้ผมไปซิดเบ็ดก่อนน๊ะเอาปลานิลมานึ่งก่อนดอกเด้ออยากคือกัน
    หล่อคืออ้าย กินข้าวบายกบตั๋วะหล่า

  6. #6
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    โตใหญ่อีหลีเนาะครับ จั่งแม่นหมานคัก

  7. #7
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912
    อุ๊ป้าดโธ ปลากะโห้คือโตใหญ่แท้คับท่านเซียงเหมี่ยงฯ เฮ็ดแนวได๋กินน้อ ถ่าเบิ่งอยู่เด้อ ปีนี้ไคแหน่อยู่เนาะ หาปลาหมานกั่วปีกลายอยู่ 55

  8. #8
    ร่วมถ่ายทอดความรู้สู่สังคม สัญลักษณ์ของ ทอง
    วันที่สมัคร
    Jun 2009
    กระทู้
    300
    ป้าดดดดดเฮ็ดบาปขึ้นเนาะครับ
    ได้หลายยุตั้วละ
    แก้ไขครั้งสุดท้ายโดย ทอง; 19-02-2010 at 11:29.

  9. #9
    ศึกษาหาความรู้ สัญลักษณ์ของ ซา_สารคาม
    วันที่สมัคร
    Nov 2009
    กระทู้
    24
    ก้อยคับ เอิ้นแหน่เด้ออ้าย

  10. #10
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    584
    บล็อก
    3
    หมานๆๆๆๆๆๆๆๆๆครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •