ธุจ้าธุจ้าธุจ้า
สุขสวัสดีท่านฯ สาธุการพร้อมผ่ำ
ภาระกรรมเรียบร้อย จั่งเห็นก้อยต่าวมา
คอยคือฝนบาดหล่า ไฟไหม่ป่าจั่งเห็นหนู
ยังเชิดชูคือครูบา เป็นผลาบุญล้น
ปัญญาชนคนกล้า ปราชญ์บ้านป่าเพียงดิน
ยังถวิลถามหา บ่สร่างซาเด๊อท่าน
ธุจ้าธุจ้าธุจ้า
สุขสวัสดีท่านฯ สาธุการพร้อมผ่ำ
ภาระกรรมเรียบร้อย จั่งเห็นก้อยต่าวมา
คอยคือฝนบาดหล่า ไฟไหม่ป่าจั่งเห็นหนู
ยังเชิดชูคือครูบา เป็นผลาบุญล้น
ปัญญาชนคนกล้า ปราชญ์บ้านป่าเพียงดิน
ยังถวิลถามหา บ่สร่างซาเด๊อท่าน
แก้ไขครั้งสุดท้ายโดย pcalibration; 25-02-2010 at 08:11.
ปีหน้าบ่พลาดแม่นบ้อครับใหญ่ศรี งานบุญบ้านเฮาน่ะ
หล่อคืออ้าย กินข้าวบายกบตั๋วะหล่า
สิบนิ้วน้อยๆ ค่อยกราบนาบอกศรี เกือบขวบปีจังโงโค้ง แม่นต่าวคืน..
พี่น้องเฮือนมหา โจดจ่มหา หว่าอาจารย์ศานสะที้ หนี้ไปไส
แม่นแล่นนำสาวซำน้อย หรืองานเวียกภาระหลาย บ่น้อ..
จังบ่ส่งข่าวให้ฮู้ พอซิได้คึดต่อนำ...ซั่นแหล่ว
อั่นเรื่องแอวซงปีนี้ หนักกว่าเก่าเด้ออาจารย์
ย้อนหว่าม่วนลืมเฒ่า เห็นพี่น้องมางานหลาย
ย่าวหน้าฮ้านกับยายซิง ถือคิงไข้ไปหลายมื้อ อยู่ตั๊วท่าน..
อาจารย์ศรีฯ กับอาจารย์โจ่โล่ ว่าแม่นลาวไปใส ว่าแม่น ปะถิ่มบ้านมหาไปแล้ว บัดได๋แท้มีภาระยากยุ่งนำการงานน้อครับ ขอบคุณหลายๆ ที่กลับมาวาดวาทะคมคายเหมือนเดิม ปล่อยให้น้องหน่งลูกศิษย์ลูกหาหย่องบ่างกัน จักคือบ่อคือกะบอกสอนเอาเด้อครับอาจารย์ อิ อิ อิ
คิดฮิดคิดถึงคือเก่าครับ อาจารย์ศรีสะท้านและ อาจารย์โจ่โล่
ซำบายดีอาจารย์เว้า ถามข่าวพาแลง
มีแฮงอยู่ซำบาย ทักทาย มหาบ้าน
ถามถึงงานพาแลงพ้อม แน่นอั่งมวลชน...อยู่แหลว
บ่อึดแนวมางัน คือกันกับปีกี้
ขาดหากแต่ปีนี้ บ่มีแคนแอวไว
ว่าแม่นเสียไปไส ว่าหมอแคนศรีสะท้าน
ได้ยินงานบ่แล้ว กะดิกกายแสนยาก
เหมิดความปากคั่นสิเว่า แนวเฒ่าว่ายากหลาย...พะนะ
ถามเรื่องแอวเว็ปมาสเตอร์ คักอยู่เด้อเห็นเพิ่นฮ่อน
ลุกขึ้นห้าวหย่าวฟ้อน รำต้อนแต่ผุสาว...พู่นแหลว
(ไปด่อก ผญาพออึยึอะยะ ฮ่าๆ)
สบายดีครับอาจารย์พี่ มาสวัสดีกะมีแฮง อิอิ
ธุจ้า
ปล. รสชาดก้อยเทเวศ ยังติดปากระหว่างลิ้นอยู่บ่เซาพี่เอ่ย :l-
สุดยอดไปเลยคับ
สุขสบายดีน้อท่าน นางได้ผ่านเข้ามาเห็น
ความจำเป็นบ่ได่มา ฮ่วมเฮฮาพาแลงเค้า
หมู่เผิ่นเว้าอาจารย์เก่าคลองผญา บ่ได่มาม่วนนำหย้อนจำเป็นเวียกก่าย...ซั่นบ้อ
บ่เป็นหยังดอกน้อท่าน ปีนี่ผ่านงานม่วนดี
ปีหน่าคงโอกาศมี ม่วนฤดีศรีจารย์ท่าน
ทางเวียกงานการเกี้ยว ไห่เหลียวแลไว้สาก่อน
งานเสร็จแล้วจั่งค่อยย้อน กลับมาห้องแห่งมหา..เด้อทานเอ้ย
Bookmarks