กำลังแสดงผล 1 ถึง 9 จากทั้งหมด 9

หัวข้อ: ...ใจบ่มักดี...

  1. #1

    ...ใจบ่มักดี...

    ย่อนว่าใจเคยเจ็บช้ำ ถืกกระทำซ้ำบ่อยๆ
    เคยสะหวอยมาหลายแล้ว ฮอยแป้วนับบ่ไหว
    ทางหัวใจจนตายด้าน ผ่านความเจ็บจนเย็นชา
    เสียน้ำตามาหลายหน ย่อนถืกคนนั้นลวงล่อ
    จนมาพ้อพบนาถน้อง ผุงามค่องดั่งอัปสร
    ผุมาทอนทดความเหงา ให้บรรเทาจากใจอ้าย
    คนแป๋ตายมาหลายครั้ง บ่คิดหวังดอกนางเอย
    ผัดเผลอเปรยจาออกไป เฮ็ดให้ใจเธอเจ็บช้ำ
    ด้วยน้ำคำของบักอ้าย กับหัวใจบ่มักดี
    ให้เธอมีแต่น้ำตา ด้วยวาจาตาซังฮ้าย
    ขออภัยอ้ายแน่หล่า ถือซะว่าหมามันเห่า
    อย่าถิ่มอ้ายไปเด้อเจ้า อ้ายขอเว้าวาทว่าวอน
    ขออุทรณ์อีกสักครั้ง อย่าฟ้าวซังอ้ายเด้ออุ่น
    ให้ถือว่ามาเอาบุญ พร้อมขอบคุณล่วงหน้า อภัยให้คนบ้า..แน่เด้อนาง...


  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    โอ้ยคะน้อยเหมื่อย....จักสิหลูโตนจักสิหัวร่อผญาเผิ่น...เอ้าว่าไปโลดอ้ายเอ้ย

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    เป็นอันใดน่อคุณพี่ คือทำที่คือถึกว่า
    หรือถึกสาวเพิ่นต่อว่า คือทำหน้าบ่เสบย แทะน่อ .....


    ฮิ้ววว ...ว่าไปๆมาส่งกำลังใจให้คือเก่าเด้อจ้า

  4. #4
    แบ่งปันความรู้และประสบการณ์ สัญลักษณ์ของ หนุ่มสกลคนร้อยเอ็ด
    วันที่สมัคร
    Sep 2009
    ที่อยู่
    sakonnakhon
    กระทู้
    55
    คักอยู่ครับ โดนครับโดน... อิอิ

  5. #5
    [CENTER]เทิงอยากฮ้องอยากไห้ แนวว่าใจมันอุกอั่ง
    นางบ่ฟังคำข่าวข้อ ถามส่อเรื่องผ่านมา
    มีแต่ว่าสิลาม้าง ถอยห่างจบกันที
    ตั้งหน้าตาแต่สิหนี จากพี่ชายนี้ไปแล้ว
    ฟังยามได๋ใจกะแป้ว ปานมีแนวมาทิ่มถั่ง
    น้ำตาหลั่งพังย้อย สะหวอยล้มท่าวลง
    คงเหมิดหวังแล้วทางอ้าย ปานสายน้ำบ่คืนกลับ
    คงแบกรับความเหงา กอดเข่าซึมน้ำตาย้อย
    คำว่าคอยบ่มีค่า ดูเหมือนว่าเป็นอดีต
    ย่อนความผิดเกินอภัย เฮ็ดให้นางต้องห่างอ้าย
    แม่นเจ็บหลาย...อ้ายสิทนเอาดอกหล่า ให้สาสมกับความปึก
    ถึงว่าในใจลึกๆ สิสะอึกสำลักช้ำ กะตามอ้ายอย่าได้แคร์
    ย่อนเส้นทางของคนแพ้ อาจขี้แยเป็นบางเทื่อ
    คนบ่เหลือหยังจั่งอ้าย คันตายแล้ว..ส่งข่าวหาดอก..CENTER]
    แก้ไขครั้งสุดท้ายโดย พลายแก้ว; 26-02-2010 at 18:50.

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    อุกใจแทนอยู่ หลอยๆๆ

  7. #7
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    108
    เว้าอยู่เดียวนี้ แมนคนบ้าตั๊วซั่น

  8. #8
    บ่อยากบอกดอกหล่า ว่าศรีธัญญากะเคยแว่
    แม้แต่หมอกะส่ายหน้า ว่าชายพี่นี่ป่วงแฮง
    หลังคาแดงกะเคยเข้า ได้ยินข่าวหม่องได๋ดี
    คนๆนี้ไปมาเหมิด หากแต่ปัวบ่ทันได้
    เลยอยู่ไปจั่งซี้แหล่ว เป็นป่วงๆ แป้วๆคนแซวส่า
    คันผุได๋บ่ย่านบ้า เชิญมาโลด..มาอยู่นำ..


    มาโลดมาอยู่นำกันโลด ฮ่าๆๆๆๆๆๆๆ

  9. #9
    ซังเด้..ใจดวงนี้ บ่มักดีเลยจักเทื่อ
    ซ่างมาเฟือแฝงเฝ้า นำคะเจ้าอยู่สุวัน
    เทียวแอบฝันน้อยๆ กะหลงพลอยให้ใจซื่น
    ความเป็นจริงกล้ำกลืน ใจยังบืนไปมักเจ้า แม่นสิเศร้ากะบ่แคร์
    ซ่างมามึนน้อคักแท้ จำไว้แน่เด้อหัวใจ
    เฮานั้นไกลกันเหลือแสน ตำแหน่งแฟนเพียงฝันฮ้าง
    แนวหนทางขนานคู่ บ่อาจอยู่เฮียงสอง
    บ่อาจคลองคู่กัน บ่มีวันสิเป็นได้
    ฮักส่ำได๋เตรียมใจเศร้า รับความเหงาความว้าเหว่
    มื้อใจเพพังพ่าย ทำใจได้อยู่บ่น้อ
    กะซ่างเถาะเนาะหล่า ถึงแม่นว่าใจสลาย
    ถึงสิตายย่อนฮักเธอ พร้อมเสนอสนองซ้อน
    ขอเพียงตอนนี้อ้าย ฮักหลายๆอยากบอกข่าว
    ถึงสิพบร้อยความเหงา พันความเศร้ามาล้อม สิยอมรับแม่นผุเดียว...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •