กำลังแสดงผล 1 ถึง 7 จากทั้งหมด 7

หัวข้อ: ซ่างมาเป็นแนวนี้..นอ

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ซ่างมาเป็นแนวนี้..นอ

    นั่งอยู่เถียงนาน้อย ใต้ฮ่มข่อยหม่องหลอยหลับ
    มื้อนี้กลับหลับบ่ลง ย่อนพิษสงของความฮ้อน
    หม่องเคยนอนมาซ่างเอ้า ดุจดั่งเอาไฟลนจี่
    ลมบ่มีแดดกะจ้า จนตาพร่าพร่างมัว
    จนปวดหัวตัวกะฮ้อน คิดสะออนฤดูเปลี่ยน
    ซ่างหมุนเวียนต่างกี้ หนีจากเค้าเก่าเดิม
    หญ้าเคยเขียวกะมาเริ่ม สิแห้งเหี่ยวเฉาตาย
    หน้าหนาวหายเหือดไป กลายมาเป็นฤดูฮ้อน
    วัวแม่ลูกอ่อนเคยเล็มหญ้า ข้างเถียงนาเข้าเซาฮ่ม
    ให้วัวน้อยกินนม ยืนเบิดเจ๊อะเบิดเจ้ย เงยหันหน้าใส่เจ้าของ
    ฤดูกาลบ่ถืกต้อง ต่างหันมองหม่องสิอยู่
    คิดไปแสนอดสู ขอให้หมู่คิดเอาถ่อน ว่าโลกฮ้อน หรือ คนฮน..ท่านเอย...

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    :heart::1-c06:c06:มาแล้วจ้า หาป่องเข่าบักโดน บ่มีแนวมาฝากเก้อจ้า มีตะควมคึดฮอดหาบม่ให่สองกะต่าใหญ่ ย่างหาตั้งโดนฮ้อนแดดกะฮ้อน แต่บ่เป็นหยัง มาฮอดบ้านอ้ายนางกะดีใจหลาย ไปแล้วเด้อจ้า ยามว่างสิแวะมายามใหม่จ้า

  3. #3
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ฮ้อนแดดฝนทนอยู่ได้
    ฮ้อนหัวใจบ่พออยู่
    ฮ้อนฤดูมีแต่เอ้า
    ฤทัยเศร้าฮ้อนกว่าหยัง.
    ...เด้เนาะจ้า อ้ายบ่าว

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ดวงตะเว็นเด่นกลางฟ้า ส่องแสงทาลงทางลุ่ม
    ซุมหมู่มวลแมกไม้ ผลัดใบแล้วกะหล่นขู๋
    พระพายุโหมพัดพลิ้ว ใบไม้ปลิวลิ่วละล่อง
    หล่นลงกองอยู่กับพื้น ผืนดินแล้งหญ้าแห้งตาย
    ใบเริ่มหายไปจากต้น รอน้ำฝนสิแตกใหม่
    จักอีกดนปานได๋ พิรุณไหลลงสู่พื่น คงความชื้นฟื้นซุ่มเย็น
    ซ่างมาเป็นคือใจอ้าย หยับโยกย้ายไปฝ่ายเหงา
    ได้แต่เฝ้าคนิงนำ ฮ่ำฮอนบ่มีแล้ว
    แนวว่าไกลกันจนเยิ้น หนทางเดินนั้นสุดกู่
    ได้แต่อยู่กับความเศร้า กับใจเว้าว่า..คิดถึง
    ยังเป็นหนึ่งในใจพี่ ทุกนาทีที่ล่วงผ่าน
    บ่เคยอันตรธาน จินตนาการยังคิดฮอด จนว่าซอดออกทางตา
    กลายเป็นธาราย้อย ค่อยๆรินเป็นสินธุ์มาร์ค
    ไหลออกจากทางใน ท่วมหัวใจจนไหลล้น
    คิดฮอดคนแฮงปานนี้ บ่เคยมีแบบนี้...เลยจักเทื่อ
    ซ่างมาเหลือใจเอาฮ้าย สิตายดิ้นย่อนคิดนำ
    ข้าวจักคำกะบ่ต้อย จุกคอหอยย่อนใจฟก
    กินแต่น้ำใบบัวบก พอให้อกได้ฟื้น บืนรอยื้อ...มื้อเจ้ามา หล่าคำเอย..

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แสงแดดจ้า สาดส่องเพลิงพะยับ
    พรึบพรับแสง แพไพพวยพุ่ง
    ธุลีคลุ้ง ยามลมโบยโบก
    โยกเยกย้าย ปลายไม้โอ่นเอน
    เป็นฮ้อนๆ เฮียมแฮ่งฮนแฮง
    หายาปัว เหตุฮนบ่มีได้
    ฮ้อนฮ่างฮ้าย ฮ้อนใจฮุ่มๆ
    ซุมเหตุฮ้อน บ่ล้นลื่นใจ แท้แหล่ว..



    ลองแบบนี้เบิ่ง ขอรับพี่น้อง
    แก้ไขครั้งสุดท้ายโดย พลายแก้ว; 01-03-2010 at 07:57.

  6. #6
    Super Moderator สัญลักษณ์ของ หมูน้อย
    วันที่สมัคร
    Jul 2007
    ที่อยู่
    เหนือสุดในสยาม
    กระทู้
    1,977
    บล็อก
    17
    แต่งแนวได๋ก็ม่วนเนาะท่านบ่าวก๋าคาม

    หลอยมาจอบอ่านเอาดอก

    อิอิอิสิฝึกเขียนๆๆนำผญาอ้านเผิ่นนิละ..


    หมายเหตุ.. ศัพท์อีสานแท้บางคำ..ทับศัพท์ภาษาไทยให้ด้วยก็จะเยี่ยมมากเลยค่ะ

    ขอบคุณค่ะ.คริๆๆๆๆ
    "รัก" และ "กำลังใจ" ฉันมีไว้เพื่อแบ่งปัน

  7. #7
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17

    พบปะพูดคุย

    สายลมโบยโบกพัด สะบัดไหว
    ปลายยอดไม้เอนไกวกวยแกว่ง
    ลำต้นยืน หมั่นคงต้านลมแฮง
    ฝังฮากลึก บ่กวัดแกว่ง ตามแฮงลม...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •