ของหวานไทยๆอีกแล้วจ้า
สูตรบ่ตายโต กะเอาตามจำนวนคนกิน เผือกนึ่งสุกถิ่มไว้ให้เย็นหั่นเป็นชิ้น ฟักทองหั่นนึ่งสุก
ขนุนสุกหั่นเส้น แตงไทยหันเป็นชิ้น
แป้งมันกะเอาโลดจ้า ติ๋มกินคนเดียวเลยบ่ตวง นวดแป้งกับน้ำฮ้อนจนนุ่ม แบ่งออกเป็นสามส่วน
แล้วใส่สีผสมอาหารตามชอบ เอาขวดน้ำกลิ้งให้แบน หั่นเป็นเส้นต้มในน้ำเดือดให้สุก
ตักขึ้นแช่น้ำเย็น
น้ำเชื่อมติ๋มใช้น้ำตาลตะโหนดกะเลยออกสีตุ่นๆบ่ใส เติมกะทิใส่เกลือนิดหน่อยใส่ฟักทอง+เผือก ถิ่มไว้ให้เย็น
ใส่โตลอดช่อง ขนุน แตงไทย ตักใส่ถ้วยถ้ามักเย็นๆใส่น้ำแข็งทุบจ้า ง่ายๆลองเฮ็ดกินเบิ่งเด้อพี่น้อง
Bookmarks