หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ลาบแง้

  1. #1
    bandit
    Guest

    ลาบแง้

    บัดนี้กะมาฮอดรายการลาบแย้ แล้ว ลาบสัตว์เลื้อยคลาน ตระกูลเดียวกับ ไดโนเสาร์

    ก่อนอื่น เฮาต้องไปหาแย้มาสาก่อน บ่อต้องเอาหลายดอก จัก เจ็ดแปดโต กะพอ ถ้าเป็นยามฝนตกใหม่จั่งซี่ ไปหาขุด ไล่เอากะได้บ่ยาก ฝนตกใหม่ๆจั่งซี่ แย้ มันสิผุนฮู หรือผันฮู เกี้ยงม่อยล่อย เป็นที่สังเกตุได้ง่าย ว่าฮูได๋เป็นฮูแย้ บ่แม่นฮูจิโป่ม บ่แม่นฮูแมงเงา แย้โตผู้สิฮูใหญ่ๆเกี้ยงๆบ่มีขี้ขวย ส่วนแย้โตแม่ฮูสิมีขี้ขวยจักหน่อย เอ๋า..ฮู้ได้จั่งได๋ว่าโตได๋แย้ผู้ โตได๋แย้แม่ วิธีสังเกตุกะคือ แย้ผู้สิมีลำโตใหญ่ ล่ำสัน แถบสีข้างลำโต สิสีสดใส มีสีแดงสดใส แถบดำกะดำงาม ส่วนแย้แม่สิโตน้อยกว่า แล้วกะแถบสีอยู่ข้างลำโตสิสีซีด บ่ค่อยงามส่ำแย้โตผู้

    การไปไล่แย้ ควรสิไปนำกันจัก สอง สาม คน ยามก่นแล้วแย้แล่นออกแปวสิได้ลัดซ่อยกัน เอาหนังสะติ๊กไปนำเด้อ ลังเทือแย้มันแล่นเข้าพุ่มไม้สิได้ยิงเอา เอาเสียม ดวงเข้าๆจักหน่อย สิได้ก่นง่าย การย่างไปหาไล่แย้ เฮาต้องเหลียวมองไกลๆ มองไปข้างหน้าจัก 50-100 เมตร ถ้าเห็นแย้แล่นเข้าฮู กะไปก่นเอาเลย ถ้าผู้ได๋เหลียวแต่อยู่ไกล้ๆ สิบ่เห็นว่าแย้มันแล่นไปทางได๋ เพราะแย้มันหูดี ได้ยินเสียงคนย่างตั้งแต่ไกลๆ มันแล่นหนีเหมิด

    เวลาก่นแย้ กะต้องก่นอย่างระมัดระวัง เพราะแย้มันแล่นไว บางโตกะแล่นออกแปว ต้องแล่นไล่อีก บางโตกว่าสิได้ต้องขุดตั้งหลายฮู แต่มีอีกวิธีหนึ่งที่ใช้หาแย้ โดยบ่ต้องก่นบ่ต้องไล่ กะคือไปห่างเอา อั่นนี่กะดีคือกัน

    พอเฮาได้แย้มาแล้ว ถ้าได้หลายกะเอามาขังไว้เฮ็ดกินมื่อลุน หรือบ่กะเฮ็ดแนวกินหลายๆอย่าง นอกจากลาบแล้วกะอาจสิปิ้งกินเลย หรือ หมกแย้ใส่ดอกกะเจียว หรือ ผัดเผ็ดใบกระเพรา กะแซบหลาย

    ส่วนการเฮ็ดลาบแย้ นั่นมีวิธีการลาบ ดังนี้

    1.เอาแย้มาเคาะหัว ให้มันสิ้นชีพ แล้วกะเผาไฟ พอให้เกล็ดมันไหม้ จักหน่อย บ่แม่นเผาให้มันสุกเด้ หลังจากนั้นกะเอามาผ่าท้อง แบ๋ขี้ ออกให้เรียบร้อย ล้างน้ำให้สะอาด

    2.เอาแย้ที่ล้างดีแล้ว มาใส่หีบ ย่างไฟให้มันสุก แต่บ่ต้องเอาแห่มหลาย เอาพอหอมๆ พอสุกแล้ว เอามาฟักให้ละเอียด แล้วกะเอาใส่ครกตำให้กระดูกมันมุ่น และเนื้อมันพุจักหน่อย

    3.ต้มน้ำใส่ปลาแดกจักหน่อย เอามาคนใส่แย้ที่ฟักไว้ ระวังอย่าสะคนน้ำหลาย เดี๋ยวน้ำมันหลายโพด มันสิบ่แซบ

    4.คั่วข้าวคั่วตำใหม่ๆหอมๆ ตำแจ่วผงหอมๆ แล้วกะเทใส่ อย่างละพอประมาณ บีบบักนาว หรือบักเว่อร์(อันนี่จักว่าสิเขียนว่าจั่งได๋ ให้เข้าใจว่าบักเว่อ กะแล้วกัน) ใส่ให้มันส้ม คนให้เข้ากัน

    5.ซอยหัวผักบั่ว ผักชีหอม ต้นหอม ใส่ลงไป แล้วกะที่ขาดบ่ได้ กะคือซอยใบบักเว่อร์ ใส่จัก สองสามใบ อาหารประเภทลาบของชาวอีสานเฮา ถ้าขาดความหอม ของใบบักเว่อร์ มันบ่ครบสูตร

    6.คนให้เข้ากันแล้วกะซีม เบิ่ง ถ้ายังบ่ทันแซบกะปรุงแต่งรส ตามต้องการ ถ้าแซบแล้ว กะตักใส่ถ้วย หาพาข้าวลงกิน

    ผู้ลังคนกะลวกผักแก่นส้ม-แก่นขม รอแล้ว มา..มา..มากินข้าวกับลาบแย้ นำกันเด้อ?.


  2. #2
    noyinsweden
    Guest

    Re: ลาบแง้

    หน้าตาแย่มันเป็นจั่งไดน้อ บ่เคยพ้อบ่เคยจะมาก่อน

  3. #3
    bandit
    Guest

    Re: ลาบแง้

    Re: ลาบแง้

  4. #4

    Re: ลาบแง้

    ลาบแง้ เหมือนกันกับก้อยแง้ บ้อ
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  5. #5
    bandit
    Guest

    Re: ลาบแง้

    ลาบกะสิค้ายๆกับคับแต่ลาบมันสิมีน้ำพออุจุหน่อยหนึ่งคอเอาแง้ที่ย่างสุกแล้วมาลวน
    ที่น้ำมันเล็กน้อยแล้วเติมน้ำอีกนิดละกะเอามาลาบตามสูตรครับ

    แต่ก้อยนี่ย่างสุกแล้วเอาหมาดๆแล้วจังมาสับให่ละเอียดจังมาปรุงเครื่องก้อย

  6. #6

    Re: ลาบแง้

    Re: ลาบแง้ กระทู้ต้นฉบับโดยคุณ PN Electronics
    ลาบกะสิค้ายๆกับคับแต่ลาบมันสิมีน้ำพออุจุหน่อยหนึ่งคอเอาแง้ที่ย่างสุกแล้วมาลวน
    ที่น้ำมันเล็กน้อยแล้วเติมน้ำอีกนิดละกะเอามาลาบตามสูตรครับ

    แต่ก้อยนี่ย่างสุกแล้วเอาหมาดๆแล้วจังมาสับให่ละเอียดจังมาปรุงเครื่องก้อย
    คันจังซั่น บอเคยกินด๊อกลาบแง้ เคยกินแตก้อย
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  7. #7
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490

    Re: ลาบแง้

    อยากกิน....อยากกิน...ทางกาสินมีบ่อสงกรานต์สิไปหากิน...
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  8. #8
    ดูแลตรวจสอบเนื้อหา สัญลักษณ์ของ ดอกหญ้า
    วันที่สมัคร
    Dec 2006
    กระทู้
    755

    Re: ลาบแง้

    แถวโรงเรียนน่าแล้งนี่ แล่นเต็มเลยแง้แหม
    แล่นตำกันแตกซวดๆๆ อยู่มาจับกินโลดเด้อ
    ระวังจับบ่ทันมันลงฮูก่อนเด้อ
    อิอิอิ

  9. #9

    Re: ลาบแง้

    Re: ลาบแง้ กระทู้ต้นฉบับโดยคุณ ดอกหญ้า
    แถวโรงเรียนน่าแล้งนี่ แล่นเต็มเลยแง้แหม
    แล่นตำกันแตกซวดๆๆ อยู่มาจับกินโลดเด้อ
    ระวังจับบ่ทันมันลงฮูก่อนเด้อ
    อิอิอิ
    บ่อแมนแง้มันออกคอนเสิร์ตบ้อ มันจังดังซวดๆๆ
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  10. #10
    bandit
    Guest

    Re: ลาบแง้

    อยู่โรงเรียนบ้านข่อยถือว่าเป็นสัตว์สงวนครับ ไผ๋จับไปกินโตละ100 ส่วนมากบ่อจับแหล่วมีแต่ก่นกับเอาบ่วงไปคล้อง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •