กุ้งจ่อม...สูตรลูกหินสะอาดปลอดภัยแซ่บๆๆจ้า
กุ้งจ่อม.. ภูมิปัญญาพื้นบ้าน ที่เป็นอาหารโปรดของหลายๆ ท่าน ลูกหินเอง กะมักหลาย...
จนว่า อยากสิเฮ็ดเองได้... และแล้ว อิอิ มื้อวันที่ 22 กุมภาพันธ์ ที่ผ่านมามีชาวบ้าน
แถวห้วยเสนง นำกุ้งสด สด มาจำหน่ายให้ที่ ที่ทำงานลูกหินกะเลยช่วยอุดหนุนเพิ่น
เพิ่นขายถูกอีหลีจ้าถุงละ 20 บาท นำไปก้อยกะได้จานเปใหญ่พุ้นหละจ้า
กะเลยซื้อเพิ่น 6 ถุง นำไปฝากเอื้อย น้อง ที่สนิทกัน และเก็บไว้ทดลองเฮ็ด
กุ้งจ่อม 3 ถุงจ้า โดยไปขอสูตรจากพี่น้อย คุณครูสอนคหกรรม เพิ่นกะใจดีหลาย
บอกสูตรว่าเฮ้ดบ่ยาก... ลูกหินกะจำมา ดำเนินการทันที จ้า ลองทำเบิ่งดูจ้าบ่ยากเลยจ้า
เริ่มจากกุ้งสด ที่ได้ มาต้องล้างให้ สะอาด ล้าง ทีละน้อย
ทีละน้อย เพื่อจะได้สะอาดอีหลี ปราศจากแมลงน้ำอื่น หรือ....
แม้แต่ไข่ คางคก ที่ บ่ ทราบว่า สิ มี สิ ติด มา บ่ น๊อจ้า
ล้างทีละน้อย ลูกหิน ล้างหลายครั้ง จ้า ต้องการให้ สะอาดปลอดภัยอีหลี
ล้างกุ้งเสร็จ พักใส่กระชอน ให้สะเด็ดน้ำ ตั้งไว้จ้า
สิ่งที่ ต้องเตรียม น้ำปลาทิพรส เน้น ต้องทิพรส จ้า นัยว่าทำให้สีสวย
บ่เค็มแฮงนำจ้า อิอิ เบิ่งต่อ..นะจ๊ะ
เตรียมข้าวคั่ว ใช้ข้าวสารจ้าว จ้าคั่วให้ สี ออกคล้ำ แบบนี้จ้า เวลาใส่ต้องกะปริมาณ
แต่ บ่ ได้ใส่ตอนแรกจ้า ตอนแรกล้างกุ้งเสร็จแล้ว พักไว้แล้วนำใส่ขวดแก้ว
ถ้า บ่ มี กล่องพาสติกกะพอแทนกันได้ จากนั้นเติมน้ำปลาทิพรส ให้ ท่วม ปิดฝาจ้า
ตั้งไว้บางท่าน กะอาจนำไปตากแดด ในขั้นตอนนี้ แต่ ต้อง เผยอฝาขวดเด้อจ้า
ยามนำไปตากแดด เพื่อว่ากุ้ง สิได้แดง แต่ลูกหิน บ่ได้ ตากดอกจ้า
เติมน้ำปลากะตั้งไว้..... 2 มื้อ
เติมน้ำปลาลงไป ขนาดประมาณ นี้จ้า ท่วมตัวกุ้ง สูตรลูกหิน ตั้งไว้ประมาณ
2 มื้อ มื้อนี่ 2 นำมาเท ออกใส่ชาม ตักน้ำปลาออกประมาณ 1 ถ้วย
จากนั้นนำข้าวคั่วมา ดรย เคล้าเบาๆ ทั่วๆ นำใส่ขวดไว้คืน จ้า
ในช่วงที่ใส่ข้าวคั่วแล้ว กุ้งจะเกิดปฏิกิรยา (พะนะ) อืด อืด อิอิ
เฮาต้องเบิ่งแล้ว ใช้ช้อนกดลง กลับด้านบ้างกะดีจ้า ให้ข้าวคั่วคละให้ทั่ว
สีสรรเริ่มเปลี่ยน ราว 7 วันกะ กินได้แล้วจ้า ทั้งนี้ อาจเปรี้ยวเร็ว หรือ ช้า
มีปัจจัยเกี่ยวข้อง เช่น สภาพอากาศ การใส่ข้าวคั่ว ใส่ มาก กะเปรี้ยวไว
แต่ การเก็บกะต้องนำใส่ตู้เย็น สิได้ เก็บนาน นาน แต่ สูตรลูกหินเมื่อทำแล้ว
(เฮ็ดครั้งแรก) กะนำมาให้เอื้อยอ้าย ที่ทำงาน ชิม นำไปแจกน้องๆ ที่สนิทกินนำ
เพิ่นกะว่า แซ่บหลายจ้า ...... หน้าตา ประมาณ นี้ จ้า ยาม ปรุงลูกหิน
ใส่เครื่องหลาย เบิ่งไปคล้ายคล้ายยำ กุ้งจ่อม :l-
ประกอบด้วย หอม กระเทียม พริกสด พริกย่างตำ ขิง ตะไคร้ มีผักสะระแหน่
ใส่นำกะแซ่บ จ้า ผักชีกะได้ จ้า ทานกะ ผักสด แซ่บ หลายจ้า
ประมาณนี้ จ้า.... หมดเกลี้ยง จ้า แซ่บหลายจ้า
Bookmarks