พิจารณาอ้ายแหน่ - แต่งเล่น ร้องเล่น ฟังเล่นๆ เด้อครับ

[หนุ่มน้อยศรีธนญชัย]

เพิ่งจะหัดแต่งเพลง ขอคำแนะนำจากอ้ายเอื้อยแหน่เด้อครับ

ลิขสิทธิ์บน YouTube Credit By : https://www.youtube.com/watch?v=dWw5uUs9iTY


C Em Am Em
เบิดหัวใจให้ไผแล้วบ่ เจ้าจึงบ่สนใจอ้ายแหน่
F G C
ขอเพียงแค่ เลี้ยวมองกันก็ยังดี
Dm G Em Am
แต่ว่าทุกเศษเสี้ยวหัวใจ ขออ้ายดวงนี้
F G
หลงมักเจ้า เบิดแล้วฮู้บ่น้อ

เมี้ยนมาโดนจนใจสิฮัว บ่ได่ตั๋วอีหลีน้องหล่า
อ้ายสัญญา สาบานว่าฮักเจ้าหลาย
จอบลุ้นจนแทบขาดใจ เจ้าจากไปอ้ายคงเสียดาย
ที่บ่ได้บอกคำในหัวใจ ว่าฮักเจ้าอีหลี

Dm G Em Am
สิพอมีอีหยัง ที่อ้ายคนนี้ สิเฮ็ดให้เจ้าได้ฮู้
Dm G C
ว่าอ้ายแอบหลงมักอยู่ มาตั้งแต่โดน

F G Em Am
คนคืออ้าย ฮักไผฮักจริง เด้อหล่า
Dm G C
บ่ได้สิมา ตั๋วต้ม ดอกหนอ
F G Em Am
หากว่าเจ้า บ่ทันมีไผ เคลียคลอ
Dm G C
สิได้บ่น้อ พิจารณาอ้ายแหน่


แม้ว่าผลสิผ่านหรือบ่ อ้ายสิขอส่งใจเข้าแข่ง
เพื่อแสดง ว่าอ้ายจริงใจคักแท้
อย่างน้อยน้อยกะได้ฮู้ว่า ใจอ้ายบ่เคยผันแปร
เว้าฮอดปานนี่สิบ่เลี้ยวแล จักหน่อยบ่นาง

13.50 น. 2 มีนาคม 2553 มิลาน อิตาลี
Via Cavezzali 11
นกหวีด

[หมูหวาน]

ม่วนอยู่จ้า ฟังเล่นๆกะม่วน ฟังอีหลี กะม่วนจ้า เนื้อหาดี จ้า เป็นกำลังใจ แต่งเพลงม่วนๆอีกเด้อจ้า

[บ่าวโก้ เกียรติณรงค์]

ดีครับ ฝึกหลายๆครับ เพิ่มพลังเสียงแล้วกะคำไห่มันชัดเจนกั่วนี่กะสิดีเองครับ สู้ๆครับเป็นแฮงใจไห่ครับ

[พล พระยาแล]

เพิ่มพลังเสียงให้ออกมาจากกระบังลม ให้มีพลังครับ ชัดถ้อยชัดคำครับ

ขอเป็นกำลังใจให้ตลอดไปครับ กรี๊ดดดด ซวด ๆ ๆ ๆ ๆ

[หนุ่มน้อยศรีธนญชัย]

ขอบคุณหลายๆ สำหรับทุกๆ คำติชมเด้อครับ ผมสิพยายามเฮ็ดให้ดีขึ้นเรื่อยๆ ^_^

[ธีระปลัด]

มาจอบฟัง มวนครับมวนแต่ร้องให้ชัดถ้อยชัดคำก็นี้แน่เด้อครับ มวนๆครับ