ใกล้สิเถิงเดือนห้า เมษา ฟ้ากระจ่าง
ฟ้าเปิดทางแดดเอ้า ไอฮ้อน เฮ่งฮม
ปลาบืนตมหนองน้อย เป็นฮอย ดิ้นด่าว
รอเมฆขาวเคลื่อนย้าย บังฮ้อน หน่วยสูรย์
เหลียวไปไกลฟากพุ้น ไอแดดขุ่น ควันเหย
ยามลมเพยพานกาย ค่อยซ่วงหาย เบาฮ้อน
หัวนาดอนยามนี้ เสียงแมงอี แกมจักจั่น
ฟังเสียงงันหมู่ไม้ ดงคล้อย ป่ากะเลา
กุกกูเขาขันจ้อ เหลียวคอ ฮ้องหาคู่
ฟังเสียงหน่ำคูคู คือสิออยออดซู้ มาซ้อน ฮ่วมฮัง
เมฆเค้าตั้ง บังแดด เป็นเวิงบด
ดีท่ออาโปฮด ฮ่ำลง ลาแล้ง
บรรเทาแสงสูรย์กล้า นภาบัง กั้งเป็นฮ่ม
นิทรารมย์แซบซ้อย สบายบ้าง แบ่งเบา


...หาเซาฮ่มนอนเว็นก่อนดอก บาดนี้ ฮ้อนกะด้อกะเดี้ย...