สวัสดียามบ่ายๆ จ้า มื้อนี้ มีแนวกินมาฝาก หลังจากหายหน้าไปดนเติบ 55555555
ไปหาคั๊วะหอยมา ตะกลางท่ง ทางฝั่งหนองพุ้นละ จร้า 5555
:l- ได้หอยจุฟฟฟ มา กะคุน้อยหนึ่ง จักจะเฮ็ดแนวได๋กิน คึดบ่ออกกะเลยต้มไว้ใส่ตู้เย็น แลัวมื้อนี้ ไปซอกในตู้เย็นหาแนวกิน คึดได้ กะเลยเอาหอยต้มมาแปลสภาพ เก็บของที่เหลือๆในตู้เย็นมา 55
กะมี เห็ดเฟือง(เห็ดฟาง) ผักกวางตุ้ง ผักชีลาว และหอยจุฟฟที่ต้มไว้แต่คืน กะเลยเอาทุกอย่างมาแกงรวมกันจ้า (แถวบ้านเอิ้นอ่อมเด้เน๊าะ)
เริ่มลงมือเลยเน๊าะ เวลามีหน่อย :l-
กะเอาหอย มาถอดเสื้อ สาเกิ่น เพื่อความสะดวกในการกิน กะเหลือแต่ หัวหอย (ตามภาพ)
แล้วกะล้างผักกวางตุ้ง ผักชีลาว(บ้านเฮา) หั่นพอดีๆคำ แล้วกะล้างเห็ดเฟืองฝ่ากลางหรือให้พอดีคำ จั่งบ่ติดคอ 55 (ตามภาพ)
เครื่องปรุงกะบ่มีหยังหลาย ตำพริก กะเตรียมส้มขามเปียก ไว้ เอาหม้อมาใส่น้ำพอประมาณ เคิ่งถ้วย 1 นี้ละ บ่ใส่หลาย เอาหอยที่จิ้มเอาแต่หัววั่งฮั่นมาลงหม้อ ใส่พริก ใส่ปลาร้า เกลือจักนิด ใส่ส้มขามเปียก และชูรส นิดๆเพื่อความอร่อย 555 แล้วก็ ยกหม้อขึ้นตั้งเตาแกส เริ่งไฟพอปานกลาง สักพัก ชิมรสแล้ว กะใส่ผักที่เตรียมไว้ โยนลงหม้อไปเลยจร้า ทิ้มไว้ แป๊บๆ หน้าตาแกงอ่อมหอยกะจะออกมาเป็นแนวนี้ :l-
เบิ่งอีกรอบเพื่อความอร่อย อย่างทั่วถึง 5555555 (รับประกันความแซบจร้า):l-
Bookmarks