ทำไมเธอถึงลืมตัวเมื่ออยู่ไกลบ้าน

[ลูกสาวพ่อแล]

แต๋วเองจ้าแต๋วมาอยู่เดนมาร์กปีกว่าแล้วตอนนี้ต้องไปเรียนภาษาเดนนีส พอไปเรียนพ้อคนไทยนำกันเมื่อมาอยู่ไกลบ้านกะดีใจหลายยังมีคนเว้าภาษาเดียวกันเว้าอีสานนำกันแต่มันบ่เป็นอย่างที่คิดแล้วจ้ามีแต่ปัญหา เว้าไทยนำเพิ้นกะว่าอย่าเว้าไทยเว้าเดนมาร์ก กะแต๋วคนไทยเนาะสิให้เว้าเดนมาร์กจั็งใด ในเมื่อเพิ้นกะคนไทยนำกันเพิ้นมาอยู่เดนมาร์กทีหลังแต๋วอีกแค่ปีเดียวเพิ้นบ่ต้องการเว้าไทยแล้ว เพิ้นเป็นคนเพชรบูรณ์แต่เพิ้นบ่เว้าอีสานนำแต๋วซ่ำไป แต๋วกะเลยบ่เว้านำเพิ้นอีกเลยแต๋วสิอยู่ไสแต่วกะยังเป็นคนไทยอยู่ดี งึดว่าเพิ้นเฮ็ดจั็งซี้ได้จั็งใด เรียนห้องเดียวกันแต่เพิ้นกะบ่เว้านำ เว้าแต่นำคนประเทศอื่น คนไทยที่ไปเรียนนำกันเพิ้นกะว่าคือกันยามเพิ้นเว้าไทยนำเพิ้นกะบอกให้เว้าเดนนิส พี่คนนั้นกะเลยบอกว่าฉันคนไทยฉันจะพูดไทย งงหลายเธอคือเฮ็ดได้