-
ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
วาสนาของอ้าย ซ่ำตองห่อกระทอเกลือ
ฮับความเค็มกะหล๊ายหลาย ผัดบ่มีคุณค่า
เปรียบคือเฮ็ดงานสร้าง หนักหลายอ้ายบ่หวั่น
บาดว่าเงินเดือนน้อย เอาแฮงสู้ค่าบ่สม
ปราถนานางน้อง สิสู้หมั่นเอาปานใด๋
จักสิมีมื้อไค ได้เงินมาขอเจ้า
อันผู้สวยสูงค่า ย่านมูลค่าบ่ควรสม
ค่าซ่ำตมน้อนาง สิเทียบทองพันช่าง
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
คักแท้น้ออ้าย อ้ายเปรียบตังอ้ายคือตองห่อกระท้อเกลือน้อ
เผิ่นว่าเค็มก็เค็มดังเกลือ แม้มีน้อยก็ยังดีกว่าน้ำเค็มเต็มทะเลเด้ออ้าย
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
อ้ายเอย แนวว่าเกือคุณบ่หน่อย ซ่อยปลาเป็นปลาแดก
เอาแลกเข้ากะพ่องนั้น ค่านั้นหากมากมูล
มีแต่ปูนบ่อมีน้ำ บ่อห่อนทำเป็นเฮียนใหญ่
มีแต่ไซงาบ่อพร้อม บ่อได้ต้อมหมู่ปลาซิว ดอกอ้าย
เพชรก่อนสิเป็นเพ็ชรนั้น กะแม่นหินมาก่อน
ออนซอนหยังสาวผู้ดี สามสิบปีกะเลยเฒ่า ดอกอ้าย
อยู่แต่เฮาสนุกแล้ว แนวได๋ดีฟ่าวใช้จ่าย
ดีกว่าหาจ่ายให้ สาวใช้บ่แม่นทาง
บ่อแม่นผมมาเว้าอ้าง สอนทางนั่นบ่อแม่น
ผิดหม่องได๋อภัยไว้ หากผมนี่ล่วงเกิน เด้ออ้าย หวัดดีครับ
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
หัวแต่มาอ่านพ้อ ทองคำนำเว่าซ่อย
เพิ่นมาต่อผญาย่อย พอเป็นฮอยได้ย่างซ้อน นำทางแจ้งจักแม่นดี
ถูกนำความเพิ่นเว่า เพชรสิดีเป็นหินก่อน
สาวผู้วัยละออ่น อีกบ่โดนกะได้ เป็นเฒ่าย่างโซ
อันพาโลเขียนเอาไว้ เป็นแนวได๋ กะบอกแน่
หรือมีปราชญ์แท้ ๆ มาซ่อยแก้กะแฮ่งดี
อันแนวว่าโตนี้ มาลองเขียนกะมือใหม่
ถ้าอ่านแล้วบ่ถูกใจ หรือผิดไปกะค่อยเว้า สิฟังเจ้าคู่สู่ความ เด้อครับ
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
บ่อเป็นหยังดอกอ้าย พวมหัดไหม่คือกัน
เฮามาปันคำขาน ใขตำนานในความเว้า
เฮ้ดให้ฝูงคนเฒ่า อีสานเฮาเพิ่นใจซื่น
เฮาบ่ลื่นคนความเว้า อีสานเค้าแต่เก่ากาล
มีกลอนได๋ให้ลองต้าน เป็นผลงานได้ใขต่อ
สิได้พอตอบข้อ ผญาน้อยส่งกัน ซั่นดอกหว้า
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
สองผญานี้จั่งล้ำ ขอกล่าวนำจักหน่อย
คั่นข่อยผิดทางครู ให้ช่อยดูเบิ่งด้วย
เป็นหยังพากันเว้า ต่างแนวแถวทางคู่
ว่าสามสิบแล้วเฒ่า ผู้หญิงเจ้าสิว่าจั๋งใด๋
เดี๋ยวเผิ่นเข้ามาพอ สิบ่ก่อโมโหจิต
เผิ่นแฮงพากันคิด เรื่องนวลทุกแล้งเช้า
ให้เร็วๆเข้า พากันไขแก้ต่าง
ว่าเผิ่นงามเลิศล้ำ สามสิบนั้นยังผู้ดี........พี่ น้อง เอ๊ย.
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
มาจอบฟังซุมผู้บ่าวมักเว้าพื้น มาซางว่าจังซั่นน้ออ้าย.. ผู้สาวยุคพัฒนาสามสิบยังแจ๋วอยู่เด้อค่ะ..
..ยังแข่นอั้นตั้นอยู่เด้อ อิอิ
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
ม่วนหลาย ข่อยคือแต่งบ่อเป็นคือเพิ่น แต่งบ่อเป็นกะสิซอยให้แต้มดอกหวา คนละ 1
-
Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"
ขออภัยหลาย ๆ เจ้า บ่หวังเอามาเว่าว่า
ผู้เลขสาม นั้นขึ้นหน้า ไผว่าป้า บ่แม่นแนว
ผมบ่กล้าว่าแหล๋ว ย่านนีเวียขายบ่คล่อง
ครีมหน้าตึง บ่เป็นสอง เห็นทีวี อยู่สู่มื้อ ขายอื้อ ๆ อยู่สู่วัน
อีกคลีมพอล ลอรีออลย์ คลีมโอลาฬ แห่งเอาใหญ่
ของคนไทย มิสทีนซ้ำ ชนเอวอน เบิ่งบ่เป็น
เห็นความงามอยู่สู่เจ้า สาวสามสิบ นางแบบเพิ่น
ซ่างมะงามเหลือเกิน แต่ละคนปานนางฟ้า คลีมดึงหน้า ซ่อยอีหลี
ลองเบิ่งตี้หมู่เจ้า เฮ็ดนาข้าว คือเฮาแน่
ย่านตั้งแต่เพิ่นเฒ่า ยี่สิบเก้ากะบ่ยัง คลีมดึงหลังสู้บ่ได้ คลีมดึงหน้าเอาบ่ฟัง
ยี่สิบแปดกะปานป้า สามสิบห้า ว่าแม่นยาย พุ้นแหลว.......
(อย่าสุหาว่าเว้าพื้นเด้อ..ล้อเล่นซื่อ ๆ ดอก)
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
อ้างข้อความนี้