หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ลองเขียนเบิ่งอีกก่อนเด้อ ตั้งซื่อว่า " คนบ่มีค่า"


    วาสนาของอ้าย ซ่ำตองห่อกระทอเกลือ
    ฮับความเค็มกะหล๊ายหลาย ผัดบ่มีคุณค่า
    เปรียบคือเฮ็ดงานสร้าง หนักหลายอ้ายบ่หวั่น
    บาดว่าเงินเดือนน้อย เอาแฮงสู้ค่าบ่สม

    ปราถนานางน้อง สิสู้หมั่นเอาปานใด๋
    จักสิมีมื้อไค ได้เงินมาขอเจ้า
    อันผู้สวยสูงค่า ย่านมูลค่าบ่ควรสม
    ค่าซ่ำตมน้อนาง สิเทียบทองพันช่าง

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    UB
    Guest

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    คักแท้น้ออ้าย อ้ายเปรียบตังอ้ายคือตองห่อกระท้อเกลือน้อ
    เผิ่นว่าเค็มก็เค็มดังเกลือ แม้มีน้อยก็ยังดีกว่าน้ำเค็มเต็มทะเลเด้ออ้าย

  3. #3
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    อ้ายเอย แนวว่าเกือคุณบ่หน่อย ซ่อยปลาเป็นปลาแดก
    เอาแลกเข้ากะพ่องนั้น ค่านั้นหากมากมูล
    มีแต่ปูนบ่อมีน้ำ บ่อห่อนทำเป็นเฮียนใหญ่
    มีแต่ไซงาบ่อพร้อม บ่อได้ต้อมหมู่ปลาซิว ดอกอ้าย
    เพชรก่อนสิเป็นเพ็ชรนั้น กะแม่นหินมาก่อน
    ออนซอนหยังสาวผู้ดี สามสิบปีกะเลยเฒ่า ดอกอ้าย
    อยู่แต่เฮาสนุกแล้ว แนวได๋ดีฟ่าวใช้จ่าย
    ดีกว่าหาจ่ายให้ สาวใช้บ่แม่นทาง
    บ่อแม่นผมมาเว้าอ้าง สอนทางนั่นบ่อแม่น
    ผิดหม่องได๋อภัยไว้ หากผมนี่ล่วงเกิน เด้ออ้าย หวัดดีครับ

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    หัวแต่มาอ่านพ้อ ทองคำนำเว่าซ่อย
    เพิ่นมาต่อผญาย่อย พอเป็นฮอยได้ย่างซ้อน นำทางแจ้งจักแม่นดี
    ถูกนำความเพิ่นเว่า เพชรสิดีเป็นหินก่อน
    สาวผู้วัยละออ่น อีกบ่โดนกะได้ เป็นเฒ่าย่างโซ
    อันพาโลเขียนเอาไว้ เป็นแนวได๋ กะบอกแน่
    หรือมีปราชญ์แท้ ๆ มาซ่อยแก้กะแฮ่งดี
    อันแนวว่าโตนี้ มาลองเขียนกะมือใหม่
    ถ้าอ่านแล้วบ่ถูกใจ หรือผิดไปกะค่อยเว้า สิฟังเจ้าคู่สู่ความ เด้อครับ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  5. #5
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    บ่อเป็นหยังดอกอ้าย พวมหัดไหม่คือกัน
    เฮามาปันคำขาน ใขตำนานในความเว้า
    เฮ้ดให้ฝูงคนเฒ่า อีสานเฮาเพิ่นใจซื่น
    เฮาบ่ลื่นคนความเว้า อีสานเค้าแต่เก่ากาล
    มีกลอนได๋ให้ลองต้าน เป็นผลงานได้ใขต่อ
    สิได้พอตอบข้อ ผญาน้อยส่งกัน ซั่นดอกหว้า

  6. #6
    d-friend
    Guest

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    สองผญานี้จั่งล้ำ ขอกล่าวนำจักหน่อย
    คั่นข่อยผิดทางครู ให้ช่อยดูเบิ่งด้วย

    เป็นหยังพากันเว้า ต่างแนวแถวทางคู่
    ว่าสามสิบแล้วเฒ่า ผู้หญิงเจ้าสิว่าจั๋งใด๋

    เดี๋ยวเผิ่นเข้ามาพอ สิบ่ก่อโมโหจิต
    เผิ่นแฮงพากันคิด เรื่องนวลทุกแล้งเช้า

    ให้เร็วๆเข้า พากันไขแก้ต่าง
    ว่าเผิ่นงามเลิศล้ำ สามสิบนั้นยังผู้ดี........พี่ น้อง เอ๊ย.

  7. #7

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    มาจอบฟังซุมผู้บ่าวมักเว้าพื้น มาซางว่าจังซั่นน้ออ้าย.. ผู้สาวยุคพัฒนาสามสิบยังแจ๋วอยู่เด้อค่ะ..

    ..ยังแข่นอั้นตั้นอยู่เด้อ อิอิ
    =>> เดินทางบ่สุดเส้น อย่าถอยหลังให้เขาเหยียบ ตายขอให้ตายหน้าพุ้นเขาสิเอิ้นว่าหาญ <<=

  8. #8
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    ม่วนหลายจ้า

  9. #9

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    ม่วนหลาย ข่อยคือแต่งบ่อเป็นคือเพิ่น แต่งบ่อเป็นกะสิซอยให้แต้มดอกหวา คนละ 1
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  10. #10
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ลองเขียนเบิ่งอีกก่อนเด้อ ตั้งซื่อว่า " คนบ่มีค่า"

    ขออภัยหลาย ๆ เจ้า บ่หวังเอามาเว่าว่า
    ผู้เลขสาม นั้นขึ้นหน้า ไผว่าป้า บ่แม่นแนว
    ผมบ่กล้าว่าแหล๋ว ย่านนีเวียขายบ่คล่อง
    ครีมหน้าตึง บ่เป็นสอง เห็นทีวี อยู่สู่มื้อ ขายอื้อ ๆ อยู่สู่วัน
    อีกคลีมพอล ลอรีออลย์ คลีมโอลาฬ แห่งเอาใหญ่
    ของคนไทย มิสทีนซ้ำ ชนเอวอน เบิ่งบ่เป็น
    เห็นความงามอยู่สู่เจ้า สาวสามสิบ นางแบบเพิ่น
    ซ่างมะงามเหลือเกิน แต่ละคนปานนางฟ้า คลีมดึงหน้า ซ่อยอีหลี
    ลองเบิ่งตี้หมู่เจ้า เฮ็ดนาข้าว คือเฮาแน่
    ย่านตั้งแต่เพิ่นเฒ่า ยี่สิบเก้ากะบ่ยัง คลีมดึงหลังสู้บ่ได้ คลีมดึงหน้าเอาบ่ฟัง
    ยี่สิบแปดกะปานป้า สามสิบห้า ว่าแม่นยาย พุ้นแหลว.......

    (อย่าสุหาว่าเว้าพื้นเด้อ..ล้อเล่นซื่อ ๆ ดอก)

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •