กำลังแสดงผล 1 ถึง 4 จากทั้งหมด 4

หัวข้อ: บ่ฮัก..บ่คิดฮอดดอกหล่า..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    บ่ฮัก..บ่คิดฮอดดอกหล่า..

    บ่คิดฮอดดอกเด้อหล่า แค่อยากนั่งสบตา กับอยากเห็นหน้าเจ้าซื่อๆ
    และแค่อยากเอามือ กุมมือบางนางเอาไว้ แนบใจอ้ายไว้สุยาม
    ที่เทียวถามจู้จี้ ว่าน้องหล่าคนดี มามื้อนี้กินข้าวไป่
    กะบ่แม่นห่วงใย ย่านป่วยไข้สั่นดอกจ้า ย่านน้องหล่าเจ้าสิลืม
    และที่ทำซงบ่ปลื้ม กับอาการที่ซึม ยามเจ้า..ควงเขามาเดินผ่าน
    บ่ได้หึงดอกตาหวาน แค่รำคาญหมอนั้น คันคิดพ้อบ่ถืกใจ
    และบ่ได้ฮักเด้อหล่า เพียงแค่ตลอดเวลา คิดเห็นหน้าแล้วใจซื่น
    กับฝันพ้อเจ้าสุคืน กับเผลอยืนยิ้มใส่ฟ้า หลงคิดว่าหน้าคำแพง
    ทุกเซ้าแลงแค่อยากพ้อ อยากเว้านำเด้น้อ บาดยามท้อยามหมองหม่น
    คันแม่นเจ้าบ่สน ใจแค่ฮนฮุ่มฮ้อน ความเหงาท้อนเข้าทั่งใจ..ซื่อๆดอก..หล่าเอย

  2. #2
    บ่ได๋ต้องการเป็นเจ้าของดอกชีวีต
    บ่ได๋คิดสิเป็นเจ้าของหัวใจ
    ทั้งที่เธอกะฮู้ว่าเฮาอยู่กันแสนไกล
    แต่ขอฮู้ความเป็นไปของเจ้าท่อนั้นที่ฉันต้องการ:l-:l-

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    บ่อได้ฮักดอกหล่าแต่ทางตานั้นจอบส่อง
    ปานใด๋เด้น้อนาถน้องนางหล่าสิหญ่างกาย
    เพียงนางหญับหญ่างย้ายเห็นทางหลังกะใจซื่น
    นอนยามค่ำยามคืนเห็นแต่ภาพหน้าเจ้าบ่อมีมื้อส่างซา

    บ่อได้ฮักดอกเด้อหล่าแค่ถามหาเจ้าสื่อๆ
    ในหัวใจมันขี้ดื้อคิดถึงเจ้าอยู่สู่ยาม
    เคยถามใจโตเองแล้วแนวใด๋เอิ้นว่าฮัก
    กะบ่อจักสิตอบต้องโตเองนั้นว่าจั่งใด๋

    บ่อได้ฮักดอกเด้น้องเพียงหมายปองเจ้าสื่อๆ
    อยากเห็นหน้าอยู่สู่มื้อ หัวใจเป็นแป้วๆ ยามหวนฮู้เจ้าบ่อสน
    ยามดนๆ บ่อเห็นข้อคำเขียนเอื้อนเอ่ย
    หัวใจเลยเป็นอั่งๆ เอ้าๆ ยามเจ้าบ่ออยู่เฮือน

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    บ่แม่นผุร้ายปากแข็งบ้อน้ออ้าย.......อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •