กำลังแสดงผล 1 ถึง 10 จากทั้งหมด 10

หัวข้อ: หิ่งห้อย...คอยรัก

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    หิ่งห้อย...คอยรัก

    ฮู้อยูบ่..น้อหล่า ฮู้บ่ว่าอ้ายคิดฮอด
    ถึงสิเว้ามาตลอด ถึงสิหยอดให้ทุกครั้ง กะยังเว้าอยู่ดั่งเดิม
    ยังคอยเติมรักให้ จากหัวใจชายคนหนึ่ง
    ที่ยังเพ้อรำพึง คอยคิดถึงแต่หน้า ฝากนำฟ้าว่า “ฮักแฮง”
    แลงปฐมบรรทมซ้อน ไหว้วอนพระอธิษฐาน
    ขอให้พวกหมู่มาร ภัยอย่าพาลหาญต้อง นางน้องของอ้ายเด้อ
    เพราะฮักเธอเสมอแก้ว ยังวาวแววบ่เหลืองหล่า
    ด้วยดวงใจที่ห่วงหา หนุ่มบ้านนามาส่งให้ คนไกลพุ้นฟากทะเล
    อย่าไปเซเป๋ล้ม หลงคารมผู้ได๋ก่อน
    ใจคงขาดแน่นอน คันเจ้าป่อนปันรักให้ ไผมาซ้อนก่อนพี่ชาย
    เพราะว่าในโลกนี้ หากบ่มีน้องหล่าอยู่
    อ้ายสิทนหดหู่ อยู่คนเดียวจั่งซี้แหล่ว สิกินแห้วกะซ่างตาม ...น้องหล่าเอย..

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858

    พบปะพูดคุย

    :1-:1-แวะมาเพราะว่าคิดฮอด บ่มีแนวเว่าคิดบ่ออก บอกได่ต๊ะว่า คิดฮอด คิดฮอดไปแระ สวัสดีจ้า

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    คนอกหักนิ แต่งหยังกะม่วนเนาะ

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    หล่านางเอย...อ้ายยังคอยฮักแท้ ถึงเจ้าแลผุบ่าวอื่น

    กะยังฝืนฮักเจ้า ใจนี้บ่เปลี่ยนแปลง

    แม้ว่านางใจแล้ง หล่าคำแพงอ้ายบ่ว่า

    ถือว่าวาสนา พาให้ตกหลุมฮักเจ้า

    ทางใจอ้าย บ่เปลี่ยนไปเด้อนางเอย.....


    มาแจมนำอ้ายบ่าวก๋าคามผุเผิ่นแต่งม่วนเลยมาแอ้มแป๋ะ....

  5. #5
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    จักว่าคึดฮอดผุได๋บุนิ
    บอกแนเป็นหยังน้อ

  6. #6
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    ม่วน ม่วน น้อจ้าอ้าย
    ว่าแต่แต่งให้ไผน้อจ้า

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อ้ายเอ๋ย..
    ยามคิดถึงได่พ้อหน่า ตางคำจากะไคแน่
    บาดคึดฮอดแท้-แท้ ได่แต่แว่มาถามข่าว..พี่เอ๋ย
    ไกลแต่เพียงเล้าข้าว ให้สองเฮายังมั่นแก่น
    สิเนาแดนถิ่นไท้ อยู่กวงไกลยังคองหา
    คั่นยามเหงาให้อ้ายจา ส่งข่าวมาให้ฮู้แน่
    เถิงสิไกลกันบ่แพ้ นางสิส่งคำต้านมา
    กะยังคองคอยถ่า ผญาซ้วนผะอวนโอ่
    ในมโนของนางน้อง สิคองถ่าแต่พี่ชาย..เด้อจ้า
    มองต่าง..อย่างปลง

  8. #8
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    729
    บล็อก
    14
    น้องกะคิดฮอดอ้ายจักสิเขียนสารฝากนำไผเด้จั่งสิรับ
    ว่าสิฝากนำนกแขกเต้า แกมหมู่นกเขาทอง มักหักบินหอง ๆ แมนบ่ วนมาใกล้
    แมนสิไปเมืองนอก เมืองแกวกะตามซาง น้องสิเขียนสารห้อย คอแฮ้งให้เซินหา
    แก้ไขครั้งสุดท้ายโดย ไผ่หวาน; 16-03-2010 at 14:04.

  9. #9
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ฮู้เต็มอกอยู่ดอกหล่า วาสนาอ้ายต้อยต่ำ
    คนหน้าดำซ่ำอ้าย เทิ่งขี้ล่ายกะพ่องจน
    แม่นเวียนวนมื้อร้อยครั้ง เขากะซ่างเมินเฉย
    เทิงบ่หัวซาเลย และบ่เคยเอ่ยถึงซ้ำ
    เกิดมาดำต่ำต้อย คือหิงห่อยที่อ่อนแสง
    บ่หาญแข่งแสงตะวัน เขาคบครันทั้งรวยโก้
    กะฮู้โตอยู่ดอกน้อง ขอแค่มองจ้องห่างๆ
    พร้อมแอบฝันเลือนลาง ที่บ่มีทางเป็นไปได้
    หากมื้อได๋อยู่เทิงฟ้า กลางนภานั้นมิดหมี่
    ปราศจากแสงสุรีย์ เธอคนดีสิเมี่ยงม้อย แสงหิ่งห้อยหุ่งฮ่อมจาง...แน่บ่น้อ..
    แก้ไขครั้งสุดท้ายโดย พลายแก้ว; 22-03-2010 at 10:48.

  10. #10
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    น้องสาวเอย...แม่นสิหนีไปไกลม้าง ไปตามทางตะวันส่อง

    ตามแสงทองที่เจิดจ้า ยังบอกว่าสิฮักเธอ

    ลืมโลดเด้อแสงเพียงน้อย ที่ล่องลอยยามฟ้าหม่น

    ไปกับคนที่เขาใช่ ถึงเจ็บฮ้ายแม่นสิทน.....เด้นางน้อง



    เอาซำนี้ก่อนเนาะอ้ายพอดีงานเข้ามื้อหลังสิมาต่อให้เด้อหรือว่าผุได๋ว่างๆกะมาต่อให้แหน่เด้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •