กำลังแสดงผล 1 ถึง 5 จากทั้งหมด 5

หัวข้อ: ..เหตุเกิดจากข่าว..

  1. #1

    ..เหตุเกิดจากข่าว..

    ทุกมื้อนี้โลกเฮาต่างไปหลาย อันตรายสิมาเถิงเคิ่งกลางกำลังฮ้อน
    ประชากรแดดิ้น วินเวียนได้หมุนเปลี่ยน
    โลกสะเทือนทั่วเท้า เฮาฮ้อนอั่งอุทร
    มีบางตอนแสนสังเวช เกิดเหตุเศร้าสลด
    ขอยกบทบางตอน คำกลอนเพิ่นสอนไว้
    เพื่อเตือนใจให้สืบสร้าง ทางความดีให้มันแม่น
    อย่าไปแล่นตามแต่โลก สิโศกฮ้ายหน่ายลุน
    ถึงแม่นว่าบ่อยากจุ้น วุ่นวายไปนำเพิ่น
    แต่บังเอิญหากเห็นพ้อ ข่าวข้อสิ่งบ่ดี
    พระเณรสุมื้อนี้ ประพฤติดีหากหลายอยู่
    ผู้บ่ดีมีหน่อย ทางข้าน้อยขอสมา (ก่อนแหล่ว)
    อาจารย์สีน้ำเพิ่นสอนว่า พระนั้นอย่าเกียจคร้าน นอนนั่งเพื่อหวังกิน
    คอยขจัดมนทิน อยู่ในใจให้มันได้
    รักษาใจให้มันกุ้ม คุมเอาอย่าเข้าป่า
    เห็นสีกาอย่าล่วนลึ้ง ลวนล้อต่อผญา
    มันสิพาให้ศีลเศร้า วินัยเฮาสิพลอยด่าง
    ตัดหนทางชาติหน้า สิคาค้างอยู่หง่าขาม
    บวชกะขอให้บวชเพื่อข้าม แม่น้ำใหญ่คือตัณหา
    นิพพิทาเป็นทางเดิน เดิ่นแปนงามเกลี้ยง
    อย่าไปฟังเสียงล้อ กามคุณสิบาปใหญ่
    ถอนรูปเสียงกลิ่นรส โผฏฐัพพะออกได้ ไปแล้วอย่าต่าวคืน
    คันแม่นทรงผืนผ้า จีวราเหลืองอ่อน
    คิดพ้อตอนเพิ่นทานเลี้ยง สิเปลืองข้าวส่ำได๋
    บ่เว้าหลายดอกผู้ข้า ย่านคิดว่าบ่สมควร
    สิขอม้วนนิฏฐิตัง เอวังหวังเตือนท่าน พระเฮย..




    ด้วยความเคารพขอรับกระผม..


  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    "บวชกะขอให้บวชเพื่อข้าม แม่น้ำใหญ่คือตัณหา
    นิพพิทาเป็นทางเดิน เดิ่นแปนงามเกลี้ยง
    อย่าไปฟังเสียงล้อ กามคุณสิบาปใหญ่
    ถอนรูปเสียงกลิ่นรส โผฏฐัพพะออกได้ ไปแล้วอย่าต่าวคืน
    คันแม่นทรงผืนผ้า จีวราเหลืองอ่อน
    คิดพ้อตอนเพิ่นทานเลี้ยง สิเปลืองข้าวส่ำได๋"

    มักบทนี้หลายครับ อ่านแล้วเฮ็ดให้คึดนำ
    สิไปเอาไปให้หลานอยู่วัดอ่านก่อน
    เผื่อเพิ่นสิคึดได้

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    กิจของสงฆ์ดำรงไว้ พระวินัยบ่ให่หล่าย
    จิตกับกายสิแปดเปื้อน เป็นเหงื่อนล่อต่อหมู่คน
    ปัญญาชนควรมุ่ง ผดุงธรรมมานำแผ่
    บ่ห่อนไปยักแย่ กระแสร์เชี่ยวเหนี่ยวนำ
    c06:

  4. #4
    อนิจา พระพุทธศาสนา พระบวชนาน

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    [COLOR="YellowGreen"]ขอบใจอ้ายบ่าวก๋าคามหลายๆเด้อที่เอาคำสอนดีๆมาให้พี่อบใจอ้ายก๋าน้องอ่านครับ[/COLOR]
    แก้ไขครั้งสุดท้ายโดย วัฒนชัย หาริโร; 24-03-2010 at 20:18.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •