กำลังแสดงผล 1 ถึง 2 จากทั้งหมด 2

หัวข้อ: สั่งนาง..ยามเมือบ้านเล่นสงกรานต์ปีใหม่...

  1. #1

    สั่งนาง..ยามเมือบ้านเล่นสงกรานต์ปีใหม่...

    หล่าคำเอ้ย...
    เจ้าสิคืนเมือบ้าน อ้ายหวนฮ่ำคำนึงหา
    น้ำตารินลามไหล ไฝ่คนิงนำซู้
    เจ้าผู้บุญกูแก้ว สิคืนเมือบ้านอยู่
    สรงน้ำผู้เฒ่าแล้ว นางแก้วให้ด่วนมา
    คันฮอดบ้านน้องหล่า อย่าลืมอุ่นอวนอก
    ขอให้มองเมิลหลิง บ่าวพี่ชายอยู่ทางพี้
    อย่าสะโศกีกั้น กระสันนำทางอื่น
    คิดฮอดอ้ายแน่เด้อเจ้า ให้หันหน้าต่าวมา
    คันฮอดบ้านน้องหล่า อย่าสุลืมคนซู้ฮัก
    อย่าสะไลลืมชาย อ้ายผู้คองคอยถ่า
    มื้อเจ้าลาจากร้าง เหินห่างไกลกัน
    สิได้ฮามแพงขวัญ ดุ่งเดียวเดินย้าย
    สายคอแก้ว จอมขวัญอ้ายสิสั่ง
    อ้ายสิเอิ้นสั่งน้อง คำเว้าเจ้าอย่ามาย
    คันแม่นไกลจากอ้าย อย่าสุปากนำไผ๋
    แม่นสิชายได๋แท้ มาตอแยถามข่าว
    เจ้าอย่าได้ต่างหน้า จาต้านตอบเขา
    คันแม่นเจ้าไปพุ้น อย่าตำสะดุดต้อง หินแฮ่กลางทาง
    อย่าให้ตำสะดุดต้อง หินบางกลางหล่า
    ให้เจ้าก้มต่ำหน้า ฮอดบ้านแล้วจั่งเงย เดอหล่าเด้อ...
    แก้ไขครั้งสุดท้ายโดย พลายแก้ว; 26-03-2010 at 10:20.


  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    งฃก้มหน้าหลายสิบ่ตำตอไม้ชะบ้อละอ้าย....
    หัวโป้ตีนสิเหลิ่นเด้ละ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •