หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: เบื่อล่ะบ้อน้องหล่า..กับคำว่า "คิดฮอด"

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    เบื่อล่ะบ้อน้องหล่า..กับคำว่า "คิดฮอด"

    เบื่อล่ะบ้อ..น้อหล่า เบื่อคำว่า..คิดฮอด
    ที่เทียวหยอดให้แต่เจ้า กับเทียวเว้าว่า..คิดถึง
    คนผู้หนึ่งอยู่ไกลหน้า สิให้ว่าคำได๋
    จากหัวใจที่โหยหา ทุกเวลาบ่มีเว้น
    ยังคิดเห็นแต่หน้าเจ้า เว้าบ่เซากะบ่ส่วง
    บ่เคยห่วงไผปานนี้ คนดีเจ้าโปรดเข้าใจ
    รำคาญหลายแฮงติเจ้า ที่คนเหงามาคึดต่อ
    เทียวตามส่ออยู่สุมื้อ ย่อนใจดื้อมารักเธอ
    ขอโทษเด้อที่มาเว้า แต่คำเก่าๆว่า "คิดถึง"
    บ่ตราตรึงถึงความนัย บ่ซึ้งใจกะซ่างน้อง
    บ่หวังครองเคียงคู่ กะฮู้อยู่ว่าไกลกัน
    บ่คึดฝันเกินความจริง แค่ให้หลิงล่ำมองบ้าง
    คิดเห็นทางใจน้อยๆ ที่มาหลอยหลงคิดฮ่ำ
    ใจที่คอยคิดนำ คิดอ่ำหล่ำนำอ้อล้อ พอคลายท้อบาดเมื่อยแฮง..น้องสาวเอย..

  2. #2
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    เบื่อล่ะบ้อ..น้อหล่า เบื่อคำว่า..คิดฮอด บอเบื่อดอกจ้าแต่เปลี่ยนเป็นคำว่า "สิมาหา" คือสิดีใจกว่า

  3. #3
    ร่วมถ่ายทอดความรู้สู่สังคม สัญลักษณ์ของ สาวธาตุเชิงชุม
    วันที่สมัคร
    Apr 2007
    กระทู้
    647
    c06:โอ้ยถ่าเป็นข่อยบ่มีเมื่อเบื่อดอก คำว่าคิดฮอดบ่แม่นยาฆ่าหนู

  4. #4
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    เบื่ออิหลีติคำว่าคิดฮอด

    มาให้เอาไปฆ่าปูในนาข้าวแนน๊า


    หลายคักขนาด

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    น้องหล่าแฮงมักอ้ายเว้ามาโลด

  6. #6
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    หล่านางเอย...
    ตั้งแต่นกเขาตู้ พรากคู่กะยังขัน
    ตั้งแต่กาเหว่าวอน พรากคอนกะยังฮ้อง
    บาดว่าน้องพรากอ้าย ความเดียวบ่เอิ้นสั่ง แน่บ๊อ..
    คันบ่เอิ้นสั่งใกล้ กะขอให้เอิ้นสั่งไกล แด่แม
    หล่านางเอย..ตั้งแต่นกเขาไข่ กะยังเอาแก้มก่ายคอน
    บาดว่านกเขานอน กะยังเอาแก้มก่ายไม้
    คันเจ้าไกลจากอ้าย สิเอาแก้มก่ายผู้ได๋
    อยู่หม่องได๋น้อ..น้องหล่า คำเว้าจามามิดหมี่
    หรือคนดีเจ้าลืมไล บ่าวพี่ชายละบ้อน้อง
    สุดที่คองคอยเจ้า เช้าสายจนบ่ายค่ำ
    ทักอ้ายแน่จักคำ อย่าใจดำทำหลบหน้า เข้าขี้ฝ่าปานบั้งไฟ หลายถ่อน..
    ล่อนต้อน ล่อนเตาะ ล่อนต้อน
    เลี้ยงแน่ถ่อน เลี้ยงอ้ายไว้แน่ถ่อน
    ลังห่าอ้ายได้คอน กะต่ามอนนำก้น..สั่นดอกหวา...



    โอ๊ยยย..เว้าหยังกะบ่เซาคิดฮอดผู้ลังคน..หน่ายจะของเด้..

  7. #7
    แบ่งปันความรู้และประสบการณ์ สัญลักษณ์ของ ปึกกะหลืน
    วันที่สมัคร
    Jun 2008
    กระทู้
    70
    อ้าย..เอ้ย อย่ามาติแถลงเว่าเอาเลามาปลูก บ่แมนเชื้อชาติอ้อยกินแล้วบ่ฮ่อนหวาน
    ข่อยย่านบ่เป็นจังวาดสีชมพูคือจั่งว่า ย่านเป็นคือตอกมัดกล้าดำนาแล้วเหยียบใส่ตม...

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    อ้ายบ่ได้ติแถลงเว้า เอาความจริงเข้ามาว่า
    บ่ได้เห็นคือตอกมัดกล้า ดำนาแล้วเหยียบใส่ตม
    บ่ได้ติแถลงหล่ม เอาคารมมาโปรยหว่าน
    บ่ได้หวานปากบั้ง ขังข้อต่อพะอวน
    บ่ได้กวนกล่าวเว้า ตั๊วะสาวให้หลงเชื่อ
    บ่ได้เจือคำจาง ให้พะนางนั้นหลงคล้อย
    สิ่งตาน้อยให้แน่หล่า มีเวลาจักหน่อยบ่
    อย่าให้คนที่รอ เบิ่งหน้าจอรอเจ้า ทุกแลงเช้ากะเงียบหาย..หลายถ่อน..

  9. #9
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ้ายผุพั้วดอกอ้ม
    หวานส้มให้คึดหล่ำ
    นางย้านหลงไห้นำ
    นางย้านคำเหลือเบ้า
    เอามาล่อพอได้ขาย......บ้อน้อจร้า

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    คึดฮอดต้องหยอดคำหวาน
    เบื่อไหมถามใจนงคราญ
    กับคำหวานหวาน...อย่าอ่านแล้วลืม...
    สู้เด้อ สู่เด๊อ บ่าวฯสิเป็นคนยู้หลังดอก
    c06:

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •