กำลังแสดงผล 1 ถึง 9 จากทั้งหมด 9

หัวข้อ: พายุ(ฮัก)ฤดูฮ้อน

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    พายุ(ฮัก)ฤดูฮ้อน

    พายุเอ้ย...เจ้าพายุฤดูฮ้อนนำฝนมาให้ดินซุ่ม
    แถมความเสียหายเป็นปุ้มซุมพืชสวนล้มมุ่นเพ
    เสาเฮือนโซเซล้มหลังคาปลิวแตกมุ่น
    หมุนค้วงๆ เฟืองปลิวว่อนถั่วถ่งนา
    ลมเอ้ยเจ้าส่างแถมกลั่นแกล้งหอมความฮักมาหา
    พัดพาเอาความเหงาออกจากใจชายคนไฮ้
    มอบความหวังให้หัวใจได้คึดต่อ
    เป็นธรรมแหน่บ่อน้อ หือเจ้าหอบความฮักล้นใส่ใจคนแพ้แต่ผู้เดียว
    บ่อทวนเทียวทางเค้าหอบความฮักกลับคืนไป
    มอบใส่ใจสาวคนไคฝากใส่ใจให้เธอบ้าง
    อย่าให้หลงคาค้างฮักข้างเดียวให้ดายเปล่า
    ฝากกลับไปบอกเจ้าเขาคนนั้น ให้หวนฮู้ฮักนำ....แหน่เด้อ
    แก้ไขครั้งสุดท้ายโดย ทิดจ่อย; 01-04-2010 at 20:47.


  2. #2
    อ้ายทิดจ่อย..บ่อ้วน ของน้องเอย..


    เป็นแนวได๋น้ออ้าย บ่าวพี่ซายคนรูปหล่อ
    ผญาเตาะต่อมต้อย ซงใจน้อยแม่นเรื่องหยัง
    ผุสาวซังผู้สาวถิ่ม เลยเก็กซิมสั่นบ้อพี่
    อย่าสุเศร้าโศกี เพิ่นหลบหนี้อยู่ตั๊วะอ้าย คันเคลียร์ได้สิต่าวมา
    เพิ่นฝากคำนำน้องหล่า ว่าคิดฮอดอ้ายคือเก่า
    คันฮักเขาห่วงเขา ให้อ้ายเอาโฉนดที่ ไปใช้หนี้ซ่อยพี่นาง..พะนะว่า อิอิ



    ไวๆเด้ออ้าย ฮ่าๆๆๆๆ

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อั่นว่า.....บ่าวก๋าคามเอ้ย

    โฉนดที่ดินนาผืนน้อยสาดเหี่ยนยังบ่อถ่อ กะอยู่นำ ธกส. พุ้นหละน้องทางอ้ายนั้นทุกข์จน
    เกิดเป็นคนนำไทยบ้านมูลบ่อหลายพอได้กินอยู่ ขุดกะปูป่นแย้ยากหลายแท้อั่นเรื่องเงิน
    เฮ็ดจั่งใด๋สิส่อยผู้สาวได้ คิดไปหลายทางใจผัดบ่อซื่น สิทนฝืนไปพ้อหน้าผู้สาวได้แม่นจั่งใด๋
    ย้านแต่ไกลไปหน้า คันเผิ่นบ่อหัวซาคนจนผู้ต้อยต่ำ กะสิไปตามกรรมบ่อหวังได้ซ้อนนอนร่วมเผิ่นผู้งาม
    คงสิต่างคนกะต่างไปหน้าหากินปลาวังใหม่ ใจพี่ซายกะสิหลบอยู่ลี้แนวเป็นหนี้แม่นดั่งกัน อิ อิ อิ

  4. #4
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    เข้ามาชมความงามของคำผญาจ้า

    เจ้าของแต่ง บ่ เป็น แต่มักอ่าน
    อ่านแล้วม่วนอีหลีเด้อจ้า

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    คือมีแต่ผุเป็นหนี้แท้มาเอานำน้องแหน่ หนี้เด้อหลายคือกัน

  6. #6
    หนี้เงินแสนพอหาได้
    หนี้น้ำใจผัดหายาก
    .........เด้อจร้าอ้ายบ่าว.อิอิ

  7. #7
    อ้ายทิดจ่อย..คนรูปหล่อของน้องเอ้ย...


    พอฟังคำอ้ายข่อย ทิดจ่อยมาโอ่อ่าว
    อยากซ่อยสาวใช้หนี้ หากติดที่พี่จนแฮง พะนะ
    ที่นาแปลงน้อยๆ กะมาพลอยติดจำนำ
    จักสิทำประการได๋ หนี้กะหลายถ่าปลดเปลื้อง
    สาวอย่าเคืองขึงโกรธ โทษเพิ่นเด้อว่าบ่ซ่อย
    ได้นั่งหงอยทดท้อ บ่าวมาพ้อคึดสงสาร อ้ายข่อยเด้..
    เอาแบบนี้สาอ้าย อันหนี้หลายพักไว้ก่อน
    บุกฮอดบ่อนเพิ่นโลดอ้าย จั่งสิได้เป็นคู่กัน
    หนี้ทางนี้ทางนั้น เอาโฮมกันจั่งปลดปล่อย
    สองคนซ่อยกันแก้ ลุหนี้แท้อ้ายทิดเอ้ย...



    เอาแบบนีล่ะอ้าย..บ่าวเอาใจซ่อย ฮ่าๆๆๆๆ

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    บ่าวก๋าคามเอ้ยมันเต็มทีแล้วทางอ้ายตัดสินบ่อถ้วนถี่
    พออยากเอามูลค่าหนี้เป็นของมั่นแม่นผู้สาว
    ตกหว่างคราวดาวโจรจี้ หนี้+หนี้ เป็นขี้ข้าภาระตื่ม
    อยากยืมนาพ่อเฒ่ามาขายค้าเป็นค่าดองเด้น้อ อิ อิ อิ

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ติ้งลิงติ่งลิงติ้งลิงติ่ง
    ลิงตกส่างหางซันกิ่งดิ่ง
    ลิงแก้แหแห่งแก้แห่งหยุ่ง
    55555
    หยอกเหล่นๆเด๊อครับทิดจ่อยกับบ่าวก๋าคาม
    อยากเป็นแท้เนาะขี่ข้าเงินตื่ม

    c06:
    แก้ไขครั้งสุดท้ายโดย pcalibration; 03-04-2010 at 16:26.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •